Af hverju blikkuðu engin ljós?

Til baka litið sjá allir að bankastarfsemin hér á landi var eins og ævintýrið um nýju föt keisarans. Landsbankinn bauð Bretum útblásna vexti á Ice-savereikninga, fór m.a til Íslands með peningana og lánuðu útgerðinni peninga til að kaupa óveiddan fisk í sjónum. Útgerðin greiddi allt að fjögurþúsund kr pr kíló. Það var vitað að söluverið af þessu kílói seldu á markaði  dugði ekki fyrir vöxtunum af láninu, hvað þá meira. En þessir peningar áttu m.a að standa undi þessum bólgnu vöxtum til handa Bretum. Á þessum tímapunti áttu að sjálfsögðu öll ljós að blikka og allar sírennur að væla. Nei, á þeim tíma fóru Geir Haarde og Ingibjörg Sólrún vestur og austur um haf til að markaðasetja þá ímynd að bankakerfið á Íslandi stæði á traustum fótum. Íslenskir stjórnmálamenn bera mikla ábirgða á þessu skelfilega ástandi sem hér ríkir. En Breskir og Hollenskir stjórnmálamenn gera það líka. Icesave illgresið fékk að vaxa í garðinum þeirra án þess að þeir  aðhöfðust nokkuð. Nú virðis sem svo að það sé að aukast skilningu grannþjóða okkar á að verið sé að beit Íslenskum almenningi harðræði, vegna smæðar landsins. Sennileg er þáttur indefence hópsins þess verðugur að Ólafur Ragnar hætti að hengja fálkaorður á nokkra aðra en þá sem standa   vörnina í þessum Icesave harmleik .

FT: Ábyrgðin sameiginleg

Fleiri erlenda sérfræðinga.

Það kemur æ betur í ljós hvað íslenskir stjórnmálamenn og íslensk stjórnvöld  eru vanmáttug gagnvart þessu risavaxna verkefni sem efnahagshrunið og fylgifiskar þess eru. Með tilkomu Evu Joly voru ákveðin þáttaskil í málinu. Nú gefur þessi ágæti sérfræðingur Lee Buchheit okkur ráð sem er útilokað annað en að fara eftir. Þurfum við ekki fleiri erlenda sérfræðina til að aðstoða okkur?

Skynsamlegt að semja að nýju

Gola í seglin.

Þrátt fyrir að engin áróður héðan frá Íslandi um að það séu fleiri stjórnmálamenn en íslenskir sem beri ábirgð á Icesave ruglinu, virðis svo vera að nágrannaþjóðir okkar séu að átta sig. Ofsi Breskra og Hollenskra stjórnvalda hefur fyrst og fremst snúist um að breiða yfir sín eigin mistök. Það eru yfirleitt endalok stjórnmálamanna ef á þá sakast að þeir hafi gert stórkostleg mistök. Það er þungur dómur fyrir stjórnmálamenn að fá þann dóm að hafa gert stórkostleg mistök sem kosta skattgreiðendur stórar upphæðir. Um þetta hefur málið snúist fyrst og fremst. Leikur þeirra Bresku og Hollensku var að fórna Íslandi. Stórmannlegt? En af hverju hefur ekki verið sterkur áróður héðan frá Íslandi að fleiri stjórnmálamenn séu ábirgir? Kann ástæðan að vera sú að hér heima eru þetta að stórum hluta sömu stjórnmálamenn og horfðu á Icesave illgresið vaxa í garðinum án nokkurra afskipta. Eða man kannski einhver eftir þeim ráðherrum  í ríkisstjórninni sem voru í stjórninni þegar allt hrundi og heita Jóhanna Sigurðardóttir og Össur Skarphéðinsson. Skildu þessir stjórnmálamenn vilja þá umræðu  að orsök Icesave ruglsins sé fyrst og fremst á ábirgð stjórnmálamanna sem brugðust okkur kjósendum hér á Íslandi, Bretlandi og Hollandi.

FT segir að jafna eigi Icesave-byrðar

Eru Hvalfjarðargöngin ástæðan fyrir slæmu gengi Skagamanna í fótbolta?

