Hestamenn út úr Elliðaárdal.

Nú rétt áðan var ég að skokka í Elliðaárdalnum. Það er hræðilegt að sjá það svæði sem hestamenn hafa þar til umráða . Meðfram ánni er girðingar ræksni með tugum hrossa. Harla sést þar stingandi strá, en þó eru hestarnir að leita að því er virðist síðasta stráinu. Innan þessara girðingar sem er eitt moldar flag var tugur af svörtum tómum ruslapokum og "allskonar" rusli. Þessi dalur er perla í höfuðborginni og er ekki séreign, heldur sameign okkar allra sem hér búum. Ef hestamenn geta ekki gengið um dalinn með meiri virðingu en raun ber á að henda þeim út úr dalnum. Ég vona að ef 'ann verður tregur hjá Jóni Gnarr á morgun skoði hann þennan ósóma og komi lagi á þennan svarta blett í perlu okkar Reykvíkinga, Elliðaárdal.

Halda eða sleppa?

Athugasemdir

[Dexter Morgan, 20.6.2010 kl. 00:15]

Orð í tíma töluð. Þetta er svona allsstaðar á landinu þar sem hestamenn eru, ekkert nema sóðaskapur og viðbjóður. Spurning hvort það sé ekki hægt að kæra þá fyrir illa meðferð á dýrunum, þar sem þau eru að naga mold, eins og víða sést. Svo eru þeir ekkert nema heimtufrekjan og vilja að bæjarfélögin geri allt fyrir þá og þeirra "sport".