Margur verður af aurum api.

Sennileg er fótboltaheimurinn sá öflugisti er sannar og undirritar þetta ágæta gamla og góða Íslenska máltæki. Vitleysan og bullið í kringum fótboltann er orðið svo yfirþyrmandi að öllum ætti að vera það ljóst. Nú hefur "okkar" maður tekið þátt í (peninga) ruglinu, svo eftir er tekið. Því fyrr sem fótboltaheimurinn sér þetta þeim mun meiri líkur eru á að boltinn fái að þróast á jákvæðan hátt. Öllum sem honum unna til ánægju.

Zola: Ég er mjög óhress með Eið

Ef eitthvað er til sem heitir réttlæti.

Til hvers eru dómstólar. Í mínu huga eru þeirra hutverk að leita af réttlæti. Þannig hljóta þeir að dæma þannig að út komi hámarks réttlæti í hverju máli. Ef það er hámark réttlætisins að barnungir íslendingar sem hvergi komu nærri þessu (peninga)rugli sem gengið hefur yfir hinn vestræna heim skuli bera skaðan af hamförunum sem hlotist hefur af Icesave. Þá hafa formerin á réttlætinu snúist við. Breta og Hollendingar vilja ekki að þetta mál fari fyrir dómstóla. Af hverju? Af því að þessir aðilar eru með alt í brókinni og sjá réttlætið í að setja skaðann á íslens börn. Ég verð að játa að ég fæ orði hroll þegar ég sé mynd af þeim Brown og Darling. Aldrei hefur verið nauðseinlegra en nú að Íslensk stjórnvöld standi í lappirnar og spili rétt úr þeirri stöðu sem nú er uppi. 

Lögbrot að frysta eignir meintra hryðjuverkamanna

Þetta nálgast hroka.

Sjálfstæðismenn gefa Geir tækifæri og setja hann í sæti sem er öruggt í borgarstjórn. Fyrst verður Geir að sýna okkur sjálfstæðismönnum að hann sé traustsins verður. Að hafa verið ágætur í handbolta segir ekkert um hvernig borgarfulltrúi Geir verður. Ég verð að segja að Geir byrja illa. Í þessari stöðu á hann að þakka stuðninginn. Næsta skref er að sýna hvað í honum býr. Ef hann hefur ætlast til þess að það dygði að eiga þekktan tengdapabba og hafa spilað handbolta þá er hann á kolvitlausri braut. Geir þakkaðu sjálfstæðismönnum fyrir stuðninginn frekar en að sýna hroka.

Geir ekki sáttur

Ætli þeir eigi von á Jóhönnu og Steingrími?

Er það hugsanlegt að þeir eigi von á bæði Jóhönnu Sig. og Steingrími í einu. Þeir hafa áður leitað vopna í smiðju hryðjuverka þegar Ísland er annars vegar.

Aukinn hryðjuverkaviðbúnaður

Nú er tíminn þar sem menn gera kröfur.

Ég var að skrifa undir kröfu þar sem ég krafðist þess að menntun barnanna minna væri ekki skorin niður. Stuðningsfólk SÁÁ er með tónleika í kvöld þar sem krafist er að ekki verði skorið niður hjá þeim. Kröfurnar koma alstaðar að. Það er erfitt fyrir stjórnvöld að raða kröfunum rétt niður og vega það og meta hvaða krafa er réttlát og hver ekki. Stóra spurningin er um réttlæti. Það er eins eðlileg spurning eins og mest getur verið að spurt sé. Er arðurinn af sjávarauðlindinni réttlátlega skipt niður á þá sem hana eiga? Er orkunni sem við eigum skipt réttlátlega á milli þeirra sem hana eiga? Ef eitthvað er til sem heitir réttlæti, þá verðum við að leita af því og finna það.

Þess krafist að stjórnvöld falli frá fyrningarleið

Hér eftir borða ég svið í laumi.

Sem upphitun fyrir þorrann ákvað ég að haf eitthvað þjóðlegt í kvöldmatinn. Hvað er þjóðlegra en svið? Eitthvað hefur mér förlast í uppeldi dætra minna hvað þjóðlegan mat varðar. Þegar ég sagði yngri dóttir minni hvað væri í matinn þá spurði hún hvort ég væri að meina haus af kind. Já, en það köllum við svið svaraði ég. Sú eldri þverneitaði að borða þennan mat. Ég sit ekki við borð þar sem er haus af kind. Eins strangur og eg gat sagði ég að auðvita borðum við öll saman. Á meðan hún nartaði í fiskibollu sem var á sérréttaseðli komu athugasemdir á færibandi,  eins og "það sést hvað hún hefur verið sorgmæt þegar hún dó". Ég horfði í mauksoðin augun á skepnunni og sagði usssss. Þetta er gamall og þjóðlegur íslenskur réttur. "Já ég vil ekki búa í landi þar kindahaus er borðaður" sagði stúlkan. Ég verð að játa að ég hef oft borðað með betri list. Næst fer ég einn á Umferðamiðstöðina og fæ mér kjamma.

Yfirþrýstingur í sjávarútvegi.

