Prófkjör ,andlýðræðislegt fyrirbæri.

Þau gerast ekki skýrari dæmin um það hversu prófkjörin eins og þau eru framkvæmd í sjálfstæðisflokknum eru orði gjörsamlega úreld fyrirbæri. Árni er þekktur fyrir sérhagsmuni og sérhagsmuna baráttu. Þannig talaði Árni blygðunarlaust um að það þyrfti að fella niður skuldir útgerðarinnar í Vestmannaeyjum. Auðvitað flykkjast þessir aðilar og þeim tengdir í prófkjör til að koma þessum manni að. Manni sem er með þær hugsjónir að færa þeim gífurleg verðmæti. Síðan er það hin almenni sjálfstæðismaður sem hugnast ekki þessi vinnubrögð. Þessi almenni stuðningsmaður sjálfstæðisstefnunnar sem ekki kís í prófkjörum. Í mínum huga eru þessi prófkjör farinn að snúast upp í andhverfu sína og eiga ekkert skylt við lýðræði. Ég skilaði auðu í kosningunum, eitt af þeim skilyrðum sem ég set fyrir því að mæta aftur um borð í sjálfstæðisflokkinn er að lýðræðið í flokknum verði eflt. Eitt skref í þá átt er að leggja þessi prófkjör af og finna betri leið sem þjónar lýðræðinu betur.

Árni Johnsen niður um þingsæti

Eftir einn ei bloggi neinn.

Vandræði Frjálslindaflokksins virðist ná yfir gröf og dauða. Jafnvel nú þegar flokkurinn hefur þurrkast út af alþingi virðist vera tími og pláss til að deila, argast og þvarga. Ég verð að játa að ég fann til með Guðjóni Arnari formanni flokksins nú í uppgjöri foringjanna í sjónvarpinu hjá þeim Sigmari og Jóhönnu Vigdísi. Það fer vel á því að í lok ferils síns sem leiðtogi og alþingismaður gefi hann það heilræði til bloggara að "eftir einn ei bloggi neinn". Ég verð að játa að ég þurfti að rifja upp í huganum hvort ég hafði einhvertímann heyrt um dæmisöguna um einu appelsínuna innan um öll eplin. Það kann að vera að mig hafi einhvertímann vantað í tíma í biblíusögunum á Akranesi forðum daga þegar farið var í þessa dæmisögu. En þetta var mikið sjónarspil hjá Ástþóri. Ég er þess fullviss að ekki einu sinni Jóhönnu dreymdi um það fyrir um það bil tíu árum að hún ætti eftir að vera í þeim sporum sem hún er í í dag. Forsætisráðherra, formaður stærsta flokksins, með mestu vinsældir íslenskra stjórnmálamanna,vinna stórsigur í kosningum. Hver veit nema að sá tími muni koma að Ástþór standi í svipuðum sporum og Jóhanna stendur núna. Hylltur af lýðnum. Efstur meðal jafningja. Geislandi eins og appelsína innan um fullt af eplum.  

Evrópumálin erfiðust

Ég vil gera grein fyrir atkvæði mínu!!!

Oftar en ekki heyri maður þingmenn biðja um orðið á Alþingi og gera grein fyrir atkvæði sínu. Af sömu þörf vil ég gera grein fyrir atkvæði mínu í kosningunum í dag. Ég ætla að skila auðu og ástæðurnar eru margar sem ekki verð raktar hér í smáatriðum. Hefði ég ekki skilað auðu hefði ég að sjálfsögu kosið Sjálfstæðisflokkinn þar sem ég hef verið munstraður áhafnameðlimur í fjölmörg ár. Flokkurinn hefur gert svo hræðilega mörg mistök undanfarin ár og borið svo af leið að nú er  nóg komið. Ég mun að sjálfsögðu mæta um borð aftur þegar flokkurinn hefur farið í gegn um gátlistann og lagað það sem aflaga hefur farið. Ég vil geta hér um nokkur atriði.

1.Efla lýðræðið í flokknum. Flokkurinn þarf að sýna að hann er ekki í einkaeigu sérhagsmuna afla.

2.Flokkurinn þarf að átta sig á að hann er úti á túni í sjávarútvegsmálum og ætti að biðjast afsökunar á stjórn málaflokksins síðustu ára. Til að fyrirbyggja misskilning er undirritaður ekki á móti "kvótakerfinu" en framkvæmdin hefur verðið þjóðinni allri og greininni skaðleg síðustu ár. Framar öllum þá hafa stjórnmálamenn brugðist hlutverki sínu.

