Sorry P.

Ég var að koma úr sundi. Það er merkilegt hvað hugurinn getur farið á flug í heitapottinum. Í kvöld kom það upp í hugann að eitt skipti sem oftar þegar sá er þetta rita vara spila bridge á bridgabase.com á netinu og makkerinn kom frá Englandi. Þá blossaði einhver reiði upp í mér og ég skrifaði í "chatið". "Þú er að spila á móti hryðjuverkamanni frá Íslandi". Hann svaraði ekki svo ég hélt áfram og skrifaði "hryðjuverkamanni sem á tvær ungar stelpur". Að lokum svarið þessi maður og skrifaði " það er leitt hvernig þessi kreppa er að far með okkur". Eftir því sem tíminn líður kemur það æ oftar upp í hugann hvort þetta hafi ekki bara verið eðlileg framkvæmd í ljósi þess sem gerst hefur. Var það ekki bara eðlilegt hjá Bretum að nota þessi lög ef engin önnur voru fyrir hendi? Hvað verður úr þeim peningum sem renna í skattaskjól á eyjum eins og Tortola? Var kannski bara eðlilegt að Bretar notuðu hryðjuverkalögin til að stoppa þetta bull. Ef maður klúðrar illa góðu spili á bridgebase þá skrifar maður gjarnan. "Sorry partner". Það er nákvæmlega það sem kom upp í huga minn í pottinum að ef ég hitti þennan makker aftur þá ætti ég að segja "sorry P".

Ofsinn í að koma Davíð út, er að verða allri skinsemi yfirsterkari.

Trúverðugleiki Íslands og íslendinga er horfinn í útlöndum. Það er eitt brýnasta verkefni að endurvekja traust á okkur sem þjóð. Nú liggur svo mikið á að koma Davíð út úr seðlabankanum að öll skinsemi víkur. Það var ekki hægt að bíða eftir áliti seðlabanka Evrópu á lögunum um seðlabanka íslands. Nú má ekki bíða til miðvikudags eftir skýrslu frá framkvæmdastjórn Evrópusambandsins. Skildi þessi ofsi vera til að auka traust okkar á erlendri grundu?

Framsókn skekur ríkisstjórnina

Fagnaðar efni.

Ég varð glaður í hjarta mínu þegar ég las þessa frétt að Tryggvi hyggist gefa kost á sér í NA kjördæmi. Það hlýtur að vera fagnaðarefni þegar maður með menntu, reynslu og þekkingu sem Tryggvi hefur, ætlar að gefa kost á sér til þingstarfa. Ég held að það sé góður liðsauki í Tryggva og óska honum velfarnaðar í kosningunum

Tryggvi Þór Herbertsson vill á þing

Keyrði um á gömlum Volvo.

Ingvar Kamprad hinn sænski sem stofnaði IKEA og er í einu af toppsætunum yfir ríkustu menn í heimi keyrði um og átti gamlan Volvo. Gamli Volvoinn þjónaði og dugði hinum sænska frumkvöðli vel. Þegar maður les frétt eins og þessa, kemur þetta upp í hugann. Ég veit ekki af hverju.

Seldu lúxusbíla Kaupþings

Hans hátign eða látign.

Áður en bankarnir hrundu til grunna er mér það minnisstætt að þegar Sjeiks Mohammed Bin Khalifa Al-Thani svokallaður fursti frá Dubai var að fjárfesta í Kb banka eða Alfesca var hann alltaf kallaður "hans hátign". Í öllum tilkynningum til Kauphallar og í fréttatilkynningum var hann ávarpaður "hans hátign". Þetta stakk óneitanlega í augun. Við sem búum hér á landi erum ekki vön slíku tittatogi. Í einni bók sem ég las fyrir dætur mína man ég eftir að þetta kom fyrir að ein persóna var ávörpuð "iðar hátign" en það var líka önnur sem var ávörpuð "iðar látign". Nú virðist "hans hátign" vera í bullandi vandræðum í sínu heima héraði.Ætli að landar hans ávarpi Sjeiks Mohammed Bin Khalifa Al-Thani "iðar hátign" ef hann fer á hausinn eins og Kb banki. Ætli hæð tignarinnar fari eftir lausafjárstöðu eða eiginfjárstöðu. Hvað vakti fyrir Ólafi í Samskip og Sigurði í Kb banka með þessu titttogi er íhugunarefni.

