Nú reynir á stjórnendur landsins að spila úr spilunum.

Maður hugsar um það með hryllingi að það sé möguleiki í stöðunni að erlendir spákaupmenn hirði þessi verðmæti en við Íslendingar sitjum upp með lánið. Það er fræðilegur möguleiki. Kannski er það ekki rétt að vera með þessa svartsýni, en þessir fjármunir eru að fara í sömu hendurnar á mönnum sem  eru búnir að spila úr spilunum eins og raun ber vitni.

IMF samþykkir lán til Íslands

Sterling og verð á aflaheimildum.

Alli þekkja hvernig veðið á Sterling flugfélaginu margfaldaðist við sölu milli sömu aðila. Þannig var upphaflegt verð 3 milljarðar kr. Í síðasta söluhringnum var verðið tæplega sjöfalt meira. Hver var skýringin. Allir sjá nú að leikurinn var gerður til að búa til einhverskonar froðu sem var hægt  veðsetja í bönkum og slegið meir lán til frekari afreka. Það nákvæmlega sama gerðist með verð á aflaheimildum. Verðið á varanlegu þorsk kílói margfaldaðist á nokkrum árum og var komið í ca 4500 kr kg. Söluverð á hverju  kg var illa fyrir vöxtum af þessu verði. Hver var þá ástæðan fyrir þessu háa verði? Ástæðan var sú að búa til nákvæmlegu sömu froðuna og í Sterling dæminu. Þannig var hægt að sækja meir af lánum inn í bankakerfið. Hvað var síðan gert við þess lán? Stór hluti þeirra lána sem þannig fengust fór ekki inn í sjávarútveginn nei þau  fór að stórum hluta  í hlutabréfakaup m.a í bönkunum. Svo hrundi allt kerfið og allir þekkja framhaldið. Gjaldþrota þjóð. Meira að segja Steling fór á hausinn. En það merkilega er að umræða um sjávarútveginn er enginn. Þetta er sú sýnilegasta auðlind sem við eigum (eða áttum).

Er verið að hafa okkur að fíflum?

Í u.m.þ.b einn mánuð hafa staðið harðar milliríkjadeilur milli Íslands og Bretlands svo heimurinn hefur tekið eftir. Deilt hefur verið um Icesave reikninga í UK. Er það að koma fram núna að það sé til nóg verðmæti fyrir þessum reikningum. Björgúlfur sagði það í kastljósi í gærkveldi. Í þessari frétt endurtekur viðskiptaráðherra það. Um hvað varð þá verið að deila? Var verið búa til vandamál. Var ekki nóg af þeim fyrir? Er verið að hafa okkur að fíflum?

Icesave skuldin 640 milljarðar

Er þingmennska þægileg innivinna?

Á þessum ótrúlegu tímum sem við lifum er m.a spurt hvort núverandi landslag í stjórnmálum sé það skaddað og rúið trausti að stórkostlegra breytinga sé þörf. Almenningur spyr hvernig stjórnmálamenn gátu látið þetta gerast. Hvað voruð stjórnmálamenn að gera og ræða? Ég velti því upp hvort uppákoma Bjarna Harðarsonar hafi bara skaddað Framsóknarflokkinn. Hefur ekki Bjarni Harðarson skaddað Íslensk stjórnmál  og Íslenska stjórnmálamenn yfir höfuð. Það er með ólíkindum að það sé þetta liði á morguninn og Bjarni Harðarson skuli ekki ver búinn að segja af sér. Er þetta kannski spurning hjá Bjarna um þægilega innivinnu.  

Nú geta Framsóknamenn stimplað sig út og hætt.

Það var ótrúlegt horfa á 10. fréttir í sjónvarpinu. Aldrei hef ég séð nokkurn stjórnmálamann stimpla sig jafn rækilega út úr íslenskum stjórnmálum eins og Bjarni Harðarson gerði í dag. Best væri fyrir Framsóknarflokkinn allan að stimpla sig út úr íslenskum stjórnmálum í óákveðinn tíma. Blessuð sé minning Framsóknarflokksins.

Ef evran kemur fer þá kreppan?

Þessa spurningu fékk ég frá dóttur minni sem er 8 ára. Fleiri spurningar af þessu tagi verða æ fleiri með hverjum deginum sem líður. Verður þetta betra ef Obama verður forseti í Ameríku? Þessar spurningar koma gjarnan þegar minnst varir og ekki í samhengi við það sem er verð að ræða í það og það skipti. Það segir mér að þessar kreppufréttir eru farnar að hafa áhrif á börnin mín. Mér dettur í hug hvort fréttastofurnar ætu að vera með sérstaka fréttatíma fyrir börn, svipað því sem stöð 2 er með í sambandi við krakkaveðurfréttir.

Dettifoss drekkhlaðinn, fullur af gjaldeyri.

