Ekki spurning um hvort heldur hvenær.

Það er ánægjulegt að konan hafi sloppið vel út úr þessu slysi. Í mínun huga var ekki spurning hvort þarna irði slys eða ekki heldur hvenær. Þegar Harpa var tekin í notkun var umferðahraði settur niður í 30 km/klst fyrir framan húsið  og var þorfin ærin. Þarna er mikil umferð af gangandi vegfarendum Mér finnst það með ólíkindum hversu illa ökumenn virða þann hámarksakstur sem þarna er. Þarna er slysagildra sem þarf að laga. Blikkandi ljós þar sem sýndur væri hraðinn á bifreið þinn gætu hjálpað til. Ef lögreglan mældi hraðan fyrir framan Hörpu er ég klár á því að margir ökumenn eru á tvöföldum hámarkshraða og jafnvel meira.

Unga konan slapp ómeidd

Guðfríður og Ögmundur gefa alþingi von.

Það er með eindæmum hvað alþingi hefur verið mislagðar hendur síðustu ár og jafnvel áratugi. Kjarklausir stjórnmálamenn hafa verið sem ráfandi reköld og allt hefur snúist um það að stíga í takt við foringjann í þeirri von að eiga von á ráðherrastóli. Afraksturinn er öllum ljós. Ég horfi á það sem ljós í myrkrinu að það skuli vera á þingi fólk eins og Guðfríður Lilja og Ögmundur Jónasson. Við getum deilt um þá pólitík sem þau standa fyrir, en réttlætiskennd og heiðaleika þeirra þarf ekki að deila. Eftir hrunið var það meginverkefni alþingis að byggja upp traust á þeirri stofnun. Í mínum huga eru það þau tvö þ.e Guðfríður og Ögmundur sem skora hæðst í þeirri uppbyggingu. 

„Stórkostlega misráðið“ af Alþingi

Er ekki tími til að hætta þessari vitleysu.

Víða erlendis tíðkast þessi siður að hengja  orðu á einhverja útvalda þjóðfélagsþegna. Öll þekkjum við myndir af einhverju offiserum (aðalega körlum) í hernum sem er með þakin brjóskassann af orðum fyrir unna hetjudáð. Með fullra virðingu fyrir þessu ágæta fólki sem nú er úthlutað orðu frá forsetanum þá held ég að það ætti að leggja þennan sið af. Margir útrásarvíkingar bera þessa orðu fyrir fádæma dáðir á sviði viðskipta. Það er andstætt íslenskri þjóðarsál að stunda eitthvað tittatog og draga einhverja í dilka fálkaorðunnar. Það er einlæg von mín að næsti forseti leggi þennan sið af.

Embættið pólitískt eftirsóknarverðara

Suðupottur.

Allir sjá að stjórnarskútan er orðin það hrip lek að það er útilokað að nokkur framtíð geti verið í henni. Það er þyngra en tárum taki að nú þegar við þurfum yfirburðastjórn og stjórnendur skulum við vera í þessum sporum. Það brýnasta er að þjappa þjóðinni  saman. Standa saman um hvað ? Betri afkomu bankanna og meiri völd til þeirra? Nei, það þarf að gefa fjölskyldunum í landinu von. Von um að byggja aftur upp eftir það eignahrun sem varð á siðasta áratug. En brýnast af öllu er að færa völdin frá bönkunum og yfir til fólsksins sem byggir þetta land og á.

Fundahöld um allt hótelið

Þarna er leið fyrir Íslensk stjórnvöld.

Ein afleiðing af bankahruninu er að fjöldi Íslendinga eru annaðhvort tæknilega eða hreinlega gjaldþrota. Það er morgun ljóst að bankarnir (þeir sömu og komu efnahag alls almennings í svaðið) eru búnir og eiga eftir að keyra marga, bæði fjölskyldur og einstaklinga í gjaldþrot. Bankarnir voru reistir við af ríkisstjórn Jóhönnu og Steingríms af almanna fé með þeim hætti að þeir skila tugum miljarða í hagnað og styrkja eiginfjárstöðu sín dag frá degi. Þarna er leið fyrir ríkisstjornina sama hver hún er að náða fólk undan þrældómi bankanna. Það er vel til fundið að velja 17. júní ár hvert til að náða fólk þannig að það ætti möguleika á að byggja sína fjárhagslega stöðu að nýju. 

Castro náðar fjölda fanga

Tæknilegt gjaldþrot.

Það var upp fótur og fit þegar Gylfi Magnússon kom í hádegisfréttum dag einn í okt 2008 og sagði að bankarnir væru tæknilega gjaldþrota. Alir þekkja framhaldið. Nú virðist vera raunin að bankarnir hafa sterka eiginfjárstöðu en heimilin í landinu eru (tæknilega) gjaldþrota. Eigið fé sem almenningur átti í fasteignum sínum er farinn. Bankar og lánastofnanir eiga, fyrirtækin í landinu, íbúðirnar sem við búum í og bílana á götunni. Og nú ætla Jóhanna og Steingrímur enn að hækka skatta og þar með bæta á skuldabagga einstaklinga og fyrirtækja. Þvílíkir stjórnunarhættir, þvílíkt land.

