Hvernig hefði Laxnes skrifað um kvótakerfið?

Árið 1968 skrifaði Laxnes bókina Kristnihald undir jökli. Í kaflanum þar sem fram kemur að séra Jón prímus hafi farið yfir fjöllin að gera við hraðfrystihús. Umbi er að færa Úu þessi tíðindi og Úa spyr. Hvað er hraðfrystihús? Umbi svarar. "Það eru íslensk fyrirtæki. Spaugararnir reisa þau fyrir styrk frá ríkinu, síðan fá þeir styrk af ríkinu til að reka þau, þvínæst láta þeir ríkið borga allar skuldir en verða seinast gjaldþrota og láta ríkið bera gjaldþrotið: Ef svo slysalega vill til að einhvertíma kemur eyrir í kassann þá fara þessir grínistar út að skemta sér. Nú er kominn miljón til að gera við eitt svona fyrirtæki hér hinumegin við fjallið og þá er náttúrulega strax kallað á séra Jón. Konan: Er þetta kannski eitthvað í líkingu við það sem kallað var íshús hér áður fyrri? Umbi: Svipuð hugmynd; önnur kynslóð"

Saga af Sjóvá,ríkissjóði og gleraugnatjóni.

Nú nýverið lenti dóttir mín því að brjóta gleraugun sín. Ekki var um neitt annað að ræða en að kaupa ný gleraugu. Ný gleraugu kostuðu nákvæmlega 53.640 kr. Þegar maður lendir í tjóni koma tryggingarnar upp í hugann. Þar sem fjölskyldan er með heimilistryggingu hjá Sjóvá hefði ég heyrt að þeir tækju þátt í tjóni á gleraugum barna. Ég fór því í Sjóvá og talaði við þjónustufulltrúa. Meðan ég beið eftir afgreiðslu fékk ég mér einn bolla af kaffi sem var þar á boðstólnum og hugsaði, ég fæ þó alltaf einn bolla af kaffi út úr þessu tjóni. Ég sagði þjónustufulltrúanum þennan brandara, en honum stökk ekki bros á vör. Eftir að broslausi þjónustufulltrúi Sjóvá hafði skoða málið var niðurstaðan þessi. Við borgum þér 7500 kr vegna þessa tjóns, en þú missir 13500 króna endurgreiðslu. Til að fyrirbyggja að ég misskildi ekki hlutina þá lagði ég mína útreikninga á borðið sem voruð þessir. Sjóvá greiðir mér 7500 kr en sleppur með að greiða mér endurgreiðslu upp á 13500 og hagnast því um 6000 kr á þessu tjóni. Mikið rétt ég ég misskildi ekkert. Sem sagt voru áform Sjóvá þau að hagnast um 6000 kr vegna þessa gleraugnatjóns. Flestir þekkja að þegar tjón verður, stendur í smáaletrinu að tryggingarnar borga ekki fyrir þessa tegund af tjóni. En að tryggingarnar (Sjóvá)tæku sérstakt gjald af tjónaþola fyrir að lenda í tjóni er eitthvað sem ég hef ekki heyrt áður. Ég afþakkaði aðkomu Sjóvá að þessu máli og bauð broslausa þjónustufulltrúanum borgun fyrir kaffibollan. En sá brandari minn virkaði heldur ekki á þjónustufulltrúann.

Mér datt í hug hvort Sjúkratryggingar íslands tækju einhvern þátt í þessu tjóni, þar sem kominn var tími á að endurnýja styrkinn í gleraugum dóttir minnar þar sem sjón hennar er mjög slæm . Svarið var stutt. Nei, við tökum ekki þátt í þessum gleraugnakaupum sagði þessi ágæti þjónustufulltrúi hjá Sjúkra.is. Á reikningnum fyrir gleraugunum kemur skýrt fram að virðisaukaskattur af honum er 10899 kr . 

Niðurstaðan er því þessi. Sjóvá ætlaði að hagnast um 6000 kr á þessu tjóni og ríkissjóður okkar allra hagnaðist um 10899 kr. Hver sagði svo að það væri ekki gott að búa á íslandi.

Kjarkaður Bjarni Ben.

Með þessari niðurstöðu sýnir fjármálaráðherrann mikinn kjark. Ég er ekki í vafa um að það hafi verið þrýstingur á Bjarna að ráða Ragnar Árnason. Kannski er Ragnar ágætur í fræðunum. En það er varla deilt um það að Ragnar er öflugur framherji í sérhagsmunagæslulið sjálfstæðisfokksins. Sennilega verður ró og friður í samfélaginu með ráðningu Más, sem er lykilatriði við að byggja upp traust á samfélaginu.

Már áfram seðlabankastjóri

24 sinnum hærri en í Evrópu.

