Er hagsmunagæsla stóriðja?

Mig hefur löngum undrað það hversu stórt apparat það er sem er að gæta hagsmuna okkar. Bæði ASÍ og Samtök atvinnulífsins eru apparöt sem hafa blásið út á síðustu árum. Með tilheyrandi skrifstofuhaldi og mannafla. Þarf það að vera í litlu landi sem Ísland er að það þurfi hundruð manna til að gæta hagsmuna þeirra sem landið byggir? Í þessum apparötum virðist vera sama formúla og í hernaði þ.e fjölgum í hernum og sýnum máttinn. Lítill sjálfsgagnríni virðist vera innan þessa samtaka. Ekki einu sinni nú þegar þörfin til sparnaðar er verulegur. Þannig eru allar líkur á að heilbrigðiskerfið okka skaddist og það jafnvel verulega. En á sama tíma er engin eða lítil krafa um að þessi apparöt skeri fitina af sínum eigin samtökum. 

Fundað um yfirlýsingu

Af hverju ekki að fara um borð?

Af hverju fer gæslan ekki um borð og athugar ástand skips og mannskaps. I einu stærsta umhverfisslysi sögunnar vegar þegar  Exxon Valdez rakst á rif og ómælt magn af olíu fór í sjóinn, fannst ástæða fyrir því slysi. Skipstjórinn mældist með alcohól í blóði. Í ágúst 2008 sigldi flutningaskip á Mississippi brúana með miklum og alvarlegum afleiðingum. Mikið magn af olíu fór í sjóinn með tilheyrandi eyðileggingu. Sterkur grunur var um að áhöfnin hafi verið undir áhrifum áfengis eða lyfja. Það er talin ástæða til að stöðva ökumenn og athuga ástand þeirra. Ég held að það væri gott að athuga ástand manna og skipa sem sigla með varhugaverða farma um íslenskt hafsvæði.

Gæslan fylgist með olíuskipi

Þökkum Gunnari Tómassyni hagfræðingi bréf til þingmanna.

Það gladdi mitt dapra hjara að heyra það að maður eins og Gunnar Tómasson hafi skrifað öllum þingmönnum bréf þar sem hann gerir þeim grein fyrir að við getum ekki tekið á okkur Icesave reikninginn. Í mínum huga er það eins skýr og mest getur verið að við ráðum ekki við þessa skuldbindingu. Bretar og Hollendingar eiga líka að taka á sig birgði. Þeir hleyptu glæpafyrirtækinu Landsbanka Íslands langt ofan í vasa almennings án þess að lyfta litlafingri. Það var ekki í mínu umboði sem þetta glæpafyrirtæki var með starfsemi í Bretlandi og Hollandi. Frakkar sögðu "þetta var spurning um almenna skinsemi". Þeir hleyptu þessum glæpamönnum aldrei ofan í vasa landa sinna. Þess vegna er ekkert Icesave vandamál í Frakklandi. Vonandi vakna nógu margir þingmenn og stoppa þessa geðveiki sem er verið að kalla yfir íslenska þjóð.

Stjórnmálamenn framtíðarinnar biðji Íslenskan almenning afsökunar.

Nú þegar er það tímabær krafa til stjórnmálamanna framtíðarinnar á Íslandi, Bretlandi og í Hollandi  að þeir biðji Íslenskan almenning afsökunar á framkomu sinni . Fjárglæframenn víða um heim hafa gjört þvílíka fjármálagjörninga að miljónir manna bíða skaða af. Að láta allan Icesave pakkann  á herðar Íslensks almennings er ævarandi skömm þeirra stjórnmálamanna sem þar eiga nafn sitt. Það særir réttlætiskennd mína að stjórnmálmönnum nútímans finnist það réttlæti að barnungar dætur mínar skuli fá þennan óþvera reikning. Jóhanna bað afsökunar á þeim stjórnmálamönnum sem voru á vaktinni þegar við sigldum fram af brúninni. Á sama hátt er það krafa mín að stjórnmálamenn sem eiga eftir að taka við vaktinni af núverandi stjórnvöldum á Íslandi í Hollandi og Bretlandi að þeir biðji  Íslenskan almenning afsökunar á núverandi stjórnvöldum. 