Þessa frétt finnst mér ástæða til að staldra við. Kreppufréttirnar eru að verða svo yfirþyrmandi að góðar fréttir drukkna í fréttamiðlum landsins. Í þessari litlu frétt var að skipið væri fullt af áli og fiski. Sá er þetta ritar vinnur hjá Norðuráli á Grundartanga. Þar á bæ voru öllum starfsmönnum borgaður aukamánuður í síðasta mánuði. Vildu stjórnendur með því móti þakka starfsmönnum sínum hversu vel hefði gengið á miklum uppbyggingartímum hjá því fyrirtæki. Mikið hefur mætt á starfsmönnum undanfarin misseri vegna stækkunar verksmiðjunnar. Sýndu yfirstjórnendur með þessu hug sinn til starfsmanna sinna. Enginn átti von á þessu. Þetta kom eins þægilega á óvart eins og mest getur og erum við starfsmenn Norðuráls af heilum hug þakklátir stjórnendum fyrirtækisins. Ég tók eftir því að þessu var lítið rými gefið í fréttamiðlum okkar. Ég spurði mig af hverju? Ég finn engin svör, því í mínum huga var þetta stórfrétt. Í hverri viku sjáum við starfsmenn NA skip Einskipafélagsins lestuð á Grundartanga. Á hverju sólahring er framleitt ál fyrir hátt í 200 mkr. Krepputal og kreppufréttir meiga ekki yfirtaka allt. Við verðum að taka eftir því góða sem er að gerast í kringum okkur og gefa því rým.  

Vilja þingmenn líka orðið breytingar?

Ég get ekki betur séð og heyrt en að þingmenn okkar sumir vilji breytingar á þjóðfélagslegri uppbyggingu. Það er ekki laust við að  bjartsýnin aukist þegar þingmenn í stjórnarliðinu eru farnir að sjá að breytinga er þörf. Ragnheiður Ríkharðsdóttir þingkona sjálfstæðisflokksins hefur stigið þar fram. Vonandi fer forista sjálfstæðisflokksins að skynja að við sem höfum stutt flokkinn ætlum ekki að sitja hjá og biða eftir hvað hún gerir. Við ætlum að breyta. Við ætlum að tala um kvótakerfið. Við ætlum ekki að líða óþolandi kunningjakerfi við úthlutun embætta, við ætlum að byggja upp réttlátara þjóðfélag. 

Seðlabanki háskólabanki.

Við höfum sjúkrahús hér á Íslandi sem heitir Landspítali háskólasjúkrahús. Hvað þýðir það?              Í mínum huga er verið að samræma og samþætta þá mestu þekkingu sem til er, bæði til kennslu og lækninga. Ef við hefðum svipað fyrirkomulag í efnahagskerfinu þá værum við með eitthvað sem héti Seðlabanki háskólabanki. Þannig væri sú mesta þekking sem til er í hagfræði bæði notuð til að stýra landinu og til kennslu í hagfræði við Háskólann. Rifjum upp hvernig sambandið hefur verið milli Seðlabanka Íslands og prófessoranna í háskólanum. Prófessorarnir hafa sagt í mörg ár að það ætti að reka alla seðlabankastjórana þeir gerðu tóma vitleysu og hefðu ekkert vit á því sem þeir væru að gera. Seðlabankastjóri no eitt hefur aftur sent skeyti til baka inn í háskólann þar sem hann segir að þessir guttar geta ekkert nema spáð eftirá. Hvernig þætti okkur að leggjast undir hnífinn hjá læknum á Landspítalanum ef við værum búin að heyra það frá prófessorunum í HÍ að læknarnir á Landspítalanum kynnu ekkert með hníf að fara og það ætti að reka þá alla á einu bretti og álíka skeyti kæmu til baka frá læknum til prófessoranna í HÍ.                                                                    Nú er miklu meira en nóg komið, við verðum að breyta um. Mín tillaga er að Seðlabankanum verði breytt i Seðlabanka háskólabanka.

Davíð hótar að knésetja stærsta fyrirtæki á Íslandi.

Mig undrar að fyrirsögnin hjá mbl skuli ekki frekar vera í þessa veru eins fyrirsögnin er á þessari bloggfærslu. Eins og fram kom í viðtali Björns Inga við Sigurð Einarsson stjórnarformanns Kaupþings hótað Davíð Oddson því að koma stærsta fyrirtæki á Ísland á kné. Þetta er með þvílíkum ólíkindum að ég trú því ekki að að þessi helgi líð að annaðhvort komi yfirlýsing frá seðlabankanum, eða hitt að gærdagurinn hafi verið síðasti vinnudagur Davíðs Oddsonar sem seðlabankastjóri.

Stærstu mistökin að flytja ekki Kaupþing úr landi