Hver á rás 2, Óli Palli eða Bubbi Morthens?

Stundum er gengið svo langt með ríkisfyrirtæki að það hálfa væri nóg. Í bílnum á leið minni upp á Skaga hlustaði ég á rás 2. Ég komst ekki hjá því að hugsa, hver á Rás 2, er hún kominn í einkaeigu? Hvernig Bubbi Morthens er þarna inn á gafli er ótrúlegt. Reglulega segja þáttagerðamennirnir frá því að Bubbi sé að túra . "Bubbi spilar á kvöldin, en spjallar við hlustendur rásar 2 á daginn".  Síðan tók steininn úr þegar Bubbi kom í eigin persónu og lýsti í smáatriðum hvar hann var að spila í gærkveldi og hvar hann á að spila í kvöld. Gjafmildi rásar 2 í auglýsingamennsku er með þeim hætti að maður spyr.Á Óli Palli rás2? Eða á Bubbi Morthens rás 2? Hverjir borga þessu þáttagerðarfólki laun? Er það Bubbi Morthens? Eða eru þetta ríkisstarfsmenn? Rás2 er löngu kominn á það stig að það á að selja hana. Þá geta þeir sem áhuga á keypt hana, hvort heldur það er Óli Palli, Bubbi Morthens eða hver annar sem vildi.