Fjárlagaagi verður erfiður

Skítlegt eðli, gungur og druslur.

Allt eru þetta orð sem þekkt eru úr ræðustól alþingis. Þau kom upp í hugann núna á þessari örlaga stundu. Ef við þurfum að borga 55. miljarða á ári eru það tæp 700 þús á heimili mitt á ári nætu árin. Hvernig halda menn að ástandið væri í Bretlandi ef um 3500 gbp væru sett á hvern Breta. Ef þetta væri gert af orsökum sem stöfuð af því að stjórnmálamenn í Ameríku hefðu brugðist. Svarið er skýrt, það væri borgarastríð i Bretlandi. Ástæðan fyrir því að þetta vandamál er ekki í Fraklandi er ljóst. Frakkar segja einfaldlega "þetta var spurning um heilbrigða skinsemi" Þessi skinsemi var ekki til hjá Breskum og Hollenskum stjórnmálamönnum. Það ætla þeir að leiðrétta með því að setja alla upphæðina á íslenskan almenning. Í mínum hug er Gorson Brown allt þetta, með skítlegt eðli, gunga og drusla. Að horfa á íslenska stjórnmálamenn vinna úr málinu eins og raun ber vitni er sorglegt. 

Kvittað fyrir Icesave

Hvað stendur uppúr á lokaspretti Icesave.

Nú er eitt leiðinlegasta og ömurlegasta máli sem íslensk stjórnvöld hafa þurft að glíma við á enda. Sennilega er ég ekki sá eini sem er ráðvilltur og pirraður við  loka afgreiðslu sem er nú í augsýn. Ég vona að við almenningur fáum góða fréttaskýringu á þessu máli nú strax eftir helgi. Ég bíð eftir að heyra í Jóni Daníelssyni í London og Guðmundi Ólafssyni í HÍ. Það sem stendur upp úr þessari Icesave rugli er að stjórnmálamenn í Bretlandi og Hollandi brugðust þegnum sínum. Sömu stjórnmálamenn sem brugðust sínu fólki svona illa, eru nú að setja Íslendingum, fæddum og ófæddum stólinn fyrir dyrnar. Með sín eigin mistök á samviskunni segja þeir "réttlætið á að vera þannig að þetta lendi bara á íslenskum bökum". Það er svo augljóst að Breskt og Hollensk regluverk brugðust. Það að hleypa Landsbankanum þetta langt ofan í  vasa Breskra og Hollenskra þegna án þess að stoppa ruglið, eru mistök þessara þjóða. Þannig mun sagan dæma þessa menn. En þetta eru sömu mennirnir og standa uppi á kassanum í dag og segja "Ég er sá sem þið skulið treysta" og fólkið kýs kallinn á kassanum.

Endurskoðun óháð þinginu

Traust er ekki hægt að dæma af mönnum, eða til handa mönnum.

Enginn getur dæmt traust til handa mönnum sem hafa mist það. Þeir sem hafa tapað trausti fólks verða að vinna það til baka á annan hátt en þann að fá sér það dæmt til baka. Við lifum á þeim tímum þar sem stjórnmálamenn hafa tapað trausti almennings. Það traust verða þeir að vinnan til baka með verkum sínum. Traust á dómstólum hefur einnig borið skaða. Í hugum margra hafa dómstóla illa ráðið við þau verkefni, þegar kynferðisbrot eru annars vegar. Því trausti sem dómstólar hafa tapað, verða þeir að vinna til baka með réttlátari dómum. Nú er kirkjan að lenda í þeim sporum að hún er að tapa trausti almennings. Nú verður að loka kirkjunnar menn inni og hleypa þeim ekki út fyrr en þeir hafa fundið lausn á þessu máli á Selfossi. Heiður kirkjunnar er í veði. Kirkjan er ekki einkaeign þeirra sem þar þjóna. Kirkjan er eign okkar sem byggjum þetta land. Prestarnir eru einungis þjónar. Nú er mál að linni. Við viljum ekki þessar erjur innan kirkjunnar okkar, það er sú einfalda staðreynd sem kirkjunnar þjónar verða að skilja.

