Selja meira og drekka minna.

Stundu finnst mér skilaboðin í áfengismálum yfirvalda vera þau að á.t.v.r á að selja meira en Íslendingar eiga að drekka minna. Á.t.v.r hefur á síðustu áratugum stöðugt verið að bæta þjónustu sína auk þessa að fjölga útsölustöðum. Væntanlega er þetta gert til að bæta þjónustuna við viðskiptavini og auka sölu. Á sama tíma hafa sömu yfirvöld verið að hvetja til minni áfengisdrykkju. Á.t.v.r auglýsir að menn geti jafnvel orðið eins og svín ef menn drekka of mikið. Þetta er einhvernvegin ekki að ganga upp. Þó er kannski alvarlegast að spara á í efni öryggisnetsins  í áfengismálum. Þórarinn Tyrfingsson og félagar hans hjá s.á.á hafa sýnt að betri varnarjaxla í áfengismálum er ekki hægt að fá. Á þeim erfiða tíma sem við erum stödd í núna þarf frekar að styrkja varnarlínuna og jafnvel að auka í sókninni. Við verðum að skilja og skynja hvar á að skera niður og hvar ekki.

Minna keypt af áfengi

Á einu augabragði, einu augabragði.

Á einu augabragði þyrfti Samfylkingin að átta sig á að hún hefur  verið á rangri leið í Icesave málinu. Þetta er eins og að villast í útlöndum og átta sig á að hótelið er í hina áttina. Hvað gerir maður? Snýr við og finnur réttu leiðina. Á einu augabragð þyrfti Björn Valur áð átta sig á því að hann er betri sjómaður en þingmaður og snúa sér að því sem hann kann hvað best. Á einu augabragði þyrfti Steingrímur og Jóhanna að segja af sér. Til baka litið sjá allir að Íslenskir stjórnmálamenn hafa staðið sig illa fyrir Íslenska þjóð. Það má ekki halda áfram. Gamla aðferðin til að stjórna landinu virkaði ekki og mun ekki virka. Breytinga er þörf og er það mikilvæg að beygingarnar verða að gerast á augabragði.

Quest tekur málstað Íslands

Aldrei kaus ég Ólaf Ragnar en nú er hann fremstur meðal jafningja.

Aldrei á lífleiðinni hef ég kosið Ólaf Ragna Grímsson. Hvorki þegar hann var í pólitíkinni í gamladag eða þegar hann sótti eftir umboði til að taka yfir á Bessastöðum. Ég get ekki annað en heillast af Ólafi nú. Hann tekur djarfa ákvörðun sem sem fellur vægast sagt í misjafnan jarveg. En það sem er athyglisverðast er hvernig Ólafur Ragnar fylgir þessari ákvörðun sinni eftir. Hann mætir í viðtöl og stendur sig vægast sagt vel. Ég var að hlust á viðtal við hann á Bloomberg fréttastöðinni og fær Ólafur hæstu einkunn. Hann rífur í sig Fitch og þeirra mat svo ekki stendur steinn yfir steini.  Ef það væri þjóðaratkvæði um hver ætti að tala máli Íslands í útlöndum um Icesave,  setti ég Ólaf Ragnar í fyrsta sæti.

Bretar og Hollendingar villdu alls ekki láta dæma í þessu máli.

Stöðugt eru að koma fram álit frá lærðum í líkindum við þetta hjá doktor Michael. Eitt af því sem Bretar og Hollendingar vildu alls ekki að væri inni í Icesave samningum var að nokkur dómstóll kæmi nálægt þessu máli. Bara að Íslendingar ættu að greiða þetta með okurvöxtum og búið. Maður skildi ætla að siðaðar þjóðir leystu ágreining sinn með dómsúrskurði. Nei, í þessu máli ekki. Nú greiðum við atkvæði um Icesave samninginn eins og hann er nú og hendum honum út í hafsauga.

Íslandi ber ekki að borga

Er þetta ekki sama matsfyrirtækið?

Er þetta ekki sama matsfyrirtækið  og mat efnahag og horfur kaupþings með þeim hætti að öll björg veraldar hryndu á undan bankanum. Horfur væru þvílíkt öfundsverða  að önnur lönd væru ekki sambærileg. Nú er matið með þeim hætti að ef við tökum ekki á okkur drápsklyfjar þá eigum við enga möguleika á að fá lán meðal þjóða. Halló , halló. Vantar ekki einhverjar frekari skýringar hérna.

Fitch lækkar lánshæfismat

Réttlæti ekki ranglæti.

