Er stríðsrekstur í hættu?

Sjálfir bandaríkjamenn hafa ekkert svar við Eyjafjallajökli. Þeir geta ekki flutt forsetan til Póllands vegna eldgosins í Eyjafjallajökli. Í öllum sortanum er þá ljós. Ég sé eitt. Allar orrustuþotur á bannsvæðinu eru á jörðu niðri og geta þar með ekki gert nokkrum mein. En ég gæti trúað því að í Pentagon haldi menn fundi út af gosinu og hafi áhyggjur af. Stríðsreksturinn verur að ganga áfram. Það yrði hræðilegt ef hann stöðvaðist út af gosi á lítilli eldfjallaeyju.

Obama mætir ekki í jarðarför Kaczynskis

Nú er tími til breytinga á sjálfstæðisflokknum.

Það dylst engum að nú verða ákveðin tímamót í sjálfstæðisflokknum. Ef sjálfstæðisflokknum ber ekki sú gæfa að endurskipuleggja hina félagslegu uppbyggingu flokksins þá er hann í verulega vondum málum. Þær megin breytingar sem þarf að gera og eru hvað mikilvægastar eru.

1. Grasrót flokksins verður að koma að stefnumótun og fá frelsi til að hennar rödd fái stað innan flokksins.

2. Allir sjálfstæðismenn fái tækifæri til að kjósa formann, varaformann og miðstjórn flokksins.

3. Sjálfstæðisfélögin verði vettvangur pólitískra umræðna um þjóðfélagsmál.

Ég er ekki frá því að Kristján Júlíusson gætið góður  kostur til að leiða nýja félagslega uppbyggingu innan flokksins. Ef ekkert af þessu gerist sem nefnt er hér að ofan, verður flokkurinn pólitískt flak í íslensku þjóðfélagi á næstu árum.

Þorgerður stígur til hliðar

Kjósendur á suðurlandi segi sig frá kosningarétti.

Ég hef bloggað um það áður. Björgvin var yfirmaður viðskipta og viðskiptaumhverfis. Það sáu allir það fyrir löngu að þessi maður brást heiftarlega.   Engu að síður valdi fólk þennan mann til forysti síns flokks á suðurlandi. Það sá engan betri en Björgvin, til að leiða flokkinn á suðurlandi. Þetta segir mér hversu þjóðfélagið okkar er helsjúkt. Nú segir Björgvin af sér sem þingflokksformaður, það er í besta falli hlægilegt. Það væri nær að þeir sem kusu Björgvin í fyrsta sæti Samfylkingar segðu sig frá kosningarétti.

Björgvin stígur til hliðar

Hver rændi bankann?

Bjarni Ármannsson söng einhvertímann með Stuðmönnum um svartapétur sem ruddist inn í bankann með byssuhólk í hvorri hönd. Jón Ásgeir sagði okkur frá því að Davíð Oddson hafi fyrir hönd Íslenska ríkisins rænt bankann um hábartann dag. Nú segir Vilhjálmur Bjarnason lektor í HÍ að bankinn hafi verið rændur innan frá af þeim Jóni og Pálma. En það sem er á hreinu í þessu dularfulla bankaráni er að ræninginn gengur laus. Síðustu bankarán sem hér hafa verið framin, hafa verið framin  af mönnum í sárri lausafjárþörf. Það er á mörkum að ræningjarnir hafi náð að far í ríkið og fagna, þegar árvökul lögreglan hefur upplýst málið og bankaræningjarnir keyrir umsvifalaust austur fyrir fjall. En í þessu bankaráni þarf ekki að keyra neinn austur fyrir fjall. Reikningurinn er  sendur á almenninga og málið er dautt.

Segir stefnu tilefnislausa

Nú ætti gamli Ferguson að fara að leita að langímastæði.

Það hefði verið skandall af stærri gerðinni ef síðara brot Rafael hefði ekki kallað á gult spjald og þar með rautt. Framkoma Sir Alix í garð dómar fer að verða skaðleg fyrir þróun fótboltans. Nú ætti sá gamli að stíga til hliðar og hleypa Mourihno  að. Mourhino er skemmtileg típa en Sir Alix fer að verða leiðinlegur með þessu dómaratuði.

Ferguson: Vorum afar óheppnir

Sjálfstæðismenn að stimpla sig út úr borgarstjórn.

