Er þetta ekki sama ráðið og fíklar nota ?

Skuldum hrjáðu Grikklandi er bjargað með því að lána þeim 8 milljarða evra. Mér finnst eins og þetta sé ekki að gera sig. Mér finnst þetta hljóma eins og " eiturlyfjasjúklingurinn bjargaði sér með því að fá sér annan skammt vel útilátinn", eða " Bogi róni bjargaði deginum þegar hann mætti Örvari með pela".

8 milljarðar evra til Grikkja

Stefnan óljós, engu þarf að breyta?

Mætti á þennan fund eins og flesta þá fundi sem sjálfstæðisflokkurinn heldur um sjávarútvegsmál. Báðir pólitísku fulltrúarnir þ.e Ólína og Illugi héldu flottar ræður. En óánægja mín er nú sem áður jafn stórkostleg að sjálfstæðisflokkurinn skuli ekki gera sér grein fyrir að breytinga er þörf. Við erum að reyna að stíga út úr fyrirbæri sem mætti nefna þjóðargjaldþrot. Tugir þúsunga Íslendinga eru eignalausir og eða gjaldþrota eftir hamfarirnar. Að ætla að taka stjórnun á sjávarauðlindinni út fyrir sviga og segja " við skulum engu breyta við stjórnun sjávarauðlindarinnar, þar erum við fremstir í heiminum". Þörfin er stórkostleg á breytingar. Ef sjálfstæðisflokkurinn ætlar ekki að skilja þetta endar hann sem áhrifalaus smáflokkur úti í horni. Fyrir u.m.þ.b einu og hálfu ári nefndi ég það á fundi þar sem formaðurinn var hvort hann gæti séð eignahluta á sjávareuðlindinni svipaða því sem er hjá statoil í Noregi. Þar á norska ríkið u.m.þ.b helmings hlut í olíurisanum. Formaðurinn sneri höfðinu aðeins til hægri og síðan jafn langt til vinstri. Meiri umræðu þurfti ekki sú hugmynd. Í gærveli var forstjóri Kauphallarinnar hjá Ingva Hrafni í spjalli. Þar nefndi hann að við þurfum að koma eignarhlutum á sjávarauðlindinni til almennings. Nefndi hann m.a eignahlut Norðmanna í Statoil. Það er sorglegt að forysta flokksins skuli ekki greina þörfina á breytingum. Forystan minnir mig stundum á óþægan krakka sem er búinn að gera í buxurnar en neitar sakargiftum þó að lyktin leggi um allt umhverfið. 

Stefna stjórnvalda óljós

Hverjar eru afleiðingarnar af lýðræðisstuldi?

Ég lít svo á þeir tímar sem við nú lifum á sé tíminn þar sem lýræðinu var stolið. Hverjir stálu lýðræðinu? Ólíkt ráninu í skartgripaverslunina nú á mánudag þá vita allir hverjir stálu lýðræðinu. Ræningjarnir eru þekktir og meira en það þeir ganga allir lausir. Bankar og fjármálastofnanir fóru offarir og ryksuguðu til sín verðmæti heimsins. Engin kaus þessar stofnanir til valda. Þessar stofnanir stálu völdunum. Afleiðngarnar af þessum stuldi eru þær að fjöldi manna og kvenna er eignalaust og eða gjaldþrota. Allt samfélagið verður að aðlaga sig að þssari þjóðfélagsstöðu. Heilbrigðiskerfið verður að skera inn að beini, skólarni verða að snýða sér stakk eftir þeim stakki sem fjármálastofnanir hafa sniðið þeim. Jafnvel líknardeildum þar sem fólk bíður eftir hinu óumflýjanlega fá ekki að vera í friði. Verkefnið okkar er aðeins eitt. Það er að ná lýðræðinu til baka og byggja upp það þjóðfélag sem við viljum en ekki ræningjarnir.

Stjórnmálamenn mistu stjórnina á lýðræðinu.

