Jóhanna ætlar að koma Icesave í gegn.

Jóhanna hefur gefið það í skin að Icesave fari í gegn með eða án stuðnings stjórnarandstöðu. Jóhanna hefði eins getað sagt ég skal troða Icesave oní kokið á Íslendingum hvað sem þeir segja. Það hlýtur að vera svo að Samfylkingin sjá að það þarf að skipta inná. Það er svo langt frá því að Jóhanna valdi þessu starfi. Því fyrr sem Samfylkingin viðurkennir það, því betra. Ég er nokkuð viss um að Dagur kæmist mikið betur frá þessu verkefni en blessunin hún Jóhanna.

Stjórnarandstaðan fagnar niðurstöðunni

Niðurstöðurnar þétta raðirnar !!!!!!!!!

Eftir kosningar eru niðurstöður túlkaðar. Það hefur verið gert hingað til og verður gert hér eftir. Ég heyrði ekki betur en Jóhann og Steingrímur túlkuð niðurstöður kosninga með þeim hætti að þau hefðu engin áhrif á ríkisstjórnina. Jafnvel að niðurstöðurnar styrktu stöðu ríkisstjórnarinnar og þjappaði mönnum saman. Hún er stundum skrítin tík þessi pólitík.

Jóhanna: Kom ekki á óvart

Ég geri hér með grein fyrir atkvæði mínu.

Það er gjarnan háttur þingmanna þegar til atkvæðagreiðslu kemur að gera grein fyrir atkvæði sínu. Jafnvel þó að búið sé að ræða málin áður svo dögum og jafnvel vikum skiptir. Með atkvæði mínu er ég að koma því á framfæri að Icesave skuldin sé mér og fjölskyldu minni með öllu óviðkomandi. Með atkvæðagreiðslunni er ég að koma  á framfæri  óánægju minni með vinnu stjórnvalda að þessu máli. Jafnframt er ég að koma því á framfæri við Breta og Hollendinga að réttlætið í þessu máli er ekki fólgið í því að börnin mín borgi skuldir óreiðumanna. (Nú finnst mér eins og að bjalla forseta klingi og tími minn sé á þrotum.) Með atkvæði mínu er ég að vekja von í brjósti að málið fari fyrir dómstóla og réttlætinu verði fullnægt. Þess vegna segi ég NEI, nei og aftur nei.

Tæplega 43% kjörsókn

Næst kýs ég Ólaf Ragnar bjóði hann sig fram.

Það er skoðun mín að það eigi að meta menn af störfum sínum. Aldrei hef ég kosið Ólaf Ragnar hvorki til forseta eða þegar hann var í pólitíkin. Ég hef þvert á móti verið tilbúinn að leggja mitt að mörkum til að hann vær ekki kosinn. En nú hefur hann sýnt að hann er réttsýnni og kjarkaðri en ég hafði nokkurn tímann trúað. Það að fara gegn sínum gömlu félegum í Alþýðubandalaginu og stoppa þessa Icesave vitleysu sýnir meir kjark en flesti íslenskir stjórnamálamenn þyrðu að sýna. Síðan hvernig Ólafur hefur talað máli Íslands á erlendri grundu er einsdæmi. Á stuttum tíma hefur honum tekist að breyta sterkum vindi í fangið í golu í bakið. Á sama tíma tönglast forsætisráðherrann á því að þessi kosning hafi ekkert að segja og ætla að sitja heima. Kannski er það sem okkur vantar nú á þessum örlaga tímum þ.e fleiri stjórnmálmenn líkum Ólafi Ragnari. Ef Ólafur bíður sig fram aftur til forseta þá held ég bar að ég kjósi hann.

Ólafur Ragnar búinn að kjósa

Upphafið af endalokunum.

Þessi framkoma þeirra Jóhönnu og Steingríms er mikið meira en óafsakanleg. Þetta er sá helgasti réttur sem sérhver maður fær í lýðræðisrík. Að tveir helstu ráðamenn ætli að hundsa þennan rétt og þar með væntanlega mæla með þeirri aðferð er skaðlegt lýðræðinu. Höfum við einhvertímann séð stjórnmálamenn fara útaf teinunum þá er það nú. Ég skal aldrei trúa því að samfylkingarfólk eða VG sætti sig við þessa framkomu gagnvart lýðræðinu. Á kjörseðlinum eru fjórir möguleikar. Já, nei, skila auðu eða ógilda seðilinn. Ef  tvíeykið nýtir ekki þennan lýðræðisrétt er það öllum ljóst að pólitískur ferill þeirra sem stjórnmálamanna er lokið.

Steingrímur: Ólíklegt að ég kjósi

Rotturnar stökkva frá borði.

Sagt er að þegar fley farast finni rotturna það á sér og yfirgefi fleyið í síðustu höfn. Síðan eru það óskráðar reglur að stjórnendur reyni að koma áhöfninni til bjargar fyrst, en síðastur frá borði fer skipstjórinn. Mér sýnist fjármálasnillingarnir vera í hlutverki rottanna og skilji hina óbreyttu eftir með skaðann. Dæmin eru fjölmörg. Svava Grönfeldt sem var í stjórn peningamarkaðsbréfa Landsbankans seldi fyrir tugi miljóna rétt fyrir hrun. Þá er það frægt þegar Baldur ráðuneytisstjóri í fjármálaráðuneytinu seldi hlutabréfin sín rétt fyrir hrun LÍ. Snillingarnir setja húsin á konuna og börnin. Leiðirnar eru margar og fjölbreytilegar. Eftir situr almenningur með skaðann. Þannig  fæ ég ekki betur séð en að hlutverk fjármálasnillinganna sé skýrt. Björgum okkur frá borði. Látum almenning um að þrífa skítinn.Þeir eiga það sameiginlegt með rottunum að stökkva frá borði. Nú virðist vera sem svo að sjálfur Bónusbóndinn hafi séð smugu og bjargað húsinu í Ameríku. Nú getur hann selt það og greitt fyrir hlutinn í Bónus sem hann hefur forkaupsrétt að í boði Arion.