Það er sárt fyrir okkur gamla Skagamenn sem hafa fylgst með fótboltanum á Akranesi síðustu áratugi að horfa upp á gengi liðsins í fótbolta. Það dugði ekkert að fá gamla jaxla eins og Guðjón Þórðarson, leiðin hefur verið beint niður síðustu ár. Ekki er nóg með að liðið hafi fallið um deild á síðustu leiktíð heldur er það að berjast neðst í fyrstu deild. En hver er skýringin? Kann skýringin að liggja í Hvalfjarðargöngunum. Hér áðurfyrri var Akranes langt frá Reykjavík. Nú er Akranes orði meira eins og hverfi í Reykjavík og ætti kannski að vera sama sveitarfélag. Ég var að sjálfsögðu hund óánægður með jafntefli við Aftureldingu nú á föstudaginn. Menn lifa ekki af forni frægð. Hver er íbúatalan í Mosó og hver er íbúatalan á Akranesi? Á milli tvö og þrjú þúsund fleiri búa í Mósó heldur en á Skaganum. Af hverju ætti ungur strákur sem býr á Skaganum að spila með Skagaliðinu ef þeir í Mosó bjóða honum pínulítið meira? Ég hef stundum hugsað til þess hversu atvinnumarkaðurinn hefur breyst síðustu ár. Sigurður Sigurðsson var sennilega  fyrsti Skagamaðurinn sem bjó á Akranesi en vann í Reykjavík. Tók hann Akraborgina kvölds og morgna. Þótti okkur á Skaganum þetta nokkuð merkilegt og var rætt manna á meðal. Nú veit enginn hversu margir búa á Akranesi og vinna í Reykjavík og öfugt. Á sama hátt er þetta með knattspyrnumannamarkaðinn, þetta er orðið eitt svæði. Á þessu stóra sæði, Akranes til og með Keflavíkur, austu á Selfoss og öll sveitarfélög þar á milli er kannski mesti áhrifavaldurinn á gengi liðanna, gömlu (góðu/vondu) peningamennirnir. Þannig er engin spurning að kvótapeningar eru í Grindavík, Fl (Hannes Smárason) í Fram og Björgólfur í KR. Þannig hafa rekstraraðilar og stjórnendur félaganna aldrei haft eins mikið vægi og nú. Það að Akranes færðist nánast til Reykjavíkur í júlí 98 og það að stjórnendur hafa ekki tekið á þessu breytta rekstrarumhverfi er í mínum huga líklegast skýringin á þessu slæma gengi liðsins. En krafa okkar sem hafa og fylgjast með Skagaliðinu hefur ekkert breyst. Krafan er að liðið berjist á toppnum í efstu deild.   

Virðing fyrir náttúrunni og hverju fleira?

Hér er á ferðinni fólk sem ber svo óskaplega virðingu fyrir náttúrunni að það finnur sig knúið til aðgerða. En hvað með virðingu fyrir lögreglunni og fólki sem sem er að vinna vinnuna sem það er kosið til. Hvað með virðingu fyrir fólki sem fagnar þessum samningi sem NA var að gera í iðnaðarráðuneytinu? Þetta er sorglegt.

Mótmælendur handteknir

Smáaurar.

Ef þessum verðmætum er skipt jafnt niður á alla Íslendinga þá eru þetta rétt rúm 300.000 þúsund á mann. Samkvæmt Ice-save reikni mbl.is þá þarf her Íslendingur að greiða 1.500.000 kr ef 50% af eignum LÍ innheimtast. Þannig þarf 5 ára afrakstur sjávarauðlindarinnar til að greiða  Icesave. Í þessi 5 á verða engin laun greidd, engin rekstrarkostnaður vegna sjávarauðlindarinnar allt færi í Ice-save. Þessar tölur eru svo absúrd að það er ekki hægt að henda reiður á þær. En að sjálfsögðu fer afraksturinn úr sjávarauðlindinni ekki í að greiða Ice-save. Hann fer í að greið hagræðinguna þ.e þeir sem keyptu aflaheimildirnar þurfa að greið þeim sem áttu þær. Allt upp í 4500 kr/kg. Kannski er ekkert nema svartsýni í mínum huga á þessum annars ágæta föstudegi. En hlutirnir eru svo sorglegir. Til að mæta þessu rugli er síðan verið að skera niður nokkrar krónur í heilbrigðiskerfinu og menntakerfinu.  

Aflaverðmæti nam 99 milljörðum

Smáflokkadauði.

Það er ekki einleikið hvað nýir flokkar eru skammlífir í íslenskri pólitík. Síðan ég fór að fylgjast með pólitík (sem mælist í áratugum) hef ég upplifað dauða ótrúlega margra flokka. Ég hef fylgt sjálfstæðisflokknum í þessa áratugi. Í síðustu kosningum skilaði ég auðu og gerði grein fyrir atkvæði mínu hér á blogginu. Það var erfitt en ég gerði það samt. Ég tel það hlutverk mitt fyrst og fremst að leggja sjálfstæðisflokknum lið. Það er ótrúlega margt sem þarf að laga þar á bæ en ég get ekki horft upp á að ill öfl kunningjakerfis og spillingar nái undirtökum í flokknum. Þess vegna er það hlutverk mitt og hins almenna sjálfstæðismanns að taka til hendinni . Brýnast verkefnið nú fyrir haustið er að koma Kjartani Gunnarssyni út úr miðstjórn og öllum áhrifum hans innan flokksins. Það verður í mínum huga prófsteinn á hvernig til tekst með áhrif hins almenna óbreytta flokksmanns á endurbótastarf flokksins.

