Sjúkleg umræða um ál og álver.

Ég veit ekki hvort þetta er tíska eða sjúkleiki þegar umræður um álver fer í gang. Umræðan er stútfull af fordómum og jafnvel fyrirlitningu. Ál andstæðingum virðist hafa tekist að gera andstöðu við álver að einhverskonar tískufyrirbæri. Ungt fólk stekkur upp í lestina hjá álandstæðingum til að fylgja tíðarandanum. Sá er þetta ritar vann í fiskiðnaði í áratugi. Ég sé margt sameiginlegt með fiskiðnaðinum fyrir u.m.b 20 árum og áliðnaðinum í dag. Fiskiðnaðurinn var litin hornauga og þekkt var sú hótun víða í sjávarþorpum að ef börnin ekki lærðu enduðu þau hérna í frystihúsinu. Í dag er ál hrávörumarkaður þ.e hráefnið er flutt úr landi og þar er það síðan unnið frekar í óteljandi vöru sem við notum öll dags daglega, bæði ál andstæðingar og aðrir. Það var mjög eftirminnilegt þegar verkfræðideild Háskóla Íslands snéri sér að fiskiðnaðinum í samvinnu við Framleiðni sf. Það er mér eftirminnilegt þegar dr  Rögnvaldur Ólafson verkfræðingur sprangaði um í Meitlinum í Þorlákshöfn á glansandi nýjum stígvélum. Fordómalaus ræddi  doktor Rögnvaldur við alla starfsmenn sem á vegi hans voru . Konurnar í snyrtingu og pökkun, starfsmenn í flökun , stjórnendur og yfirmenn. Úr þessu samstarfi fæddist lítill kassi. Fyrsta rafeindavogin varð til. Þessi litli kassi hefur síðan orðið af því sem heitir Marel í dag. Staðreyndin er að eitt álver er stútfullt af tækifærum. Það er hlutver háskólanna í samstarfi við áfyrirtækin að beisla þessa möguleika. Þetta litla fræ sem varð af Marel hf varð til af því að verkfræðideild HÍ kom fordómalaust að verkefninu. Öll höfum við metnað fyrir hönd barna okkar. Ég á tvær ungar stelpur. Ég hef sagt við konu mína að ég gæti vel hugsað mér að þær færu báðar að vinna í áliðnaðinum í framtíðinni. Önnur gæti séð um að hanna álver þannig að þau sæjust ekki frá veginum. Þau eru mörg hver svo helviti ljót. Hin gæti farið í þau verkefni að gera álverin mengunarlaus. Verkefnin eru ærin. Nú þegar landið er á hausnum er enn meiri nauðsyn á að nota þá möguleika sem áliðnaðurinn hefur uppá að bjóða.

Tekist verður á um Bakka

Athugasemdir

[Árni Gunnarsson, 11.2.2009 kl. 00:32]

Hvað finnst þér að margir áratugir séu hæfilegir til að endurnýja skoðun þjóðarinnar á framtíðinni? Já eða hversu margar aldir.

[Benedikt Bjarnason, 11.2.2009 kl. 01:09]

Egill Jón: Mikið er ég sammála þér varðandi uppbyggingu álvera. Það er afskapleg merkilegt að menn skuli ennþá vera að reyna að reikna út hagkvæmni starfa í áliðnaði. Það er auðvitað hægt að reikna út hvað hvert starf í álveri gefur af sér miðað við mörg önnur störf. Svona geta menn reiknað fram og til baka og fengið niðurstöðu sem getur verið rétt svo langt sem hún nær.

Svonefnd afleidd störf og margvísleg önnur áhrif tengd stóriðju er ómögulegt að reikna. Á Grundartanga eru starfandi tvær stóriðjur Norðurál og Járnblendið. Það er alveg óumdeilanlegt að áhrif þessara fyrirtækja á byggðarlagið eru veruleg. Þetta má ekki gleymast.

Helsti ókostur við svona verksmiðjur er hversu mikla raforku þær nota. Mengunin er ekki stórt vandamál. Vissulega menga svona fyrirtæki, en það er alltaf í gangi tæknivinna til að draga úr þessari mengun. Og ég hef þá trú að á næstu árum verði búið að finna upp búnað sem dregur verulega úr þeirri mengun sem nú er frá þessum verksmiðjum. Þannig að það verði ekki talið vandamál. Hins vegar verður það stærra mál að ná niður raforkunotkuninni.

Það er umdeilanlegt hversu ljót álver eru. En ég skora á fólk að kynna sér starfsemi álfyrirtækja áður en það dæmir. Minna má á að Fjarðarál á Reyðarfirði bauð ferðamönnum að skoða álverið undir leiðsögn.

[Egill Jón Kristjánsson (IP-tala skráð) 11.2.2009 kl. 01:40]

Við þurfum alltaf að vera kröfuhörð á viðhorf okkar til samtímans. Aldrei höfum við keyr eins rækilega á vegg eins og í okt á síðasta ári. Við þann árekstur vöknuðu menn upp við það að gildi sem menn trúðu á voru röng. Hvaða tímapuntur er betri til að endurskoða viðhorfin en nú. Það þarf ekki að taka langan tíma. Ég þakka BB góða punta.

[Þorsteinn (IP-tala skráð) 11.2.2009 kl. 10:04]

Eigum við fyrir orkuveri handa álframleiðandanum eða þýðir það enn eitt risalánið frá útlöndum?