Þvílík þjóðar skömm, skilum stolnu listaverkunum aftur til Coventry.

Það er ekki oft sem maður stendur upp frá sjónvarpinu hálf lamaður og í sjokki. Heimildamyndin sem sýnd var sjónvarpinu í kvöld sunnudag var virkilega þess eðlis. Að gluggar sem sem prýða Akureyrarkirkju og fleiri staði hér á landi skulu vera stolin og illa fengin listaverk er hræðilegt. Það segir sig sjálft að það væri mikill fengur fyrir dómkirkjuna í Coventry að fá þessi listaverk aftur. Hver það var sem stal þessum listaverkum og kom þeim í verð skiptir engu máli í dag. Það sem skiptir máli er að þessi listaverk komist í réttar hendur, til dómkirkjunnar í Coventry. Það lýsti hógværð kirkjurnar manna í Coventry að þeir hefðu einungis farið fram á vináttu Akureyrarkirkju vegna þessara listaverka. Kirkjan á að vera sá staður þar sem réttlætið á að rísa hvað hæst. Hvernig geta Akureyringar sætt sig við að hafa stolna muni í kirkjunni sinni. En í mínum huga er þetta ekki bara mál Akureyringa þetta er má allra Íslendinga. Skilum þessum illa fengnu listaverkum aftur til síns heim. Hafi handritin átt heima á Íslandi þá eiga þessi glerlistaverk heima í Coventry.

Athugasemdir

[Valdimar Samúelsson, 31.10.2010 kl. 22:59]

Ég tek undir þetta en í mínum augum er þetta þjóðarhneisa og það stakk mig þegar einn manna sem var í hópi sem voru að skoða dýrgripina sagði: kannski ættu þið að send skriflega beiðni um að við skiluðum þýfinu. Þetta virkilega stakk mig og svo að sjá heimili í reykjavík prýtt elsta glugganum ásamt öðrum torkennilegum munum.