Af hverju fer þessi reiðialda um hin vestræna heim. Það gerist stundum í lífinu að fólk missir  stjórn á eigin lífi. Margt getur komið þar til t.d óregla, sjúkdómar og fl. Það sama hefur gerst með lýðræðið. Vestrænir stjórnmálamenn hafa misst stjórnina á lýðræðinu. Bankar, fjármálastofnanir og stórfyrirtæki haf náð völdunum. Nú er svo komið að það skiptir litlu eða engu hvað við kjósum. Það sem skiptir máli er hvað fjármálastofnanir gera. Myndin er mjög skýr hér á íslandi. Bankarnir féllu allir eftir gengdarlaust stjórnleysi þar sem stjórnmálamenn voru ýmist áhorfendur eða þáttakendur. Bankarnir eru síðan endurreistir  með sjóðum almennings sem síðan þjarma  svo að hinum sama almenningi að hann er fjárhagslegur fangi bankanna. Þetta ranglæti verður að taka enda. Skriðan er kominn af stað í hinum vestræna heimi. Þó svo að ekki geti allir mætt á austurvöll til að segja stopp. Þá verða allir að leggjast á árarnar og stoppa þessa þjófélagsgerð sem okkur er boðið uppá . 

Óhugnanlegur peningaheimur

HB Grandi í eigu vogunarsjóða.

Nú hverfur þriðjungur af Granda í hinn ósýnilega heim banka og vogunarsjóða. Af hverju eru þessi mótmæli sem nú breiðast út um öll bandaríkin? Það er verið að mótmæla þessari þróun. Græðgi vogunarjóða og banka. Nú sogast þetta stór eignahluti í stærsta stærsta sjávarútvegsfyrirtæki landsins með kvóta, skip tæki og tólum in í þennan myrka heim. Nú þegar u.m.þ.b 1% af fjöldanum er að sölsa undir sig 99% af verðmætum heimsins, fer að nálgast endimörkin. Hversu lengi ætlar fólk að horfa upp á þessi myrku öfl ryksuga til sín verðmæti án þess að aðhafs nokkuð. Stærst pólitíska spurning sem snýr að okkur núna er þessi. Hverjir eru góðir eigendur og hverjir eru slæmir? Við þekkjum marga eigendur, við þekkjum Jón Ásgeir, Hannes Smárason, Björgólfa og fleiri þeim líkum. Voru þetta góðir eigendur? Nei ég held að enginn taki undir það. Það sem ég óttast mest er að þeir eigendur sem tak við af þessum sem fyrir voru verði jafnvel enn verri. En ef það eru til vondir eigendur eru þá ekki líka til góðir eigendur. Ég velti því upp hvort starfsmenn HB. Granda séu góðir eigendur? Já ég held að þeir væru langtum betri en þær eigendagrúbbur sem ég taldi hér að ofan. Ég velti þessari spurningu upp á fundi sjálfstæðisflokksins um helgina. Ég hefði eins geta farið niður í ruslageymslu og barið í tunnurnar. Nú þurfum við sem þolum þetta ekki lengur og taka í taumana. Við þurfum að koma verðmætum landsins í hendur á GÓÐUM eigendum. 

Eignast þriðjung í HB Granda

Siðblinda útgerðarmanns.

