Ríkisstjórn með takmarkaða ábyrgð.

Stundum er ég svo undrandi á þessari þjóð að það hálfa væri nóg. Hér á landi hrundi efnahagslífið svo illilega að eftir var tekið í heiminum. Einn í áhöfn þeirrar ríkisstjórnar var Jóhanna Sigurðardóttir. Nú vill þjóðin engan frekar en þessa sömu Jóhönnu til að halda hér um stjórnartauma. Alli sem sitja í ríkisstjórn bera sameiginlega ábyrgð á rekstrinum. Þeir eiga að njóta þess ef vel gengur en ef illa gengur eiga þeir að axla ábyrgð. Í ríkisstjórn verður að veljast það hæfasta fólk hverju sinni. Við eigum að gera miklar kröfur. Von mín og væntingar eru þær að enginn sem sat í þeirri ríkisstjórn sem sat þegar allt hrundi hér settist aftur í ríkisstjórn. Ég vil ríkisstjórn með fulla ábyrgð ekki takmarkaða.

Meirihluti vill Jóhönnu áfram

Þið eruð bölvaðir drullusokkar!!!!!!!!

Á Alþingi í dag voru umræður snarpar nú eins og síðustu daga. Í dag voru sjálfstæðismenn sakaðir um mútuþægni úr ræðustóli. Mútur er glæpur og það ekki af bestu gerð. Sá siður hefur ríkt í þinginu að forseti alþingis hefur gripið inn í og ámynnt þingmenn um málfar. Minn gamli og góði sveitungi Gutti í Hvammi sá enga ástæðu til að minna þingmanninn á að vanda orðfar sitt. Stjórnmálamenn eiga við þann vanda í dag að þeir hafa misst traust. Eitt stærst mál stjórnmálamanna er að reyna að endurvekja traustið.Þetta á ekki bara við um sjálfstæðismenn, þetta á við um alla stjórnmálaflokka. Ef stjórnmálamenn fara að nota orðbragð eins og "háttvirtur þingmaður er glæpamaður", eða "ég verða að segja hæstvirtur forseti að í flokki háttvirts þingmanns er ekkert nema drullusokkar". Þá er hætta á að það verði bið á að við, almenningur, borgum til baka traustið sem stjórnmálamennirnir töpuðu.

1100 tónleikagestir á dag.

Til að bæta atvinnuástandið á m.a að klára tónlistarhúsið við höfnina. Búið er að taka 3.miljarða kr lán með 20% vöxtum í nýju bönkunum fyrir verkefninu. Ef haldnir væru tónleikar á hverjum einasta degi allt árið  og á hverja tónleika keyftu  1.100 manns  miða á 1500 kr stykkið, þá dygði það akkúrat fyrir vöxtunum af þessu láni. Tónlistarhúsið við höfnina verður að klárast. En hvaða tíma á að velja í það er spurning. Ég held að staðreyndin sem við stöndum frami fyrir er að ekkert atvinnulíf, ekkert menningarlíf, ekkert heimili, ekkert viðskiptalíf stendur undir þessari vaxtavitleysu sem við búum við í dag.

Atvinnuleysi mælist 8,9%

Kallinn í kók.

Árið 1998 gerðist sá stórkostlegi atburður að ég varð faðir. Ég eignaðist litla stúlku. Þessi atburður sem er alltaf jafn stórkostlegur hafði ekki gerst síðan  1972, er ég eignaðist son. Þegar maður eldist breytast gildin í umhverfinu og lífinu svolítið. Eitt af því sem fór fyrir brjóstið á mér vorið 1998 var ofuráhugi coka cola company fyrir því að gera þessa litlu dóttir mína af coke neytanda. Ég greip strax í taumana og af pólitískum áhuga var rekinn einarður áróður fyrir því coke færi á bannlista. Enginn skildi drekka coke í fjölskyldunni. Hér er það ég sem ræð en ekki coka cola company. Árið 2000 fæddist önnur stelpa. Stundum er eins og veröldin eigi ofgnótt af hamingju til að deila til mannanna. Til að gera langa sögu stutta þá drekkur enginn í fjölskyldunni coka cola. Það dró ekki úr ákveðni fjölskyldunnar þegar ein frænka dætranna kom til Íslands eftir starfa á Indlandi og sagði frá hvernig Coce vinnur þar á bæ. Hvernig Coke kemur með stóru dælurnar sínar sem þeir koma ofan í jörðina og dæla upp vatninu til að framleiða þennan óþvera. Við þetta þorna heilu landspildurnar upp hjá bændunum í nágrenninu sem eru að reyna að lifa á landinu til matar og framfærslu. Ég er ekki sá eini sem dreg siðferði og græðgistefnu coce cola company í efa.Ég hef heyrt um heilu félögin sem eru sama sinnis og ég. Ég er ótrúlega stoltur af stelpunum mínum þegar þær segja "við drekkum ekki coke".

