Í einni trilljón eru milljón billjónir.

Í þeirri forsetaþreytu sem nú gengur yfir þjóðina, er tímabært að spá í hvað maður eigi að kjósa í næstu forsetakosningum. Ég tel meiri líkur en minni á að Ástþór Magnússon bjóði sig fram (ég veit ekki af hverju). Ástþór hefur ekki bara sent okkar ágæta seðlabankastjóra bréf og óskað eftir að kaupa gullforðann í kjallaranum á Kalkofnsvegi, 2 tonn af gulli fyrir 8 miljarða. Ástþór hefur líka sent seðlabankastjóra Spánar bréf og óskað eftir að kaupa þau 283 tonn af gulli sem Spánverjar eiga. Ég er þegar farinn að æfa mig í tölum til að vera umræðuhæfur þegar Ástþór tekur við.

Milljón er þúsund þúsundir og milljarður er þúsund milljónir. Næsta tala sem hefur sérstakt heiti í þessum stiga er billjónin sem er milljón milljónir. Síðan kemur trilljónin sem er milljón billjónir og kvadrilljón sem er milljón trilljónir. Þá kemur kvintilljón.