Kannski má segja að stærst hlutverk stjórnmálamanna sé að leita að réttlæti. Margir sjá réttlætið mest með því að Íslenskur almenningur greiði Ice-save Landsbankanns að fullu. Jafnvel börn sem eru að fæðast í dag. Icesave skal sett m.a á þeirra herðar. Svona horfa bresk stjórnvöld á Íslenska alþýðu. Þeir sáu réttlætið í því að setja hryðjuverkalög á Ísland og Íslendinga. Fara síðan á fund og ræða hvernig megi bæta stórgallað fjármálakerfi heimsins og regluverk þess. Að íslensk stjórnmálamenn skuli sjá réttlætið í því að öðlast virðingu þessa manna er óskiljanlegt. Til baka litið höfum við haft stjórnmálamenn sem hafa reynst langt undir væntingum. Enn virðumst við hafa stjórnmálamenn sem ekki standast væntingar almennings. Hvað þýða þessi orð "við viljum réttlæti ekki ranglæti" Fyrir mitt leiti hef ég ótrúlega lítinn áhuga á að öðlast virðing mannsins á myndinni. Mér líkar ekki hans réttlæti. 

Icesave-samkomulag mikilvægt

Nú reynir á sjávarauðlindina.

Nú, þegar fyrir liggur að endurskipuleggja íslenskan sjávarútveg er sú spurning áleitin hvert arðururinn af auðlindinni eigi að renna. Verður þetta þannig að skuldsettur sjávarútvegur verði endurskipulagður fyrst og fremst með þarfir erlendra vogunarsjóða í huga. Eða á sjávarútvegurinn möguleika á að styrkja sig innanfrá og efla sig til frekari sóknar fyrir íslenska þjóð. Síðustu 10 árin hefur togskipaflotin elst, endurnýjun skip hefur verið það lítil að heildar meðalaldur hefur hækkað. Sáralítil uppbygging hefur verið í nýjum vinnslustöðvum. Það liggur fyrir að það er hægt að ná verulega meiri verðmætum út úr sjávarútvegi nú en verið hefur. Minn stóri ótti er sá að eigendur skulda sjávarútvegsins hugsi á öðrum nótum þ.e hvernig getum við náð að taka til okkar hámarks arði af skuldum sjávarútvegsins á sem stystum tíma. Þetta er því miður það sem gerist þegar fjarar undan sjálfstæðinu. Þá eru ákvarðanir teknar fyrst og fremst með tilliti til þarfa annarra en íslenskrar þjóðar.

20% þurfa ekki aðstoð

Árni samur við sig.

"Sjómenn eru ekki þátttakendur í velsæld samfélagsins. Þeir eru að stíga ölduna til þess að afla samfélaginu tekna" segir Árni Johnsen. En hvað með kennara, sjúkraliða, hjúkrunarfræðinga, lækna, rafvirkja,múrara,smiði,verslunarfólk,bílstjóra,verkamenn, rakara, og bakara. Eru þessir aðilar ekki að afla samfélaginu tekna? Af hverju taka sjómenn ekki þátt í velsæld samfélagsins? Eru þeir ný hættir því ? Stundum er erfitt að skilja Árna, ég held að það sé einhver tæknilegur galli í þessari speki Árna Johnsen.

„Eiga að hljóta styrki fyrir að stíga ölduna“

Verða börnin mín dæmd fyrir brot Kaupþingsmanna?

Á sama hátt og búið er að finna þá sem bera ábirgð á starfsemi Landsbankans í Bretlandi þ.e Íslenskan almenning, þá er það eðlileg spurning hvort börnin mín og ég séum líka ábirg fyrir þeim glæp sem nú er til rannsóknar hjá Breskum yfirvöldum. Þetta er farið að rugla svo illilega réttlætiskennd mína að mér er óglatt. Til að öðlast virðingu og trú vestrænna ríkja verðum við að játa á okkur glæp sem við frömdum ekki. Við verðum að gera þetta til að öðlast virðingu þeirra mann sem áttu að sjá um að gera regluverk fyrir fjármálalífið, en brugðust okkur fullkomlega. Það er vert að minna á kosningu á eyjan.is. Sturtum Icesave niður um klósettið. Hefjum það til vegs og virðingar að þeir sem fremja glæp, skulu dæmdir af glæpnum, ekki aðrir, jafnvel þó samlandar séu.

Formleg rannsókn á Kaupþingi

Loka kafli í boði bæjarstjórnar Álftaness.

Nú á að fara að skrifa lokakafla bæjarstjórnar Álftaness. Það hefur verið ótrúlegt að fylgjast með harmsögu þessa sveitarfélags. Ég hafði að tilfinningunni á tímabili að aðalmálið í bæjarfélaginu væri hvor einn bæjarstjórnarmaður mætti byggja hús niður við sjó sem hugsanlega skyggði á annan bæjarfulltrúa. Sundurþykkið og ósamstaðan hefur verið ótrúleg í rekstri þessa sveitarfélags. Niðurstaðan er fengin, bæjarfélagið er gjaldþrota og verður stjórnað úr einni skúffu úr ráðuneytinu. Sennilega var lausnin of augljós til að bæjarfulltrúar kæmu auga á hana þ.e að Álftanes væri partur að öðru og sterkari bæjarfélagi.

Álftanes í gjörgæslu ráðuneytis