Í sjálfstæðisflokknum þar sem ég er einn af áhafnarmeðlimum hefur geisað stormur. Ég eins og margir aðrir bíð  eftir að þessi stormur gangi yfir. Þegar ég heyrði útskýringar formanns okkar að þetta hafi bara verið hann Steini í coka að sinna fjáröflun fyrir flokkinn leið mér undarlega. Það er útiloka að lýsa þessari líðan, ekki reiður,ekki sár, ekki glaður. Það var eins og að eitthvað "ekki neitt " heltist yfir mig. Nú er eins og ég sé fullur af "ekki neinu" og læt þessum skrifum því lokið.

Nú ertu að fara út af teinunum Bjarni.

Þessum sirkus verður að linna. Okkur er boðið upp á að hlusta á í fréttatímum fjölmiðlanna, upptökur sem eru í algjöri mótsögn við það sem sagt er í dag. Þannig var spila viðtal við Geir Haard frá þeim tíma þar sem framkvæmdastjóraskiptin fóru fram. Þar segir Geir  að Kjartan komi til með að starfa með og við hliðina á nýjum framkvæmdastjóra. Kjartan segir hinsvegar að hann hafi hlaupið úr 4 okt 2006. Að bjóða okkur upp á að Kjartan viti ekkert og komi af fjöllum í þessu máli er svo fjarstæðukennt að það er ekki nokkur lifandi maður sem trúir þvílíku og öðru eins. Kjartan Gunnarsson var varaformaður stjórnar Landsbankans. Hann tók þátt í að móta þá stefnu í bankamálum sem kom þjóðinni á hausinn. Kjartan tók þátt í að lána sjálfum sér og öðrum eigendum bankans miljarða. Í mínum huga er það rannsóknar efni innan sjálfstæðisflokksin hverjir það eru sem treyst þessum manni best í eitt að æðstu embættum flokksins. Af hver er formaður flokksins að draga taum þessa manns. Ég vill út með hann. Ef hann hefur ekki vit á að segja sig úr miðstjórn þá á að vísa honum þaðan. Það eru allt of mörg skemmd epli í körfunni. Ef formaður ætlar að tala máli þessa manns lít ég svo á að hann sé að hafna mér og mínum líkum í flokknum.   

Fráleitt að draga nafn Kjartans inn í atburðarásina

Að segja pass er vond sögn.

Á þessar sögn átti ég ekki von á. Að segja pass í stöðunni er afleit sögn. Það sjá allir vandræðaganginn. Það er ekki bara í þingliðinu sem eldar brenna. Sjálfstæðismenn út um allt land eru hel sárir. Ef þetta heldur svona áfram er ég hræddur um að margir segi pass í kosningunum. Mín sögn er í alvarlegri endurskoðun.

Framhaldið í höndum formannsins

Tugþúsundir manna og kvenna bíða niðurstöðu.

Þeir skipta sennilega mörgum þúsundum sem bíða eftir niðurstöðu af þessum þingflokksfundi. Nú þíðir ekki að segja, ég vissi ekki, ég man ekki, eða ég man ekki hver veit, eða ég veit  ekki hver man. Eftir þennan fund verður að vera uppaf á nýrri byrjun. Sennilega er þetta einn mikilvægasti þingfundur sem flokkurinn hefur haldið. Kjartan Gunnarsson er búinn að segja landslýð að það sé lík í lestinni. En að sjálfsögðu flýtur sami Kjartan ofaná eins og korktappi, alsaklaus.