Dubai líkt við Ísland

Vonandi ein af mörgum.

Þessi ákvörðun Valgerðar kemur sennilega fáum á óvart. Það er eins eðlilegt eins og mest getur verið að þeir þingmenn sem hvað lengst hafa starfað taki þessa sömu ákvörðun og Valgerður. Það gerir okkur kjósendum á margan hátt auðveldara fyrir. Í stað þess að við þurfum að hafna fólki sem hafa starfað fyrir þá flokka sem við höfum stutt og höfum góðar tilfinningar og þykir jafnvel vænt um, en hefur brugðist okkur. Þetta hefur þannig tvöföld áhrif við þurfum ekki að hafna fólki sem hefur starfað lengi í pólitík og hitt, að þetta gefur nýju fólki auðveldara með að stíga fram. En ansi er ég hræddur um að það verði of margir núverandi þingmenn sem þekki ekki sinn vitjunartíma. En með þessari ákvörðun Valgerðar gefur hún gott fordæmi og ekki annað hægt en að taka hattinn ofan fyrir henni.

Valgerður ekki í framboð

Rangir menn á réttum stað, eða öfugt?

Ég horfði á hinn sænska ráðgjafa ríkistjórnarinnar við uppbyggingu bankakerfisins í kastljósinu nú í  kvöld. Við að hlusta á þennan mann verður maður svolítið bjartsýnn og fær á tilfinninguna að þarna fari maður, sem bæði hefur reynslu og veit hvað hann er að gera. Beri okkur gæfa til að fá réttu mennina til að taka á þessum erfiðu verkefnum sem framundan eru verðu lausnin á kreppueinkennum okkur léttbærari. Bæði Magnús og Valur eru hoknir af reynslu sem fagmenn. Það veldur manni ugg að þessir menn séu nú að ganga frá borði sem formenn tveggja banka. Vinnan sem framundan er, er fyrst og fremst fagleg vinna. Sú vinna verður fyrst og fremst að vera í höndum fagmanna. Maður fær hroll við að hugsa um ráð eins og Árni Johnsen kom með að það þyrfti að þurrka upp eitthvað af skuldum útgerðarinnar. Ástæðan sem hann gaf var að útgerðamenn hefðu þann hátti á að á vorin greiddu þeir skuldir sínar en síðustu misseri hefðu bankarnir þvingað þá til að kaupa hlutabréf í staðinn, sem þeir hafa síðan tapað. Ég vona að sunnlendingum beri gæfu til þess að gefa Árna Johnsen frí frá þingstörfum, með fullri virðingu fyrir Árna. Það er von mín og trú að í þingliði sjálfstæðisflokksins verði stórkostleg endurnýjun á þingmönnum. Nú þarf nýja menn og nýja hugsun. Ég reikna als ekki með að Árni Matt reyni að bjóða sig fram í næstu kosningum. Það er ekki óeðlileg krafa óbreytts flokksmanns að hann geri þær kröfu til þeirra þingmanna sem nú sitja að þeir skoði í eigin ranni hvort þeir eigi ekki að stíga til hliðar. Það gerði þessa væntanlegu endurnýjun léttbærari fyrir alla. 

 

Standa við afsagnir sínar

Þetta fer að líkjast martröð.