Í dag eru stýrivextir á Íslandi 6% á evrusvæðinu 0,25% m.ö.o stýrivextir hér eru 24sinnum hærri en í Evrópu. Hér erum við lokuð inni í girðingu vaxtaokur. Nú nýverið birtist viðtal við erlendan sérfræðing sem lýsti afrekum íslenskra banka, lánasöfn þeirra væru góð og erlendir fjárfesta væru farnir að líta til þeirra. Manni verður óglatt. Nú á jafnvel að hleypa erlendum fjárfestum á beit inn í girðingu vaxtaokurs á Íslandi. Ég hef minni en enga trú á því sem seðlabankinn er að gera þ.e með eitthvað brask með gjaldeyri, kaup og sölu. Til að góðir hlutir gerist verður maður að haf trú. Ég hef nákvæmlega enga trú að Íslenskt örhagkerfi verði eitthvað sem byggjandi er á.

Óbreyttir stýrivextir í 19 mánuði

Landsbanki Íslands farðu tl helvítis.

Hvaða söfn eru það sem eru svona ofsalega góð? Eru það ekki  lán íslenskrar alþýðu sem eru að borga af uppsprengdum lánum til bankanna. Með glæpsamlegum starfsaðferðum gerðu þessir bankar stóran hluta af þjóðinni eignalausan og eða gjaldþrota. Síðan er það íslensk alþýða sem reisir þessa banka við með þeim hætti að nú er árlegur gróði þeirra mældur í tugum milljarða. Nú kíkja þessir sömu bankar upp í fólk og spyrja hvor að það sé hægt að treysta því. Spurningin virðist ekki vera sú hvort að við íslensk alþýða treystum bönkunum. Síðan eru fengnir "sérfræðingar"frá útlöndum til að hæla þessum óþvera. Væntanlega til að fegra ímynd þeirra. Hér erum við lokuð inni í girðingu okurvaxta. Stýrivextir hér (6%) eru 40sinnum hærri (0,25) en í EVRÓPUBANKANUM. Minn stór draumur í bankamálum mínum er að geta labbað inn í góðan banka í Evrópu, lagt áratuga sögu mína á borðið og sagt viðskiptabanka mínum Landsbankanum að fara til helvítis.

Íslensku bankarnir vel fjármagnaðir

Þetta er flugstjórinn sem talar.

Góðan dag ágætu farþega, þetta er flugstjórinn sem talar. Ég vil minna ykkur á að nú þurfið þið að opna budduna, því að við vinnum ekki lengur á þessum lúsarlaunum. Ei lítil milljón á mánuði segir allt sem segja þarf. Við  gerum okkur grein fyrir því að almennir launþegar fengu 2,8%. Okkar sanngirni segir okkur að tíföld sú prósenta hentaði okkur. Við eru tilbúnir að leggja Icelandair og íslenska ferðaþjónustu í rúst til að ná þessum markmiðum. Við vonum ágætu farþegar að þið sýnið þessari kröfu okkar fulla sanngirni.

Fleiri ferðum til Ameríku aflýst

Flott hjá nágrönnum okkar.

Ég er ólýsanlega hund fúll út í núverandi meirihluta í Reykjavík að bjóða ekki börnum sem fermdust nú á þessu vori og eru að klára 8 bekk vinnu. Ég lít svo á að það sé pólitískur ómöguleiki að kjósa þá flokka sem hafa ekki skilning fyrir því að þegar fólk er fermt þá er það komið í tölu fullorðinna og fullorðið fólk stundar vinnu. Þetta er algjör sóun á orku að ætla þessum árgangi að ráfa aðgerðalaus um á sumri komanda, í stað þess að fegra og snyrta borgina okkar. Hvernig í andskotanum ætti það að vera hægt að kjósa fólk sem skilur þetta ekki.

Allir fá vinnu á Seltjarnarnesi

Gjörsamlega vanhæft vald.

Það gengur að sársaukamörkum að fylgjast með baráttu þessarar konu fyrir börnum sínum. Knúin áfram af þeirri fegurstu ást sem til er, móðurástinni, berst hún fyrir börnin sín. Það er með ólíkindum að svar valdsins sé fangelsi og refsing. Þar berstrípar valdið svo gjörsamlega vanmátt sinn í þessu máli og ætti að reyna að finna leið upp úr pyttinum, í stað þess að sökkva dýpra og dýpra. Hugurinn er hjá þessari hugrökku konu og góðar óskir um farsæla lausn á þessu erfiða máli.

Hjördís í varðhaldi til 24. apríl

Hvað fá kennarar í arð?

Ekkert er arðsamara en menntun. Nú er það spurningin hvað framhaldskólakennarar fá í arð af sinni vinnu?

Starfsmenn fá um 160 milljónir í arð

Bankasaga, glæpurinn.

Hvað kallast einstaklingur sem fer óvarlega í fjármálum, með þeim afleiðingum að hann skaðar og gerir gjaldþrota hundruð fjölskyldna? Ef sami einstaklingur fer á hausinn skiptir um kennitölu og fer að praktísera á sama markaði og hann var á. Skiptir ekki um nafn bara kennitölu. Græðir síðan 28,8 miljarða á ári á starfsemi sinni, 110 miljónir á hverjum degi sem sjoppan er opin. Hikar ekki við að spyrja kúnnana sem hann kom á hausinn hvort hægt sé að treysta honum. Væri eg spurður um þennan einstakling þá kæmi aðeins eitt svar upp í hugann. Glæpamaður.

Landsbankinn hagnast um 29 milljarða