Þingflokkurinn á fundi

Hvernig eru reikningarnir afgreiddir?

Það verður að upplýsa okkur hinn almenna sjálfstæðismann hvernig reikningar flokksins eru afgreiddir. Voru fjármál sjálfstæðisflokksins einkamál nokkurra manna eins og Kjartans Gunnarssonar? Var fjárhagsleg staða flokksins ekki kynnt fyrir alþingismönnum? Á venjulegum aðalfundum er hluthöfum gefinn kostur á að spyrja spurninga. Hvernig var þetta hjá sjálfstæðisflokknum? Þegar ég kaus flokkinn og þegar ég kaus í prófkjöri, þá var ég jafnframt að kjósa fulltrúa minn til að fylgjast með því að þessi kjörni fulltrúi minn fylgdist með fjármálum flokksins. Af hverju veit enginn neitt? Var það ekki hlutverk þingmanna að fylgjast með fjárreiðum flokksins? Það verður að upplýsa okkur um þessa hluti. Það er ekki nóg að segja ég vissi ekkert. Það þarf að hreinsa til, það þarf að sópa undan teppinu.

„Upphæðirnar koma á óvart"

Náum flokknum til baka.

Þegar maður sér framlög frá Þorbirni hf upp á 2,4 mkr dettur manni í hug hvort það sé einn hlekkurinn í að þagga niður heilbrigða umræðu um sjávarútvegsmál. Banna m.a umræðu um hvort það eigi að setja regluverk um sölu á aflaheimildum milli aðila, banna umræðu um hvort fleiri en útgerðamenn megi eiga aflaheimildir, banna umræðu um hvort skattleggja á sérstaklega ef menn eru að selja sig út úr greininni. Það tókst með ágætum að koma umræðunni á landsfundi í farveg fáránleikans. Sleppa því að ræða það sem máli skiptir. Stærst hlutverk okkar sjálfstæðismanna er að ná flokknum úr höndunum á mönnum sem hafa komið honum í þann forarpytt sem hann er kominn í. Ná flokknum til baka í hendur á mönnum sem bera virðingu fyrir þeim gildum sem flokkurinn stendur fyrir. Ná flokknum til baka í þær hendur  sem bera virðingu fyrir fólki ekki fégræðgi. Fyrst skrefið af mörgum í þá átt er að henda Kjartani Gunnarssyni út úr miðstjórn.  Umfram allt þarf að ná flokknum til baka.

Landsbankinn veitti 2 styrki

Ótrúleg ósannsögli.

Aldrei hef ég orðið vitni af öðru eins ósannsögli eins og hjá Kjartani Gunnarssyni núna í kvöldfréttum. Ég hygg að allir hver einasti finni það og skilji að Kjartan Gunnarsson var ekki að heyra um þessa styrki í fyrsta sinn í  fréttum stöðvar 2. Hann var prókúruhafi, hann sat aðalfund þar sem væntanlega er farið yfir reikninga. Ef hann hefði ekki tekið eftir að reikningarnir flokksins hefðu skánað um tugi miljóna og ekki þurft að spyrja einnar spurninga þar um, þá hefur maðurinn hreinlega verið í blakkout. Í staðinn kís hann að reyna að ljúga sig út úr málinu. Bjarni er að reyna að vinna heiðarlega í þessu óþvera máli. Það er greinilegt að Geir hefur ákveðið að fórna sér. Kjartan þarf að segja af sér úr miðstjórn flokksins strax. Aðrir mega ekki þvælast fyrir þeirri vinnu sem formaðurinn hefur sett í gang. Nú verða hlutirnir að ganga hratt fyrir sig. Það er stutt í kosningar. Það er ánægjulegt hvað Ragnheiður Ríkharðsdóttir gengur skörungslega fram í þessu máli. Í raun hefur hún farið vaxandi sem þingmaður jafnt og þétt síðan hún byrjaði á þingi. Það er krafa okkar sem höfum stutt flokkinn að það verði hreinsað út STRAX. 

Ekki kjörnir fulltrúar flokksins