Af hverju Davíð en ekki Jóhanna?

Í bréfi Davíðs kemur fram að hann þ.e Davíð hafi margsinnis varða ríkisstjórnina (sem Jóhanna sat í )við stöðu bankanna. En Jóhanna virtist ekki hafa haft miklar áhyggjur þá. Ég er þeirrar skoðunar að þeir sem stjórnuðu eigi að bera ábyrgð. Þetta er fáránleg staða í uppbyggingarvinnunni að Jóhanna sé nú að koma Davíð út úr Seðlabankanum. Af hverju á Jóhanna ekki að bera sína ábyrgð líka? Af hverju á hún ekki að segja af sér? Eða m.ö.o af hverju í veröldinni er þessi kona orðin æðstráðandi hér í þessu landi þar sem allt er í rúst.?

Lýsir miklum vonbrigðum

Á móti öllu stefnan, virkar illa nú þegar menn hafa völdin

Það er ágætt að velta því fyrir sér hvar ákvörðunin um hvalveiðar væri stödd ef þingið gerði ekkert annað næstu tvo mánuði en að ræða hvort að það ætti að leyfa hvalveiðar eða ekki. Kæmust menn að einhverri sameiginlegri niðurstöðu? Er það líklegt að Kolbrún Halldórsdóttir kæmist að þeirri niðurstöðu að best væri að leyfa hvalveiðar? Eða er það líklegt að Einar K kæmist að þeirri niðurstöðu að best væri að láta það vera? Á einhverju tíma punti þarf að taka ákvörðun. Það er hlutverk stjórnmálamannanna að taka ákvarðanir. Ef lýðræðið á að virka er það hlutverk stjórnmálamannanna að taka púlsinn á hjartslætti þjóðarinnar.  Nú þegar Steingrímur er kominn í stjórn getur hann og VG ekki verið á móti öllu. Sú stefna gengur ekki: Nú reynir á formann VG. Ég hef þá trú á Steingrími J að hann geri einhverjar smá breytingar á reglugerðinni um hvalveiðar, en að í sumar verði veiddur hvalur.  

Hvað er það kallað þegar þingið vill eitt en ráðherran annað og ræður?

Mikið ofsalega geta menn verið fljótir að gleyma. Hér á landi eru flestir pottar og pönnur dældaðar eftir barsmíðar síðustu vikna. Þar var kallað. "Við viljum lýðræði". Ekki ráðherraræði. Samkvæmt öllum mælingum er það vilji þjóðarinnar að hefja hér sjálfbærar hvalveiðar. Að öllum líkindum er það vilji meirihluta alþingis einnig. Nei, nú er kominn nýr ráðherra í sjávarútvegsráðuneytið sem heitir Steingrímur J og það er hann sem ræður. Vilji þjóðarinnar kemur þessu máli ekkert við, vilji alþingis kemur þessu ekkert við. Það er ráðherrann sem ræður. Ef Steingrímur ætlar að hunds þjóðarvilja og þingvilja er ekkert annað að gera en byrja upp á nýjan leika að berja potta og pönnur. Mér þykir það kjarkur hjá Steingrími að byrja á því að strá salti í sár lýðræðisdraums okkar sem hér búum.

Hvað gerir Davíð nú?

Það er svolítið sérstakt að rifja upp eftirfarandi staðreyndir.

1. Hvaða álit hafði Davíð á Jóni Ásgeiri og útrásarvíkingunum fyrir 2-4 árum?

Er það hugsanlegt að viðhorf nútímans sé það sama og álit Davíðs var þá.

2. Hvaða álit hafði Davíð á  launakerfi því sem þessir menn voru að búa til í kringum sig fyrir 2-4 árum síðan?

Man einhver eftir hver fór í Búnaðarbankann og tók út það sem hann átti þar til að mótmæla launkerfinu?

3.Man einhver eftir áhyggjum Davíðs af því fyrir 2-3 árum að fjölmiðlar landsins voru að komast í hendur örfárra auðmann?

Er það hugsanlegt að hinn svokallaði almenningur sem hafði tiltölulega litlar áhyggjur þá, sé sama sinnis nú  og Davíð var þá. Var ekki einhver sem neitaði að skrifa undir þau lög sem áttu að koma í veg fyrir að auðmenn eignuðust alla  fjölmiðlanna með húð og hári?

Þessar staðreyndir eru ekki settar fram til að bæta einn eða neinn. Miklu freka til að velta því upp hvað leik Davíð leikur í þeirri stöðu sem hann er í núna. Það er útilokað að hann geri ekki neitt.

 

 

 

Seðlabankastjórar víki

Getur siðblinda verið illkynja?

Þegar búið var að skera á öll kýli hjá Eimskipafélaginu kom í ljós að tapið var hátt í 100 miljarða. Forstjóri síðustu ára kallar nú eftir bónusnum sínum sem Eimskipafélagið að sjálfsögðu neitar að borga. Það er ótrúlegt að sá sami maður ætli að búa í íslensku samfélagi.  Með aðstoð lögfræðinga er þessi maður að innheimta  bónusinn sinn. Hvernig getur þessi maður horft framan í fólk sem býr hér á landi. Sama fólk og búið er að setja á herðarnar  miljónir á miljónir ofan eftir þessa fjármálasnillinga. Síðustu mánuðina fékk þessi forstjóri um 1 milljón á dag í laun. En nú vantar hann bónusinn. Þetta fyrirbæri í fjármálageiranum að greiða bónusa í miljónavís, óháð árangri er siðblinda. En þegar siðblindan er orðin eins ofsaleg eins og hjá Eimskip dettur manni í hug hvort siðblinda geti verið illkynja.

