Hverjir taka við miðanum inn í samfélag siðaðra þjóða?

Ég er ekki frá því að hjartslátturinn sé  örarari nú en í morgun eftir Ice-save fréttir dagsins. Hvað er að gerast? Ég verða að játa að ég reyni alltaf að hlusta á Sigmund Davíð þegar Ice-save er í umræðunni. Nú er komið að ögur stundu. Ætlar Steingrímur og Jóhanna að leggja þrælaskuldir á börnin mín, eða er þetta bara bull og vitleysa í Sigmundi Davíð og Þór Saari. Því miður óttast ég að þeir sem vilja meina að við eigum ekki að borga þessar skuldir hafi mikið til síns máls. Sjálfur Alan Greenspan fyrrum seðla(guð)bankastjóri Ameríku hefur beðið afsökunar á peningastefnu þess ríkis sem var leiðandi í fjármálakerfi heimsins. Það er skrítið að lesa það á Vísi þar sem gamall kommi Mörður Árnason hefur áhyggjur af því að ef við borgum ekki þá verðum við ekki gjaldgeng meðal siðaðra þjóða. En hverjir taka við miðanum inn í þann klúbb?. Eru það bankamennirnir sem horfðu á Alan Greenspan sem guð allra peningaguða. Eru það bankamennirnir í hinum vestræna heimi sem skipulega hafa verið að færa verðmæti frá þeim sem minna hafa til þeirra sem ríkari eru. Eða er það kannski almenningur í hinum vestræna heimi sem tekur við miðanum í klúbb hinna siðaðra þjóða. Sá sami almenningur sem er sárkvalinn eftir peningastefnu manna sem eru þó menn til að biðjast afsökunar á stefnunni. Ef við borgum ekki þá gerist það einfaldlega að verðmæti flytjast frá þeim sem meira hafa til hinna sem hafa minna. Það er trú mín að það sér stórkostlegu meirihluti fyrir því að sú stefna verði tekin í heiminum að vinda ofan af því ranglæti sem við hefst. Kannski er heimskreppan tækifæri til að snú þeirri óheillaþróun við   

Athugasemdir

[Gísli Ingvarsson, 6.6.2009 kl. 00:54]

'Siðaðar þjóðir' eru það líf sem við lifum í dag. Ef við stundum ekki viðskipti við aðrar þjóðir einsog viðskipti á að stunda samkvæmt þeirra skilningi þá er úti um það þjóðfélag sem við þekkjum hér á Íslandi. Við eigum því engra kosta völ. samningsaðstaða okkar er engin. Við verðum að borga. Svo getum við bara vonað að úr rætist þrátt fyrir allt. Ef við greiðum ekki skuldir óreiðumanna þá verður hús á okkur tekið. Nei ekki með hernaði heldur viðskiptalegum þvingunum. Það verður okkur ekki bara dýrkeypt, það verður verra en verst. Það sem okkur finnst ranglæti finnst viðsemjendum okkar grundvallar réttlæti. Það er svona langt á milli og við verðum að mætast á miðri leið vonandi en komumst aldrei lengra en þangað því okkar viðsemjendur hafa ekki ætlað að gefa eftir tommu umfram það sem þeir telja sjálfir sanngjarnt. Svo gamlir kommar vita sínu viti þrátt fyrir allt. Gamlir sjálfstæðismenn (ef þeir eru þá ennþá til) ættu að viðurkenna þetta líka.

[Egill Jón Kristjánsson (IP-tala skráð) 6.6.2009 kl. 01:34]

Ég veit ekki hverjir eru dyraverðir inn í heim siðaðra þjóða. Er það Alan Greenspan, eða er Hannes Smárason kannski komin þar í dyravörslu? Er það hugsanlegt að eftir 10 ár þegar dóttir mín sem er núna 10ára verður 20ára og hyggst hafa viðskipti við jafnaldra sinn í Bretlandi neiti hann henni um viðskipti af því að hún er Íslensk. Neiti af því að Jón Ásgeir var á ferðinni fyrir 10 árum síðan og skildi eftir sig slóð í Bretlandi. Sögusagnir eru uppi um það að spænskir hvalfangarar hafi verið drepnir á vestjörðum á sínum tíma. Nú selja vestfirðingar saltfisk til Spánar og eiga ágæt viðskipti við þarlenda. Það fennir yfir sporinn. Viðskiptaheimurinn hefur lært það að gömlu gildin virka ekki. Það þarf að skrifa nýjar siðferðisreglur fyrir viðskipti framtíðarinnar.