Lýsir stuðningi við ákvörðun biskups

Eftir stendur löskuð kirkja.

Það er sorglegt að fylgjast með þessu máli. Ekki bara fyrir Gunnar og söfnuðinn á Selfossi. Nú virðist sem svo að bæði lærðir og leiknir séu að skiptast í fylkingar. Það er ekki langt síðan að það var farið að fenna í spor máls þar sem fyrrverandi biskup var borinn þungum ásökunum. Nú fáum við nýtt mál. Þar sem álmenningi er boðið upp á sorglega atburðarás. Kirkjan snýst að stærstum hluta um traust almennings til hennar. Það er sorglegt hvernig þjónar kirkjunnar prestarnir, bregst almenningi með illvígum deilum. Eftir stendur sködduð kirkja og særður almenningur.

Hörð gagnrýni á biskupinn

Um 250.000.000 kr til námsmanna.

Í sumar voru rúmlega 100 manns sem unnu hjá Norðuráli á Grundartanga við afleysingar vegna sumarleyfa starfsmanna. Ég reikna með að það hafi verið svipað hjá álverinu í Straumsvík og álverinu fyrir austan. Að langstærstum hluta eru þetta framhalds og háskólanemar. Mér er minnistætt viðtal við rektor HÍ þar sem rektor segir að sumarið hafi verið mikið betra en menn hafi átt von á. Í upphafi sumars var rætt um að bjóða upp á sumarnám í HÍ þar sem áhyggju manna voru af sumarvinnu námsmanna. Grófleg má áætla að laun skólafólksins hafi verið 250-300 mkr yfir þennan tíma. Ef rektor HÍ hefði tilfinningu hvað væri að gerast í þjóðfélaginu hefði hún að sjálfsögðu minnst á að þessir vinnustaði þ.e álverin í landinu hefðu hjálpað verulega upp á sumarvinnu námsmanna. Á sama tíma og áhyggjur rektors voru í hámarki var Indriði Þorláksson að vinna skýrslu þar sem niðurstaða hans eru að álverin hafi lítinn eða engan áhrif á vinnumarkaðinn. Rökin voru þau að ef þetta fólk sem vinnu í álverunum ynni ekki þar þá myndi það vinna einhverstaðar annarstaðar. Staðreyndirnar tala sínu máli. Framhaldsskóla og háskólanemar hafa verið með c.a 250-300 mkr í vasanum nú í upphafi skólaárs til að kosta sitt nám og framfærslu. Sennilega hefur einhvertímann minni frétt ratað á síður fjölmiðla þessa lands.

Bumerang Svandísar.

Ein megin rök Svandísar fyrir ákvörðun sinni var að hér þyrfti að fara að lögum, jafnvel þó að við værum djúpt í kreppunni þá yrðu hún sem umhverfisráðherra að fara að lögum. Nú eru að koma fram nýjar staðreyndir þar sem mjög er dregið að Svandís hafi farið að lögum í þessari ákvörðun. Ég get ekki betur séð en að búmeraengið sé að hitta hana beint í skallann. Steingrímur J. varði þá ákvörðun sína að gengið skyldi til þjóðaratkvæðagreiðslu um ESB að það væri kominn tími til að þjóðin tæki af skarið með ESB aðild. Sú afstað hans var góð og gild. En það er makalaust hvað VG reynir að stinga pinna í hjól Norðuráls á Reykjanesi, vitandi það að stór meirihluti íbúanna vilja þessa framkvæmd. Þeir vilja ekki bara framkvæmdina heldur vilja þeir að sjálfsögðu að framkvæmdum verði hraðað. Það er greinilegt að nýja lýðræðið okkar virkar ekki sem skildi.

Svandís ógildi ákvörðun