Þennan morgun sótti ég fund sjálfstæðisflokksins um atvinnumál. Fundur til undirbúnings landsfundar. Ég settist að sjálfsögðu við borð þar sem merkt var "sjávarútvegsmál". Það verður að segjast eins og er að hópurinn var með eindæmum einsleitur með Friðrik Arngrímsson í boroddi fylkinga. Það er í raun útiloka að reyna að koma að einhverri nálgun um nýja hugsun í sjávarútvegi. Tónninn er skýr þetta er svo gott í dag að það hálfa væri nóg. Þá tók steininn úr þegar útgerðamaður af suðurnesjunum lagði orð í belg. Maður sem liggur undir grun að hafa gerst sekur um stórkostlegan stuld úr þessari sameiginlegu auðlind okkar sem er fiskurinn í sjónum( upp á hundruði milljóna). Sami maður og veðsetti kvótann sinn og fór með peningana inn í Sp.kef. Gerðist þar stjórnarformaður og komst til valda. Á hans tíma í sp.kef jóks liðurinn í bókhaldi sparisjóðsins sem heiti lán til skyldra aðila um meira en 6000%. Lagði sparisjóðin í þvílíkar rústir að tugir miljarða leggjast á almenning í þessu landi . Þessi sami maður er búinn að taka við kvóta nú fyrir nokkrum dögum frá ríkinu upp á meira en 2 miljarða króna. Mætir síðan á fund hjá sjálfstæðisflokknum til að marka stefnuna inn í framtíðina. Og hver er málflutningur hans fyrir því að engu megi breyta? Hræðsluáróður um bæjarútgerðir eins og þær voru reknar hér á árunum áður. Ég lít fyrst og frem á svona menn sem mein á sjálfstæðisflokknum sem þarf að skera frá. Siðblindan er algjör. En svona menn mæta fyrstir á fundi um stefnumótun innan flokksins og segja að engu þurfi að breyta. Þetta kerfi sem við vinnum eftir í dag þarfnist engra breytinga. Mér verður óglatt þegar ég rifja það upp að svona menn hafa sterk ítök í íslensku þjóðfélagi. Bæði í gegnum sjálfstæðisflokkinn og sem stjórnarmaður í LÍÚ. 

Hver verður refsiramminn ?

Hver verður refsiramminn verði þessar reglur brotnar. Vatn og brauð? Niðurskurður á fjárframlögum ? Verkefnaval og forgangsröðun við að byggja upp nýtt Ísland er með ólíkindum. Eg hef ekki heyrt nokkurn mann nokkurstað ræða um að þetta sé eða hafi verið vandamál. Mér segist svo hugur að þessi ákvörðun særi og hryggi fleiri en hún gleður. Ef eitthvað er, er þessi ákvörðun framleiðsla á vandamáli og leysir engin.

Banna trúboð í skólum

Frábært framtak hjá góðum þingmanni.

Þetta framtaks Péturs er lofsvert og frábært framtak. Það eina sem hefur verið boði hjá sjálfstæðisflokknum frá 2008 er að núverandi kerfi sé svo gott að engin þörf sé á frekari umræðu og það að tala um fyrir svo kallaðri samningsleið. Mig undrar það stundum að boðberar samningaleiðarinnar skuli ekki hafa samband við Palenstínumenn og Ísraela og benda þeim að á íslandi sé búið að finna réttu leiðina sem er samningaleiðin. Á síðasta landsfundi var sjávarauðlindin ekki sett á dagská. Eina skýringin sem ég hef fengið á því er að þetta hafi verið svo sérstakur fundur af því að það þurfti að kjósa varaformann. Frá því 2008 hefur enginn farvegur verið innan sjálfstæðisflokksins þar sem hægt hefur verið að ræða sjávarauðlindina. Það er algjör blinda að sjá það ekki að fólkið sem á þessa auðlind öskrar eftir umræðu um þessa auðlind og meira réttlaæti. Þetta framtak Pétur er kannski upphafið af nýrri byrjun innan sjálfstæðisflokksins um farveg þar sem hægt er að ræða sjávarútvegsauðlindina. Þessi "on", "off" umræða um kvótakerfið erð að verða óþolandi og mannskemmandi .

Pétur semur nýtt kvótafrumvarp

Villimennskan tekur völdin.

Það var viðbúið að villimennskan tæki völdin við Austurvöll, ég óttaðist þetta og mætti því ekki. Enn á ný sýnir lögreglan sterkan karakter á örlagaríkum stundum. Krabbameinið í þjóðfélugunum er að verða óhugnanlet. En ef menn halda að völdin liggi hjá þessu fólki sem nú situr í alþingishúsinu þá er það misskilningur völdin liggja hjá bönkunum þremur. 

Eggjum kastað í þingmenn

Kannast ég ekki við þessi nöfn?

Mér finnst eins og ég hafi heyrt þessi nöfn áður, Pálmi Haraldsson og Skarphéðinn Berg. Sennilega eru þessir menn tákn trausts og áraæðanleika í íslensku samfélagi og viðskiptalífi. Engir eru fremri  en þessir menn þegar byggja þarf upp traust og áreiðanleika innan Express.  

Skarphéðinn ráðinn tímabundið