Það er sorglegt að fylgjast með því hvernig að sjálfstæðismenn eru að stimpla sig út úr borgarstjórn. Þau fáu rök sem ég hef heyrt frá borgarfulltrúum sjálfstæðisflokksins um að golf sé fínt sport fyrir atvinnulausa, og að Steinunn Valdís hafi gert þennan samning í hinu meinta góðæri gera einungis illt verra. Sona pólitísk stórslys gerast af því að flokkurinn er ekki í sambandi við grasrótina og skynjar ekki hvað er að gerast í þjóðfélaginu af þeim sökum. Það virðist vera sem því tímabili í sögu sjálfstæðisflokknum sé ekki lokið sem kenna má við sorgina. Aldrei er meiri þörf en nú, fyrir okkur sem stutt hafa flokkinn að láta í okkur heyra. Hanna Birna svona gerum við ekki.

Samningur um stækkun golfvallar samþykktur

Um hvað snýst óánægjan um kvótann og kvótakerfið?

Óánægjan með kvótakerfið er farinn að breiðast út sem eldur í senu. En af hverju fer þessi óánægja svona stig magnandi og getur ekki endað nema á einn veg. Svarið er tiltölulega einfalt. Þetta snýst um skiptingu þjóðarauðlindar. Þjóðin er einfaldlega að segja. Verðmætum úr þessari auðlind verður  að skipta jafnar og réttlátar á milli þeirra sem hana eiga. Fiskurinn í sjónum er 100% séreign tiltölulega fárra einstaklinga sem voru aðallega valdir af fyrrverandi bankamönnum. Þeim sömu og komu þessari þjóð á hausinn. Framganga samtaka atvinnulífsins að hlaupa frá borðinu og velja skötuselinn sem kornið sem fyllti mælinn er ævintýralega röng. Líu og samtök atvinnulífsins hafa mörg og mikilvæg rök fyrir sína umbjóðendur. Að ætla að ná árangri með því að hlaupa frá borðinu er röng aðferð. Það verða breytingar á fiskveiðistjórnunarkerfinu. Að ætla að ná árangri fyrir sína umbjóðendur með sömu taktík, hroka og upphrópunum og síðustu ár er vísasta leiðin til að ná engum árangri. Til að ná árangri fyrir sína umbjóðendur þyrfti LÍÚ að skipta Friðriki Arngrímssyni útaf vellinum og setja nýjan mann inná. Staðreyndin er sú að á landinu eru útgerðir og útgerðamenn í hæsta gæðaflokki. Þá reynslu og þekkingu á að nýta. Það er kominn tím til að ná tökum á umræðunni, nú þarf nýjar aðferðirog ný vinnubrögð.

Mikið helvíti eru þeir glöggir þessir vísindamenn okkar.

Það er annars makalaust hversu þekking vísindanna er takmörkuð þegar móður jörð er annars vegar. Þetta er dæmigert svar. "Það gæti verið í lámarki". Annar vísindamaður gæti sagt. " Gosið er sennilega í hámarki". Miklar líkur eru á að annar hvor hefði rétt fyrir sér. Síðan er það okkar hlutverk almennings að hæla vísindamönnum og segja "Mikið helvíti eru þeir glöggir þessir vísindamenn, þeir sögðu þetta".

Gosið gæti hafa náð hámarki

Hvernig verður veröldin eftir 20 ár?

Hefði einhver spáð því fyrir 20-30 árum  að Independent yrði selt til KGB manns á eitt pund hefði sá spádómur þótt býsna ruglaður og absúrd. En svona getur raunveruleikinn verið lyginni líkastur. Ég hef fylgt sjálfstæðisflokknum þessi 20-30 ár. Ástæðan hefur verið einföld, sjálfstæðisstefnan hefur legið hvað næst mínum pólitískum skoðunum meira en nokkur önnur, um frelsi einstaklingsins til orða og athafna. Nú upp á síðkasti hef ég leitt að því hugann meir og meir hvað sjálfstæðisflokkurinn er farinn að líkjast meira og meira gamla komunistaflokknum á tímum gömlu sovétríkjanna. Þegar svona er komið er eðlilegt að spurt sé. Hvernig verður veröldin eftir 20-30 ár? Ef hún verður þá til.

Independent selt á 1 pund

Mig svimar og ætla að fara að trimma.

Nú að lokinni atkvæðagreiðslu þar sem niðurstöður voru nokkuð skýrar að ég hélt og eftir að vera búinn að hlusta á fréttaskýringar þennan sunnudag er ég nokkuð ruglaður og og finn fyrir svima. Túlkanir eins og "Þetta hefur engin áhrif á ríkisstjórnina" og" Jafnvel að hún sé sterkari eftir en áður"." Atburðarásin þróaðist bara svona". "Samningaviðræður halda áfram eins og ekkert hafi í skorist"."Nú er bara sóknarmöguleiki í stöðunni til að þétta raðirnar í stjórnarliðinu". Til að ná andlegu jafnvægi ætla ég að hætta að hugsa um kosningar, icesave og pólitík og fara að skokka í world-class.

Nei sögðu 93,2%