Enginn þingmaður mætti

Innrás í karlaklefann.

Þegar ég var í sundi fyrir nokkrum dögum í Laugardalnum og var að klæða mig eftir pottalegu og sundtúr birtist kona inni í karlaklefanum. Konan labbaði nokkuð vasklega inn í klefann en hefur eflaust fundist eitthvað vera öðruvísi. Hún snéri síðan við þegar hún áttaði sig á að hún var í röngum klefa. Ekkert uppistand varð í karlaklefanum við þessa óvæntu heimsókn konunnar. Menn héldu áfram að klæða sig eins og ekkert í hafi skorist. Eftir að konan var farinn út leit ég yfir klefann til að sjá hver klæðastaðan var almennt. Ég myndi áætla að meðalklæðastaðan hafi verið brók og bolur. Það má segja að hún hefði getað verið verri, eða betri eftir hvernig á er horft. Ég hafði ímyndað mér að ef þetta gerðist þá myndi kona jesúsa sig og hoppa hæð sína ef hún væri kominn inn í miðjan karlaklefann. Nei, þessi leit ofurrólega yfir eins og hún væri á hrútasýningu á ströndum og labbaði síðan út þegar hún hafði áttað sig. Í Árbæjarsundlaug í kvöld fór ég að velta því fyrir mér hver viðbrögðin væru ef karl labbaði óvart inn í kvennaklefann. Skildi karlinn jesúsa sig? Eða hver væru viðbrögð kvennanna? Ef ekki hefði komið helvítis kreppan og háskóli verið kominn inn á alla firði svipað því þegar skutogararnir komu, hefði verið upplagt að gera rannsókn á þessu. Ég sé fyrir mér góða b.a. eða jafnvel masters ritgerð sem héti. "Mismunandi viðbrögð karla og kvenna við að fara í rangan klefa í sundi" Ég er viss um að það væri hægt að stunda miklar rannsóknir á þessu viðfangsefni. Hugsanlega gæti komið út úr sona rannsókn að jafnrétti væri ekki stærðfræðilega mögulegt þar sem kynin væri svo ólík í eðli sínu. Hver veit nema að sá tími koma að einhver taki þetta verkefni fyrir.

Allt upp á borð.

Það er algjör forsemda fyrir endurreisn efnahagslífsins að allt sé uppi á borðum. Göran Persson fyrrum forsætisráðherra Svía lagði á það mikla áherslu þegar hann kom hér fyrst eftir hrunið. Hann var ekki bara að tala kjark í Íslenska þjóð, þar fór maður með reynslu af kreppu og leiðina út úr henni. Það virðist eiga að fara þá leið hér á landi að halda upplýsingu innan fámenns hóps og passa að almenningur komist ekki að hinu sanna. Íslenskt andrúmsloft fer að verða það eitrað að það er útilokað. Kaupþingsmenn eru aumkunarverðir að hóta lögsókn. Íslensk þjóð vill fá að vita hvað gerðist hér á landi. Hér myndast byltingarástand ef þessu heldur fram sem horfir.

Segja trúnað gilda um upplýsingar

Vandamál leyst með bjór.

Geta bjórframleiðendur fengið betri auglýsingu? Upp kemur vandamál og forsetinn leysir málið með bjórsulli í Hvítahúsinu. Af hverju fá mennirnir sér ekki sígarettu líka til að fullkomna lausnina. Bjórauglýsendur hafa verið hálir sem álar í aðferðum sínum við að koma vöru sinni til neytenda. Sennilega verður komið stórt flettiskilti með þessari mynd á hverju götuhorni í Reykjavík innan tíðar. Verst var að skiltin gátu ekki komið upp nú fyrir verslunarmannahelgi til að minna á að kaupa svolítið áfengi áður en lagt er að stað. Skildi Barack Obama leysa heilbrigðisvandan í Ameríku með þessari aðferð? Ekki veitti af miklu magni af bjór þegar það vandamál verður leyst ,því eins og allir vita er heibrigðisvandinn þar á bæ risavaxinn.

Sáttabjór með forsetanum