Í kvöld í Kastljósi áttust þau við Ólína Þorvarðardóttir og Friðrik Arngrímsson framkvæmdastjóri LÍÚ. Fyrir þátt var vitað að umræðurnar færu á yfirþrýsting strax á fyrstu sekúndunum. Enda hver var reyndin ? Friðrik lýsir þeirri hættu á að flotinn sigli í land og Ólína hótar á móti að kvótinn verði þá tekinn af útgerðamönnum. Síðustu 15-20 árin er umræðan búinn að vera í nákvæmlega þessum farvegi. Þetta er sorglegt. Að ekki skuli vera pláss í umræðunni um skinsamlegar viðræður manna á milli. Að sumu leiti er útgerðamönnum nokkur vorkunn með það að vita ekki hvort kvótinn verði í þeirra höndum í framtíðinni. Hins vegar hafa útgerðamenn ekki bara ráðið umræðunni, eða umræðuleysinu heldur hafa þeir ráðið reglum sjávarútvegsins síðustu ár. Ég fer aldrei ofan af því að markaðsumgjörðin í kringum viðskipti með aflaheimildir eru markaðsumgjörð fáránleikans. Engar kvaðir eða skilgreiningar eru á úthlutun aflaheimilda. Af hverju eru stjórnvöld ekki búinn að skera úr með að viðbót, ef til þess komi fylgi þeim aflaheimildum eða hvort þær verði seldar sér. Þetta er grundvallar spurning til verðlagningar, þegar verslun með aflaheimildir eiga sér stað. Oft þarf að stöðva viðskipti með hlutabréf ef svo ber undir og skýringa er krafist. Aldrei þarf að stöðva viðskipti með aflaheimildir. Jafnvel þó leiguverð á heimildum fari hærra en fæst fyrir fiskinn á markaði. Þarna hafa stjórnvöld gjörsamlega brugðist skildu sinni. Það á ekki að taka eitt einasta kíló af útgerðamanni sem getur staðið við sínar skuldbindingar. Hins vegar á að taka allar þær heimildir í ríkissjóð af þeim sem hafa yfirkeyrt sig í fjárfestingum. Ætla má að það yrði ca 50% af öllum kvótanum. Síðan á að skapa heilbrigt og heiðalegar regluverk í kringum viðskipti með aflaheimildir.

Selja meira og drekka minna.

Stundu finnst mér skilaboðin í áfengismálum yfirvalda vera þau að á.t.v.r á að selja meira en Íslendingar eiga að drekka minna. Á.t.v.r hefur á síðustu áratugum stöðugt verið að bæta þjónustu sína auk þessa að fjölga útsölustöðum. Væntanlega er þetta gert til að bæta þjónustuna við viðskiptavini og auka sölu. Á sama tíma hafa sömu yfirvöld verið að hvetja til minni áfengisdrykkju. Á.t.v.r auglýsir að menn geti jafnvel orðið eins og svín ef menn drekka of mikið. Þetta er einhvernvegin ekki að ganga upp. Þó er kannski alvarlegast að spara á í efni öryggisnetsins  í áfengismálum. Þórarinn Tyrfingsson og félagar hans hjá s.á.á hafa sýnt að betri varnarjaxla í áfengismálum er ekki hægt að fá. Á þeim erfiða tíma sem við erum stödd í núna þarf frekar að styrkja varnarlínuna og jafnvel að auka í sókninni. Við verðum að skilja og skynja hvar á að skera niður og hvar ekki.

Minna keypt af áfengi

Á einu augabragði, einu augabragði.

Á einu augabragði þyrfti Samfylkingin að átta sig á að hún hefur  verið á rangri leið í Icesave málinu. Þetta er eins og að villast í útlöndum og átta sig á að hótelið er í hina áttina. Hvað gerir maður? Snýr við og finnur réttu leiðina. Á einu augabragð þyrfti Björn Valur áð átta sig á því að hann er betri sjómaður en þingmaður og snúa sér að því sem hann kann hvað best. Á einu augabragði þyrfti Steingrímur og Jóhanna að segja af sér. Til baka litið sjá allir að Íslenskir stjórnmálamenn hafa staðið sig illa fyrir Íslenska þjóð. Það má ekki halda áfram. Gamla aðferðin til að stjórna landinu virkaði ekki og mun ekki virka. Breytinga er þörf og er það mikilvæg að beygingarnar verða að gerast á augabragði.

Quest tekur málstað Íslands

Aldrei kaus ég Ólaf Ragnar en nú er hann fremstur meðal jafningja.

Aldrei á lífleiðinni hef ég kosið Ólaf Ragna Grímsson. Hvorki þegar hann var í pólitíkinni í gamladag eða þegar hann sótti eftir umboði til að taka yfir á Bessastöðum. Ég get ekki annað en heillast af Ólafi nú. Hann tekur djarfa ákvörðun sem sem fellur vægast sagt í misjafnan jarveg. En það sem er athyglisverðast er hvernig Ólafur Ragnar fylgir þessari ákvörðun sinni eftir. Hann mætir í viðtöl og stendur sig vægast sagt vel. Ég var að hlust á viðtal við hann á Bloomberg fréttastöðinni og fær Ólafur hæstu einkunn. Hann rífur í sig Fitch og þeirra mat svo ekki stendur steinn yfir steini.  Ef það væri þjóðaratkvæði um hver ætti að tala máli Íslands í útlöndum um Icesave,  setti ég Ólaf Ragnar í fyrsta sæti.