Ólafur Ragnar kom fram fyrir þjóð sína í gær og talaði um að hann hafi lent á  þriðjaflokks blaðamanni sem hafi snúið út úr því sem hann sagði. Jafnframt sagði Ólafur að það gæti verið hættulegt að þegja. Þögnin gæti verið rangtúlkuð og virkað sem ærandi hávaði. Staðreyndin er að það er að verða slóð úti í hinum stóra heimi eftir Ólaf Ragnar þar sem formerkin eru öfug miðað við hans hlutverk sem þjóðhöfðingi. Þetta fer að líkjast martröð að þjóðin skuli sitja uppi með með gamla pólitíkusa sem eru farnir að valda þjóðinni miklu meiri skaða en þörf er á. Það er að verða forgangskrafa að við fáum ekki bara að kjósa til þings nú þegar sól fer að hækka á lofti, heldur fáum við einnig að kjósa um nýjan forseta. 

Skapstóri forsetinn

Sjúkleg umræða um ál og álver.

Ég veit ekki hvort þetta er tíska eða sjúkleiki þegar umræður um álver fer í gang. Umræðan er stútfull af fordómum og jafnvel fyrirlitningu. Ál andstæðingum virðist hafa tekist að gera andstöðu við álver að einhverskonar tískufyrirbæri. Ungt fólk stekkur upp í lestina hjá álandstæðingum til að fylgja tíðarandanum. Sá er þetta ritar vann í fiskiðnaði í áratugi. Ég sé margt sameiginlegt með fiskiðnaðinum fyrir u.m.b 20 árum og áliðnaðinum í dag. Fiskiðnaðurinn var litin hornauga og þekkt var sú hótun víða í sjávarþorpum að ef börnin ekki lærðu enduðu þau hérna í frystihúsinu. Í dag er ál hrávörumarkaður þ.e hráefnið er flutt úr landi og þar er það síðan unnið frekar í óteljandi vöru sem við notum öll dags daglega, bæði ál andstæðingar og aðrir. Það var mjög eftirminnilegt þegar verkfræðideild Háskóla Íslands snéri sér að fiskiðnaðinum í samvinnu við Framleiðni sf. Það er mér eftirminnilegt þegar dr  Rögnvaldur Ólafson verkfræðingur sprangaði um í Meitlinum í Þorlákshöfn á glansandi nýjum stígvélum. Fordómalaus ræddi  doktor Rögnvaldur við alla starfsmenn sem á vegi hans voru . Konurnar í snyrtingu og pökkun, starfsmenn í flökun , stjórnendur og yfirmenn. Úr þessu samstarfi fæddist lítill kassi. Fyrsta rafeindavogin varð til. Þessi litli kassi hefur síðan orðið af því sem heitir Marel í dag. Staðreyndin er að eitt álver er stútfullt af tækifærum. Það er hlutver háskólanna í samstarfi við áfyrirtækin að beisla þessa möguleika. Þetta litla fræ sem varð af Marel hf varð til af því að verkfræðideild HÍ kom fordómalaust að verkefninu. Öll höfum við metnað fyrir hönd barna okkar. Ég á tvær ungar stelpur. Ég hef sagt við konu mína að ég gæti vel hugsað mér að þær færu báðar að vinna í áliðnaðinum í framtíðinni. Önnur gæti séð um að hanna álver þannig að þau sæjust ekki frá veginum. Þau eru mörg hver svo helviti ljót. Hin gæti farið í þau verkefni að gera álverin mengunarlaus. Verkefnin eru ærin. Nú þegar landið er á hausnum er enn meiri nauðsyn á að nota þá möguleika sem áliðnaðurinn hefur uppá að bjóða.

Tekist verður á um Bakka

Formenn á flótta.

Sá grunur læðist að manni að þessi tveir reyndu heiðursmenn sjái neðar inn í þann forarpytt sem íslensku bankarnir eru. Er staðan þannig að okkar reyndustu rekstrarmenn og bankamenn fást ekki til að vinna þessa vinnu? Í mínum huga hefur það verið þannig, eftir bankahrunið að maður hefur þurft að velja þá sérfræðinga sem maður treystir og heldur að geri sér grein fyrir stöðunni. Ef hægt er að lesa milli lína í uppsögn þessara formanna, þeirra Vals og Magnúsar þá held ég að þeir verði fegnastir að labba út úr bönkunum og koma ekki nálægt þessum forarpytti.

Ráðherra vill formennina áfram