3.Þeir sem stýrðu skútunni uppa á skerið verða átta sig á að þeir og þau verða að víkja fyrir nýju fólki.

4.Flokkurinn verður að gera greinarmun á að vera kallaður íhaldsflokkur og það að rífa ekki af dagatalinu og sjá ekki möguleika í núinu.

Ég ætla ekki að bíða eftir að það sem aflaga hefur farið verði lagað. Ég ætla að leggja mitt af mörkum. Það er meira en óþolandi hvernig komið er. Það sem gert hefur verið frá hruninu er hálfkák. Við sjálfstæðismenn þurfum að ná flokknum okkar til baka. 

Gulaspjaldið á Steingrím J.

Þetta eru undarlegi tímar sem við lifum á núna. Stjórnmálamenn virðast vera á góðri leið með að tapa því litla trausti sem eftir er. Það er morgun ljóst að hallatalan á þeirri vísitölu stefnir enn niður. Það getur vel verið og er kannski líklegt að Icelandair spili varnarleik í þessu efnahagsóveðri sem nú stendur yfir. Almenningur gerir þá kröfu að umræðan eigi að vera upplýsandi. Með svona tali eins og Steingrímur J. virðist hafa haft á framboðsfundi austur á fjörðum stráir hann efasemdum í vafasömum tilgangi. Formaður framsóknar hafði ummæli í fréttum í gær að seinna hrunið væri fyrirsjáanlegt. Viðskiptaráðherra neitar þessu alfarið. Sif Friðleifsdóttir virðist þurfa einhverja áfallahjálp eftir að hafa setið fund utanríkismálanefndar alþingis út af Icesave. Eftir kosningar þurfa stjórnmálamenn sameiginlega að takast á við þann vanda að traustið til þeirra er komið á hættumark. Að lokum óska ég Icelandair velfarnaðar og vona að þar sitji Björgólfur áfram í flugstjórasætinu. Ég treysti honum betur til þeirra verka en Steingrími J.  

Segir reksturinn ganga vel miðað við aðstæður

Allt átti að kaupa.

Það kemur upp í hugann þegar Björgólfur var að úthluta til menningarmála hér og þar. Það virðist ekkert hafa verið heilagt. Þannig var Baugur að skvetta í áhrifafólk í pólitík til að styrkja (geisla)Bauginn. Kannski er þessa kreppa af hinu góða,kannski var gott að fá hana til að stoppa þetta. Til baka litið var þjóðfélagið að stefna í ömurlegan farveg. Það eru nokkrar ástæður fyrir því að ég skila auðu í kosningunum á laugardag. Þetta er ein ástæðan. Fyrir öðrum verður gerð grein fyrir síðar.

Styrkirnir vegna tveggja prófkjara

Af hverju í andskotanum???

Björgvin G.  fékk ágæta spurningu í sjónvarpinu áðan,   af hverju  það ætti að treyst honum nú , efir að hafa setið  í stjórn þar sem efnahagur þjóðarinn hrundi. Nei, hann er að bíða eftir einhverri nefnd sem muni hreins hann af allri ábyrgð. Mér er útilokað að skilja af hverju einn íslendingur vill sömu mennina við stjórnvölin og komu þjóðinni á hausinn. Ég kaus í prófkjöri sjálfstæðisflokksins. Það hvarflaði ekki að mér að setja nafn Guðlaugs Þórs á lista. Af hverju í andskotanum vill fólk sömu stjórnmálamennina til að stjórna aftur. Þetta er ótrúlegt. EINA SEM MÉR DETTUR Í HUG ER AÐ FÓLK ER AÐ VIÐHALDA EINHVERRI SPILLINGU SEM ÞAÐ TELU SIG NJÓTA GÓÐS AF.  

Þarna sá ég fólkið sem á eftir að reisa við þjóðfélagið.