Verður Framsókn tímabundin hækja?

Framsóknarmenn gætu hæglega lent í þeirri töðu að vera aðeins tímabundin hækja fyrir Samfylkingu og VG. Það kæmi ekki á óvart að þessir tveir tilvonandi stjórnarflokkar bættu stöðu sína í næstu kosningum. Þá gæti sú staða komið upp að þeir þyrftu ekki á stuðningi Framsóknarmanna að halda. Steingrímur J hefur sagt að ef vel takist til þá verði þessi stjórn áfram við völd. Þá segja Ingibjörg og Steingrímur við Framsóknarmenn  "við þökkum ykkur þennan tímabundna stuðning, verið þið sæl."

Kosið í vor og í haust?

Verstöðin Grundartangi, Norðurál AK 10.

Í frétt hér á mbl þar sem rætt er við Vilhjálm Bjarnason veralýðforingja kom m.a fram að 40% af framleiðsluverðmætum Norðuráls væru eftir hér á landi, sem væri launagreiðslur, rafmagnskostnaður og innlendur kostnaður annar .  Hinn hlutinn þ.e 60% færi úr landi og væri notaður til að greiða kostnað sem fellur þar svo sem súrál, skaut og fleira. En miðað við verð á LME(London metal exchange.) í dag og verð á fiski hjá RSF(Reiknistofu fiskmarkaða). Hvað þíðir þetta mikið magn af fiski. Miðað við sölutölur þá seldu allir fiskmarkaðir c.a 1500 tonn fyrr 312 mkr í síðustu viku. Íslenski hlutinn af framliðslu NA á sama tíma (þ.e 40%) var ca  360 mkr. Eða 48 mkr meir en selt var á öllum fismörkuðum á Íslandi á sama tíma. Þessi sala á Íslenskum mörkuðum er á há vertíðinni og verður að teljast met sala. Ég undirstrika það að hér er aðeins borinn saman íslenski hlutinn af framleiðslu NA. Í þessum samanburði bæri höfni á Grundartaga af í verðmætasamanburði. (Ég nefni dallinn Norðurál AK 10 af því að í gamladaga þá var sá er þetta skrifar háseti á báti sem hét Haraldur AK 10, en er nú háseti hjá NA.)

Hlutir í Century Aluminium hrynja.

Þegar verð hlutafélaga lækkar kröftuglega, jafnvel hrynja, er alltaf einhver skýringar þar á bakvið. Nú í dag er verðið í Century Aluminium móðurfélagi Norðuráls að hrynja. Verðið hefur lækka um rúm 20%. Hver skildi vera skýringin. Verð á áli heldur áfram að falla en mjög lítillega. Skýringin hlýtur að liggja einhverstaðar annarstaðar. Kann það að vera að markaðurinn sé óttaslegin um að nú séu ál antiistarnir að ná völdum á Íslandi. Þeir nái því að stoppa framkvæmdir í Helguvík. Verði það staðreyndin að sú ríkistjórn nú er að taka við nái að leggja áliðnaðinn á Íslandi í rúst. Ef Kolbrún Halldórsdóttir sest í stól umhverfisráðuneytis er það vitað að hún horfir á það sem forgangsatriði að stoppa framkvæmdir í Helguvík. Ef nýrri ríkisstjórn tekst að rústa áliðnaðinum á Íslandi höfum við sem vinnum nú í þessum iðnaði ekkert annað þarfara að gera en að berja á potta og pönnur fyrir utan gluggana á ráðuneyti Jóhönnu og co. 

Er Jóhnna sú rétta?

Orðrétt sagði formaður Samfylkingarinnar við fréttamenn " Við bjóðum fram elsta og reyndasta þingmanninn Jóhönnu Sigurðardóttur". Krafan er um nýtt Ísland, nýtt lýðveldi og ný gildi og þar fram eftir götunum. Er það þá besta í stöðunni að taka þann stjórnmálamann sem hefur starfað hvað lengst í þessu kerfi sem hrundi. Ekki man ég eftir því að Jóhanna hafa verið að kvarta yfir því að ráðherraræðið hafi verið orðið of mikið á kostnað alþingis. Allir hafa góðar tilfinningar til Jóhönnu og þekkja hennar mannkost. En í mínum huga er það langt í frá rétti leikurinn í þessari erfiðu stöðu sem við erum í núna að Jóhanna taki við sem forsætisráðherra. Af hverju sagði Ingibjörg ekki. " Við teflum fram ungum og velmenntuðum manni sem er jafnframt varaformaður Samfylkingarinnar sem heitir Ágúst Ólafur"?

Fundað um stjórnarmyndun

Hafnfirðingar farnir að fagna nýjum heilbrigðráðherra.

Ég held að VG séu strax komnir úr sambandi við raunveruleikann. Nú eru allar líkur á að Ögmundur verði næsti heilbrigðisráðherra. Í viðtali við Steingrím J í hádeginu var hann tilbúinn til að  tjá sig um St. Jóseps spítala í Hafnarfirði. Er það hugsanlegt að Guðlaugur þór hafi áformað þessar breytingar á heilbrigðiskerfinu af tómri illmennsku. Eða er það hugsanlegt að Guðlaugur Þór hafi  verið að horfa framan í þann raunveruleika sem við búum í í dag. Nú er stóra hættan sú að við stefnu með óhugnanlegum hraða neðar og neðar í kreppuna á meðan VG eru að sækja sér fylgi í Hafnarfjörð og víða.

Falið að mynda stjórn