Setti hús í bandarískt félag

Hvernig túlkar þú niðurstöður kosninganna?

Frá því að ég fór að kjósa fyrir u.m.þ.b 30 árum man ég eftir að blaðamenn hafa spurt, bæði stjórnmálafræðinga og stjórnmálamenn þessarar spurninga. "Hvað þýða niðurstöður þessara kosninga?" Síðan hafa hafa lærðir og leiknir túlkað niðurstöður kosninganna. Það er rétt að spurningarinnar "hvað þýða þessar niðurstöður?, hefur ekki verið spurt þegar kosið hefur verið um hvort opna eigi áfengisútsölu eða ekki. Nú vilja margir að ekki verið kosið um Icesave lögin af því að ekki er hægt að fara með niðurstöður svipað því og þegar greitt er atkvæði um opnun áfengisútsölu. Þvílík fyrra. Þegar ég kýs 6. mars og segi NEI. Þá þýðir það eftirfarandi.

1.Ég hafna yfirgangi Breta og Hollendinga gagnvart þeirri þjóð sem ég tilheyri.

2.Ég hafna því að ábyrgðin á Icesave sé á herðum Íslendinga sem hvergi komu nálægt ákvörðunartöku um Icesave.

3.Ég lýsi vanþóknun minni á hvernig Íslens stjórnvöld hafa haldið á þessu máli.

4.Ég hafna þeirri réttlætiskennd mr. Browns og A. Darlings að réttlætinu sé best framfylgt með því að lát börnin mín og barnabörn þrífa skítinn eftir þá sjálfa.

Þessum skilaboðum vil ég koma á framfæri með atkvæði mínu 6 mar.

Fundað með samningamönnum

Mistök, mistök og meiri mistök.

Síðustu ár hafa íslensk stjórnvöld gert stórkostleg mistök. Þessi mistök urðu til þess að að hér hrundi efnahagskerið til grunna. Stór hluti af þeim sem höfðu áhrif og voru í æðstu stjórnunarstöðum Íslands fyrir hrun, steig síðan fram í síðustu kosningum  og báðu um traust þjóðarinnar. Kinnroðalaust stigu þau fram og sögðu "okkur er best treystandi". Hvað gerir þjóðin? Kýs þetta sama fólk. Hvað erum við að upplifa nú? Röð stjórnunarlegra mistak, mistök á mistök ofan. Ég ætla að nefna hér nokkur nöfn. Af tugþúsunda sjálfstæðismanna velst Kjartan Gunnarsson til eins mikilvægasta stjórnunarstarfs innan sjálfstæðisflokksins. Þorgerður Gunnarsdóttir sem sagði að þeir erlendu hagfræðingar sem deildu á Íslenska efnahagsundrið væru aular sem ekkert skildu og þyrftu að fara í endurmenntun. Hvað gera sjálfstæðismenn? Þeir kjósa hana aftur sem varaformann. Æðsti yfirmaður viðskipta fyrir hrun Björgvin Sigurðsson sem bar höfuð ábyrgð á íslensku viðskiptalífi bað kjósendur um traust. Hvað gerðu kjósendur? Þeir kusu hann og treystu engum betur. Ég ætla að sleppa því að minnast á Össur Skarphéðinsson og Jóhönnu Sigurðardóttir. Sú spurning verður æ áleitnari hvort kjósendur séu ekki mesta vandamálið á Íslandi. Á meðan kjósendur horfast ekki í augu við ábyrgðina halda mistökin áfram og verða verri og verri, stærri og stærri.  

FT: Bretar eiga að gefa eftir

Stórkostlegt framlag InDefence hópsins.

Umfram allt hefur þessi hópur verið faglegur. Margir hafa verið að reyna að hengja pólitískan stimpil á hópinn, svona uppa á gamla mátann og gömlu vinnubrögðin í pólitíkinni. Þessi ágæti hópur hefur fyrst og fremst verið faglegur og sýnt fagleg vinnubrögð. Eflaust krossa þessir drengir við ákveðna flokka í kosningum. Ég nenni ekki spá í það, reyni frekar að hlusta á hvað þeir hafa að segja. Það er ekki vafi í mínum huga að þegar sagan dæmir þennan hóp þá skorar hann hátt. Ég held að við getum sameinast um að þakka þessum varnarjöxlum vel unnin störf.

Kosningabaráttan hófst í dag

Of sjúkt til að hægt sé að trúa þessu.

Þetta er í þeim flokki að það er ekki hægt að trú þessu. Af 200 miljörðum með 5,55% vöxtum, (þeim sömu og Bretar ætlast til að við borgum af Icesave) eru vexti rúmlega 30 miljónir á dag. Eða rúmlega 11 miljarðar á ári. Hvað skildu þessir peningar hafa að segja inn í rekstur Heilbrigðisstofnun suðurnesja, sem mikið er í umræðunni í dag. Þessi framkoma Breta er líkust vinnubrögðum handrukkara, gangstera eða glæpamanna. Þetta er of idiotískt til að ég geti trúað þessu.

Afborganir í Bretlandi enn á vaxtalausum reikningi