Traust er ekki hægt að dæma af mönnum, eða til handa mönnum.

Enginn getur dæmt traust til handa mönnum sem hafa mist það. Þeir sem hafa tapað trausti fólks verða að vinna það til baka á annan hátt en þann að fá sér það dæmt til baka. Við lifum á þeim tímum þar sem stjórnmálamenn hafa tapað trausti almennings. Það traust verða þeir að vinnan til baka með verkum sínum. Traust á dómstólum hefur einnig borið skaða. Í hugum margra hafa dómstóla illa ráðið við þau verkefni, þegar kynferðisbrot eru annars vegar. Því trausti sem dómstólar hafa tapað, verða þeir að vinna til baka með réttlátari dómum. Nú er kirkjan að lenda í þeim sporum að hún er að tapa trausti almennings. Nú verður að loka kirkjunnar menn inni og hleypa þeim ekki út fyrr en þeir hafa fundið lausn á þessu máli á Selfossi. Heiður kirkjunnar er í veði. Kirkjan er ekki einkaeign þeirra sem þar þjóna. Kirkjan er eign okkar sem byggjum þetta land. Prestarnir eru einungis þjónar. Nú er mál að linni. Við viljum ekki þessar erjur innan kirkjunnar okkar, það er sú einfalda staðreynd sem kirkjunnar þjónar verða að skilja.

Lýsir stuðningi við ákvörðun biskups

Athugasemdir

[Kristinn (IP-tala skráð) 17.10.2009 kl. 16:06]

Þetta þýðir einfaldlega að búið að er að gefa veiðileyfi á presta,  auðveldasta leiðin til að koma honum frá er að kæra, hvort hann saklaus skiptir ekki máli

[ersunnan (IP-tala skráð) 17.10.2009 kl. 18:46]

Hvenær er mælirinn fullur ?

Vorið 2000 var prestinum veitt áminning og fluttur úr starfi - frá Holti í Önundarfirði, "vegna framkomu sem þykir ósamrýmanleg því embætti sem hann hefur gegnt" segir í frétt í DV 14. mars 2000. 

Sumarið 1988 var þessi prestur leystur frá störfum sem safnaðarprestur Fríkirkjusafnaðarins í Reykjavík.  Það var eftir að hafa verið rekinn - í annað skipti - . Í fréttum frá þessum tíma eru tilgreindar ástæður : vegna samstarfsörðugleika við hann, fjármála ofl.   Söfnuðurinn var lengi í ótrúlegri upplausn vegna þráhyggju hans og leikfléttna sem svipaði mjög til þess sem nú er lagt upp með.