Verður sjálfstæðisflokkurinn áhrifalaus smáflokkur eftir kosningar?

Það sjá allir sem sjá vilja að það verði kosið fljótlega. Mjög líklega nú í vor. Krafan er orðin svo víðtæk að það er með öllu óhjákvæmilegt. Ríkisstjórnin er að gera margt gott í varnarbaráttunni, en hana skorti traust. Í lok síðasta árs þegar sjálfstæðisflokkurinn boðaði til landsfundar, var það ekki í huga forystunnar að kosningar væru á næsta leit. Nú reynir virkilega á landsfund sjálfstæðisflokksins.

Ef það á að bjóða upp á einhverja skrautsýningu á landsfundi, verður flokkurinn að athlægi í þjóðfélaginu. Þessi fundur á og verður að snúast um pólitík og ekkert annað. Það sem þarf að gerast á fundinum er.

1. Skipta þarf um forystu í flokknum.

2. Þingmenn þurfa að biðja þjóðina afsökunar á bankahruninu.

3.Taka þarf aðdráttarlausa ákvörðun um aðildarviðræður um inngöngu í ESB.

4.Búa til vegvísi um leið til sátt í sjávarútvegsmálum.

Þetta er aðeins lítill verkefnalisti sjálfstæðiflokksins sem ég vona og óska að verði afgreiddur á landsfundi. Ef ekkert af þessu gerist er það trú mín að flokkurinn geti lent í því að vera kallaður smáflokkur í íslenskri pólitík eftir kosningar.