Þessir menn eru ekki í lagi.

Síðasta sumar þurfti ég að láta geyma bílinn við flugstöðina á Kef.flugvelli á meðan fjölskyldan var í Barcelona. Mér blöskraði verðið gjörsamlega. Ég skoðað á netinu hvernig þessi kostnaður hefði litið út ef dæmið hefði verið öfugt þ.e ég hefði þurft að láta geyma bílinn minn jafn lengi  við El Prad flugvölinn í Barcelona á meðan ég dveldi á Íslandi. Ég fann bílastæði við El Prad sem hefðu verið ódýrari en var við Leifsstöð. Mismunurinn á þessum tveimur flugvöllum er að El Prad stendur við miljóna borg og er landlaus. Þeir verða að byggja mjög dýr bílastæði. Bæði niðurgrafin og eins upp í loftið. Við flugvölinn í Keflavík er nánast endalaus land til að búa til bílastæði. Rétt að slétta úr hrauninu og malbika yfir. Við þurfum að losna við þessa græðgi hugsunarhátt, við þurfum að losna við þessa menn hjá Isavia sem eru ábyrgir fyrir svona helvítis rugli. Þessir menn eru ekki í lagi.

Bílastæðagjöld tvöfaldast

Gott dæmi um ofsagræðgi.

Hvernig væri ef þú fengir meldingu á mælaborðið í bílnum þínum Error 53 bílinn er ónýtur. Þú lest gera við bílinn á verkstæði sem er okkur ekki þóknanlegt. Þessi ofsagræðgi Apple drepur alla samkeppni. Ef þú kemur ekki með síman til okkar og borgar þá sjáum við um að eyðileggja símann. Til að kóróna óþveraskapinn er kúnnanum talin trú um að þetta sé gert fyrir hann. Hræsni og ofsagræðgi Apple. 

Þúsundir iPhone 6 síma „drepnir“

Markaðsmisnotkun við sölu á aflaheimildum?

Það kemur upp í hugann þegar verið er að dæma menn og konur til langrar vistar í fangelsi vegna brota sem eru þess eðlis að brotamenn hafi haft óeðlileg áhrif á verðmyndun verðmæta, hvernig þetta er í sjávarútvegi. Sennilega er búið að selja aflaheimildir bæði til lengri og skemmri tíma fyrir hundruð miljarða. Á þessum markaði eru engar reglur eða regluverk. Þannig eru það handhafar aflaheimilda og bankar sem mynda verð. Verð myndast ekki á markaði. Að sjálfsögðu er eðlilegt að spyrja. Hafa handhafar (í samstarfi við banka) ekki reynt að hafa áhrif á verðið á aflaheimildum? Svari hver fyrir sig. Verð á aflaheimildum fyrir hrun fór í þær hæðir að við sölu afla á markaði hrökk verðið á afla ekki fyrir vöxtum. Sá er þetta ritar flutti tillögu fyrir landsfund þess efnis  að öll viðskipti með afla færi um markað. Það var svo kolfellt að mér leið eins og ég hafi flutt helgispjöll í Valhöll. Á þennan fund mæta útgerðamenn. Það er með ólíkindum hversu ægivald þessir menn hafa á sjálfstæðisflokknum. Niðurstaða fundarins var skýr. Það er langbest að hafa engar reglur á þessum markaði og handhafar stjórni þessum markaði úr sínum hirslum. Jafnvel ungir sjálfstæðismönnum fans þetta vera langbest að hafa þetta óbreytt. Sennilega er þetta eini markaðurinn í heiminum þar sem best er að hafa engar reglur um viðskiptin og handhafar ráði þessu. En ef gramt er skoðað er þetta mjög skýrt. Sjálfstæðisflokkurinn er bara að varðveita sér hagsmuni nokkurra kennitalna og hefur ekki kjark til  ræða málið. Útgerðamenn segja við þingmenn "við erum besti í heimi" Ein og páfagaukar apa síðan þingmenn þvæluna upp eftir þeim.Eitt mikilvægast hlutverk sjálfstæðisflokksins er að spúla skítinn út úr flokknum.

Þingmenn eru umboðsmenn þjóðarinnar gagnvarð sjávarauðlindinni. Stundum kemur upp í hugann hvort alþingi hafi ekki með aðgerðum sínum og aðgerðaleysi framið stórkostleg umboðssvik gagnvart þjóðinni