Íbúðalán hækka um 3-4 milljarða

Allt breytist í skít sem þessi maður kemur nálægt.

Nú er það upplýst að þetta er útgerð Þorsteins Erlingssonar í Keflavík. Sama mannsins og veðsetti kvótann sinn og komst til valda í Spk. Kef. og lagði sparisjóðinn í þvílíkar rústir að fjöldi manns liggja í valnum fjárhagslega. Þetta er sami maðurinn og er ásakaður um að hafa rænt kvóta úr sameiginlegri auðlind þjóðarinnar fyrir tugi eða hundruði miljóna. Nú er það staðreynd að þessi viðbjóður með 13 ára barn viðgekks um borð í skipi Þorsteins. Það er ekki einleikið hvað allt getur breyst í skít sem sumir menn koma nálægt.

Allir horfnir til annarra starfa

Ég á íbúð sem Landsbankinn á

Nú eiga bankarnir fyrirfækin í landinu, íbúðirnar, bílana á götunni og fl.og fl. En hverjir áttu þetta áður. Þetta eru eignir sem voru í eigu einstaklinga, fyrirtæka og félaga. Þvílíkt land sem við búum í. Eftir hrun var var talað um að skipta bönkunum í góða og slæma banka. Stóra spurningin er nú. Eru bankarnir góðir eigendur eða slæmir?. Í mínum huga eru þeir afleitir. Þetta eru sömu bankar með nýja kennitölu sem komu landinu á hausinn. Brennuvargarnir þeir meira en ganga lausir, þeir eru fóðraðir á eldspítum. Eitt sinn heyrðist þessi fleyga setning á Skaganum í gamladaga. "Eg á bíl sem pabbi minn á" . Nú get ég eins og fleiri sagt "Ég á íbúð sem Landsbankinn á"

Hagnaður Landsbankans 27 milljarðar

Ráð frá manni sem sýndi afglöp í starfi, nei takk.

Á vakt Einars í starfi sjávarútvegsráðherra gerðist þetta. Menn seldu heimildir sem þeir áttu, fyrir allt upp í 4500 kr þorskígildið. Kaupendur fengu lán hjá bönkunum fyrir kaupunum. Seljendur þurftu einungis að greiða 10% skatt af sölunni. Þannig fóru menn út úr greininni með miljarða gróða eftir skatt. Kvað gerðu þeir síðan við söluhagnaðinn?. Fór hann í sjávarútgerð. Nei, frekar í bankana, verslunarhallir í Reykjavík, Tortóla og víða. Þetta gerist á vakt Einars. Í mínum huga heita þetta embættis afglöp, ekkert minna. Hann hefði auðveldlega getað beint þessum fjármunum aftur inn í sjávarútveginn. Nú er þessi sami Einar tilbúinn að gefa ráð um skattlagningu. Nei takk,  ég vona að þessi sami Einar komist aldrei í þá stöðu að gefa þessari þjóð ráð í skattamálum og eða skattlagningu.

Gjaldtaka dregur úr arðbærni

Hvað segja margir pass þegar kosin verður nýr formaður VG.

Hefði ég átt að leggja undir þegar Steingrímur tók aðsér eitt veigamesta emgætti í Íslensku samfélagi þ.e hvort heimilin og einstaklingarnir væru í öndunarvél bankanna eða bankarnir væru í öndunarvél ríkisstjórnarinnar, hefði ég lagt allt á hið síðarnefnda. Nei, bankarnir skila miljarða hagnaði og hafa það bara helvíti gott. Fjármagnseigendur, bankar og vogunarsjóðir eru bara ánægð með Steingrím. Höfum við komist að því að það er ekki rétta menntunin í starf fjármálaráðherra að vera dýralæknir þá höfum við líka komist að því að jarðfræðimenntun er ekki heldur neitt sérstaklega heppilegt . Ef fjárhagur hins almenna VG er í lagi þá er hann fyrir utan marka þeirrar tölfræði sem birst hafa í fjölmiðlun síðustu daga. Ef hin almenni VG er slegin slíkri blindu að ætla að kjósa þennan sama Steingrím til ábyrgðastarfa þá slær það á þá veiku von mína að í Íslenskri pólitík sé einhver vonarglæta. Slökni á þeirri vonarglætu minni þá sé ég ekki betur en að það sé enn meiri þörf á að ganga í ESB. Ég vona að sem flestir segi PASS við kosningu Steingríms í stól formanns. 

Stefnan óbreytt