Klukkan tvö í dag fór ég með yngri dóttir minni á tónleika í íþróttahúsi Seljaskóla. Alla helgina hafa krakkar á grunnskólaaldri verið á landsmóti barnakóra. Landsmótið endaði síðan með tónleikum. Er skemmst frá því að segja að þetta voru stórkostlegir tónleikar. Söngskrá kóranna var einstaklega fjölbreitt og skemmtilegt, gospel,abba og margt fleira. Í lokin sungu allir kórarnir saman , yfir tvöhundruð krakkar. Það var einstaklega skemmtileg stund. Í lokinn þegar ég horfði yfir þennan flotta hóp hugsaði ég "þetta er fólkið sem á eftir að reisa við Íslenskt þjóðfélag"

Opið bréf til formanns Bjarna Benediktssonar

 

Því miður ágæti formaður þá verð ég að lýsa því yfir að nú í kosningunum 25.04 mun ég skila auðum kjörseðli í kjörkassann. Ég er búinn að kjósa og vera innanborðs í sjálfstæðisflokknum í áratugi. Nú er svo komið að samviska mín getur ekki kosið flokkinn. Það þýðir ekki að ég segi skilið við flokkinn. Langt í frá. Ég tel það hlutverk mitt að koma flokknum aftur inn á þær brautir sem hann á að standa fyrir. Svo illa var komið fyrr flokknum að hann var jafnvel farinn að vinna í beinni andstöðu við þau dýrmætustu gildi sem hann stendur fyrir. Þannig voru gildi fjármagns og auðhyggju settar ofar virðingu fyrir einstaklingnum og fjölskyldunni. Aðgerðalaus horfði forystan á menn innan flokksins sem bera enga virðingu fyrir gildum flokksins, en notað hann til að troðast áfram og færa sér völd og verðmæti. Svo slæm mein eru að grassera innan flokksins að maður stendur agndofa og spyr hvað er að gerast.  Flokkurinn okkar er gjarnan kenndur við íhaldsemi það þýðir í mínum huga að hann þ.e flokkurinn vill halda í gömul og góð gildi. Það þýðir ekki að hann eigi ekki að rífa af dagatalinu og fylgjast með tímanum. Innra starf flokksins verður að endurskipuleggja frá grunni. Forysta flokksins má ekki missa sjónar af hinum almenna félags- og stuðningsmanni. Forysta flokksins eru þjónar ekki herrar. Þjónar sjálfstæðisstefnunnar. Ég ætla ágæti formaður að leggja mitt af mörku til að endurreisa flokkinn. Ég geri það að mínu viti ekki með því að kjósa flokkinn nú í komandi kosningum og mun því skila auðu.

Með sjálfstæðis kveðju.

Egill Jón Kristjánsson

Afrit sent á.

bjarniben(hjá)althingi.isxd(hjá)xd.is

Virkt lýðræði.

Hver sagði að lýðræðið væri ekki virkt? Jafnvel þó að það sé ekki rafrænt. Hvern kærir Ástþór næst? Skildi p.listinn fá 0,3% eða 0,35% atkvæða? Spenna helst óbreytt. Við spyrjum að leikslokum.

Framboð P-lista úrskurðað gilt

Eru blaðamenn sofandi?

Ég  er einn af þeim sem gera miklar kröfur til frétta og frétta skýringa. Mér finnst að fréttamenn hafi verið ansi daufir í fréttum og fréttaskýringum af hinum illræmdu jöklabréfum. Í fréttum hljóðvarps í kvöld var sagt lítillega frá þessum bréfum og að við þyrftum að greiða 11 miljarða á ári í vexti af þessum bréfum. Það sem mig langar til að vita er, voru þessi bréf  tryggð með ríkisábyrgð? Í efnahagshruninu í heiminum hafa mörg bréf orðið verðlaus. Af hverju eru þessi bréf ekki verðlaus fyrir þá sem veðjuðu á þau? Í fréttum fyrir nokkrum dögum heyrði ég í hinum ágæta viðskiptaráðherra að kannski væri eigendur þessara jöklabréfa ekki eins útlenskir eins og menn vildu vera láta. Ef það er eitthvað íslenskt yfirbragð yfir þessum útlendingum, voru þeir þá að koma bakdyramegin inn í íslenskt efnahagslíf og þar með leggja sitt af mörkum í niðurbroti íslensks efnahagslífs? Umfram allt vill ég fá að vita hvar í ferlinum á þessum bréfum kom íslensk ríkisábyrgð á þau? Ég vona að fréttamenn taki sig nú til svipti hulunni af þessum jöklabréfum og rannsaki hverjir eru helstu eigendur þeirra.