Svo geta þeir sem ekki kusu en eru ósáttir barið tunnur á Austurvelli.

Hver er leiðin til breyttra og betri stjórnunarhátta? Er það kannski að berja á tómar tunnur á Austurvelli. Stundum finnst manni að þessari þjóð sé ekki við bjargandi. Þegar fólk fær tækifæri til að hafa áhrif á framtíðina er ekki nenna í þjóðinni til að taka þátt og hafa áhrif. Eftir þessum aulahætti þjóðarinn verður eflaust tekið eftir víða í hinum vestræna heimi. Þátttaka í kosningunum upp á 40% er þjóðar sköm. Ég veit ekki hvar á að mæta til að hrópa. VANHÆFIR KJÓSENDUR.

Úrslit hugsanlega ljós á morgun

Mér er létt.

Það er þungu fargi af mér létt. Ég hafði stórar áhyggjur af því að þessi maður lenti í vandræðum með kók. En nú er þessi óvissa á enda. Steini heldur kók. Ég held að almenningur eigi að þakka þetta framtak bönkunum og góðum vilja allra þeirra sem að málinu komu. Þeir eru sómi Íslands sverð og skjöldur.

Fær að halda Vífilfelli

Þegar illa gengur þá.......

Mjög svo hefur það komið í ljós í þessar kreppu sem gekk yfir Ísland og hinn vestræna heim þessi formúla. "Þegar vel gengur þá eru það einstaklingarnir sem njóta, en ef illa fer þá er það hlutverk hins sauðsvarta almennings að borga". Þannig settu bresk stjórnvöld miljarða punda af almanna fé til að bjarga breskum bönkum. Það er best að minnast ekki að Icesave (og þó). Er það ekki krafan að íslenskur almenningur greið þann reikning. Það má segja að þessi regla henti mjög svo vel hinum svo kölluðum fjármálamönnum (sérfræðingum), en ekki er formúlan rismikil.

Innistæðueigendur Landsbankans á Guernsey fá ekki bætur

Þvílík þjóðar skömm, skilum stolnu listaverkunum aftur til Coventry.

Það er ekki oft sem maður stendur upp frá sjónvarpinu hálf lamaður og í sjokki. Heimildamyndin sem sýnd var sjónvarpinu í kvöld sunnudag var virkilega þess eðlis. Að gluggar sem sem prýða Akureyrarkirkju og fleiri staði hér á landi skulu vera stolin og illa fengin listaverk er hræðilegt. Það segir sig sjálft að það væri mikill fengur fyrir dómkirkjuna í Coventry að fá þessi listaverk aftur. Hver það var sem stal þessum listaverkum og kom þeim í verð skiptir engu máli í dag. Það sem skiptir máli er að þessi listaverk komist í réttar hendur, til dómkirkjunnar í Coventry. Það lýsti hógværð kirkjurnar manna í Coventry að þeir hefðu einungis farið fram á vináttu Akureyrarkirkju vegna þessara listaverka. Kirkjan á að vera sá staður þar sem réttlætið á að rísa hvað hæst. Hvernig geta Akureyringar sætt sig við að hafa stolna muni í kirkjunni sinni. En í mínum huga er þetta ekki bara mál Akureyringa þetta er má allra Íslendinga. Skilum þessum illa fengnu listaverkum aftur til síns heim. Hafi handritin átt heima á Íslandi þá eiga þessi glerlistaverk heima í Coventry.

Ég hef stórkostlegar væntingar til Björgvins.

Í ljósi fyrrum starfa þessa manns hef ég stórkostlegar væntingar til hans í þeim störfum sem hann nú hefur af mikilli fornfýsi tekið að sér fyrir land og þjóð.

Björgvin í fjárlaganefnd

Á að rannsaka kjósendur SF á suðurlandi?