Brotin umfangsmikil og þaulskipulögð

Aron gerir kröfur til sjálfsins

Það er ólíku saman að jafna íþróttum og stjórnmálum á Íslandi. Hvenær skili það gerast  á íslandi að stjórnmálamaður standi upp, segi starfi sínu lausu af því að hann/hún hafi ekki náð þeim árangri sem að var stefnt. Við sjáum stjórnmálamenn sem voru í ríkisstjórn þegar allt hrundi haustið 2008 enn inni á alþingi. Þannig voru Einar Kr. og Guðlaugur Þór báðir í þeirri ríkisstjórn sem var við völd þegar allt hrundi hér til helvítis. Eigið fé fólks gufaði upp, margir urðu gjaldþrota og svo mætti lengi telja. Svo virðist sem menn hiki ekki við að fara upp á kassann og biðja fólk um endurnýjað umboð. Kjósendur virðast ekki hika við að krossa við þessa sömu menn og segja "ég treysti engum betur, þetta eru svo góðir drengir". Ekki efast ég um Að Aron Kristjánsson er góður drengur og jafnvel má fullyrða að hann sé góður þjálfari. Ferill hans hefur sýnt það. En Aron gerir kröfur til sjálfsins. Ég held að allir stjórnmálamenn ættu að líta í eigin barm og vera krítískir á sjálfasig og hika ekki við að segja starfi sínu lausu ef þeir ná ekki árangri sem þeir stefna að.

Aron hættir með landsliðið

En salan á símanum?

Skildi bankinn ekki hafa fengið nein refsistig vegna sölunar á Símanun. Nei, sennilega ekki. Af hverju er maður að rifja upp gömul leiðindi sem ekkert var, enda allir búnir að steingleyma símasölunni.

Arion valinn banki ársins

Í holræsum samfélagsins.

Þegar ég hef heyrt nafn þessa lögmanns dettur mér alltaf í hug holræsi samfélagsins. Það væri gott ef þessi lögmaður kæmi upp úr holræsunum og hugleiddi það hvernig við getum í sameiningu gert samfélag okkar betra. Einn af þeim fyrstu sem mér dettur í hug að bæta samfélagið og gera það betra, bjartar og semmtilegra er Biggi lögga.

Vill láta reka Bigga löggu

Kannast einhver við orðatiltækið að vera á djöflamergnum.

Ég man eftir ágætum þáttum sem vor í útvarpinu um íslenskt mál. Eitt sinn varpaði stjórnandinn þessu til hlustenda og spurði hvort þeir könnuðust við orðatiltækið "að vera á djöflamergnum"?

Gömul kona að vestan kvaðst kannast við þetta orðatiltæki og væri það notað um bændur sem færu á næstu bæi og fengu lánað fé hjá sveitungum sínum. Síðan var það algengt að þegar smalað var saman fé á haustin skilaði sér ekkert fé til bændanna. Sögðu þá bændur gjarnan hver við annan "nú sitjum við á djöflamergnum"

Jón Ásgeir á djöflamergnum

Útkall í næturvinnu hver borgar?

Það er fróðlegt að fá að skyggnast inn í störf löglerlunar. Það sem situr í mér er af hverju þeir sem fá þjónustuna, biðja um hana eða stofna til hennar eru ekki látnir borga fyrir veitta þjónustu. Af hverju á ég sem svaf á mínu græna eyra í nótt að taka þátt í öllum þessum útköllum. Ef ég fæ einhvern hingað heim til að þjónusta mig, rafvirkja,pípara, múrara eða hvern sem er þá borga ég fyrir veitta þjónustu. En ef ég stend hér úti á svölum og öskra eins og auli þannig að grannar mínir geta ekki sofið (eitt svipað útkall kom hjá löggunni í nótt)þá kemur löggan og reikningurinn fer á skattgreiðendur? Af hverju fer reikningurinn ekki á þann er til útkallsins stofnaði?

Tæplega 90 mál lögreglu á Twitter

Skal engan undra.

Enda af  heiðurs fólki kominn  austan frá Hornafirði

Ármann fékk háttvísisverðlaun

Ragnheiður Elín hefur staðið sig illa.

Í sjónvarpsfréttum í gær sagði Ragnheiður Elín orð rétt " við höfum verið tekin í bólinu". Hér var hún að vísa til þessa miklu aukningar á ferðamönnum hingað til lands. Hún ber ábirg á þessum málaflokki. Eðlilegt framhald á þessu viðtali í sjónvarpinu hefði verið að að Elín hefði sagt. Og segi ég því af mér sem ráðherra. Í ráðuneyti hennar var til meðferðar í nokkur ár eitthvað sem heitir náttúrupassi. Hvað kom út úr því? Ekkert.Til að flokkast undir það að vera kallaður góður ráðherra er að vinna og taka ákvarðanir í takt við verkefnin og vöxt þeirra. Varnar og sóknarmaður í fótbolta sem er tekinn í bólinu er kippt út af vellinum og nýr settur inná. En svona gerist ekki í stjórnmálum við getum verið með handónýta ráðherra mánuðum og árum saman. Hér þarf að vera viðhorfsbreyting. Ef menn ekki standa sig eiga þeir að víkja til hliðar. Nú skildi einhver álikta að ég væri pólitískur andstæðingur Elínar. Svo er ekki. Ég flokkast undir það að vera búinn að vera sjálfstæðismaður í áratugi. En ég geri kröfur til pólitískra andstæðinga og ekki minni til pólitískra samherja.

Hugnast gjaldtaka á Laugaveginum