Nú er sá tími sem kallað er eftir rannsóknum til að fólk fái gleggri mynd af því sem gerðist hér á landi, sem olli því að íslenskur efnahagur hrundi til grunna. Bankarnir hrundu með tilheyrandi afleiðingum. Björgvin G. Sigurðsson var ráðherra bankamála. Allir sjá að Björgvin fékk algjöra falleinkunn í sínu starfi. Síðan er boðað til kosninga. Hverjum treystir SF fólk best til að leiða flokkinn á suðurlandi? Samfylkingarfólk kýs þennan sama Björgvin. Með öðrum orðum. Það treystir engum betur en þessum sama Björgvin til að leið íslendinga inn í framtíðina. Það er svo gjörsamlega útilokað að það hafi kosið Björgvin af því að hann stóð sig svo vel í fyrra stari. Nei, það er eitthvað annað sem fólk var að kjósa. Það sem mér dettur helst í hug að þeir sem krossuðu við Björgvin í fyrsta sæti SF hafi best treyst honum til að "lempa til í röðinni" fyrir sig. Eða að veita sér einhverskonar fyrirgreiðslu (að sjálfsögðu á kostnað fjöldans). Nú ætlar Björgvin að mæta í vinnuna. Þetta er svo absúrt að ég tel fulla ástæðu að kalla fram í dagsljósið hvers vegna kjósendur á suðurlandi treysti engum betur en þessum manni til að leiða okkur inn í nýtt ísland. Ég kalla á rannsókn. 

Björgvin kemur aftur inn á þing

Nú þarf þjóðin áfallahjálp.

Nú hefur það versta gerst á alþingi sem gat gerst. Ég er orðlaus. Hafi alþingi haft litla virðingu hefur hún aldrei verið minni.

Mál höfðað gegn Geir

Hvernig verður veðrið á morgun?

Vísindin eru nokkuð góð í að spá til um veðrið til skamms tíma. Þannig er það nokkuð fyrirséð hvernig veðrið verði á morgun. En sé horft til 3-5 dag fer óvissan að verða mikil. Eftir 5 daga er óvissan um veður veruleg. Alltaf eru einhverjir vísindamenn eða spámenn sem vilja spá hvað gerist í framtíðinni. Margir spá með það einu að markmiði að koma nafninu sínu á framfæri. Í mínu huga er jafn gott að henda upp pening og segja til um það hvort það verði risasólgos árið 2013 eða ekki.

Jörðin er í hættu

Þurftu að losna við Íslensk tengsl.

Til að bæta rekstrarumhverfi og horfur bankans, var það ein aðal forsendan að losna við íslensk tengsl. Þannig var það mikill djöfull að draga fyrir FIH bankann  þau  tengsl við Ísland og seðlabanka Íslands sem raunin er. Þetta er kannski eitthvað sem Ragnar Árnason tekur ekki með í framtíðarrekstrarhorfum bankans. Þetta segir okkur kannski það verðgildi sem er á nafninu Ísland í vestrænum fjármálaheimi í dag. 

Fyrrverandi stjórnarmaður segir söluverð FIH í lægra lagi

Eiga nú vinirnir að fara að semja við vini sína?

Nú er lagt til að farinn verði samningaleið í sjávarútvegi. Eitt af því sem feldi íslenskt efnahagslíf var innanmorkið vinarkerfi þar sem ekki var spurt um getu og hæfi einstaklingsins heldur var frekar spurning um blóðflokk og hverja viðkomandi þekti. Þannig var traðkað á grunn gildu sjálfstæðisstefnunnar þar sem einstaklingurinn á að fá að njóta hæfileika sinna. Ekki er lagt til að farin verði svo kölluð uppboðsleið þar sem menn geta boðið í aflaheimildir. Ég verð að játa að mér var óglatt við að hluta á Einar k. í Kastljósinu í gær. Skilaboðin eru einföld. Við skulum hafa þetta nákvæmlega eins og þetta var hér fyrir hrun. Stjórnmálamenn halda greinilega að almenningur sé búinn að gleyma hvað gerðist í þessu landi. Ég held að stjórnmálamenn í dag verði að skilja það að almenningur sættir sig aldrei við "vinarkerfið " aftur. Kerfi þar sem vinir semja við vini sína kemur ekki til greina. Fyrr gerum við sem byggjum þetta land byltingu.