Verðlagning á bílastæðum við flugstöðina eins og í miljónaborgum.

Mig hefur lengi undrað þetta verð sem tekið er fyrir að leggja bíl í nokkra daga við flugstöð Leifs Eiríkssonar. Ég hef spurt mig hvort við þurfum alltaf að miða okkur við miljónaþjóðir. Mismunurinn hér á Íslandi og víða við aljóðaflugvelli er að hér á landi er pláss fyrir óteljandi bílastæði, á meðan margir alþjóðaflugvellir eru landlausir. En það virðist vera þörf fyrir að skrúfa verðið hér upp úr öllu valdi. Ég hefði gaman að sjá rekstrarreikning fyrir þessu okri við FLE. Nú er það margt sem þarf að hugsa upp á nýtt hér á landi, eitt er það að verðleggja þessi stæði við flugstöðina á eðlilegu verði. 

Eigandi bifreiðar skaust til Alicante

Athugasemdir

[Eyjólfur (IP-tala skráð) 27.8.2009 kl. 23:55]

Svo er annað í dæminu, bílunum er lagt á óafgirtu svæði við leifsstöð, og bílar eru þar algerlega á ábyrgð eiganda. Ég borgaði 13 þúsund fyrir að geyma bílinn minn þarna fyrir 2 árum, stæðið var troðfullt og þurfti ég því að leggja bílnum á malarplani aftarlega. Ég varð fyrir því óláni að það var keyrt aðeins utaní bílinn, nudd á frambretti. Securitas tilkynntu mér þá að það væri engin leið fyrir þá að sjá hvort þetta væri gömul skemmd eða ný, og þeir tækju enga ábyrgð á tjóni sem gæti orðið á planinu þeirra. Því borgaði ég þennan pening fyrir það eitt að leggja bílnum útí móa í Keflavíkurhrauni. Því í næstu ferð þá lagði ég bílnum mínum á malarplani bakvið iðnaðarhúsnæði í keflavík, og kom bíllinn óskemmdur úr því og kostaði það mig ekki 13 þúsund.

[Ívar Jón Arnarson, 28.8.2009 kl. 07:39]

Hversvegna ekki bara skilja bílinn eftir heima og taka flugrútuna ?

Milku þægilegra. Þá þarf maður allaveganna ekki að vera að vandræðast hvar skuli geyma bílinn.

[Nostradamus, 28.8.2009 kl. 08:01]

Ef þú eyjólfur hefur borgað 13 þús fyrir geymslu hefur það verið í einhverjar 4 vikur því 21 sólarhringur kostar tæp 8 þús í dag. Ætli þig misminni ekki heppilega fyrir söguna. Og varðandi verðlagningu þá má benda á að ódýrasta vikan á td Gardemoen flugvelli í Oslo kostar 390 norskar eða um 7800 í íslenskar og þá er stæðið svo langt frá húsinu að þú þarft að taka rútu í bygginguna. Vikan í FLE kostar 4410 kr. Sama verð á Bergen flugvelli. Á Kastrup kosta fyrstu 7 sólarhringarnir 225 danskar eða um 5400 kr, aukasólarhringur um 600 kr...  Í Billund eru verðin hærri.

 Nei, það er nefninlega ekki dýrt að leggja við FLE. Bílastæðin þar eru með þeim ódýrustu í Evrópu og það geta þeir sem nenna fundið út á fáeinum mínútum á netinu. Til gamans er hér verðskrá Icepark sem nú sér um stæðin við FLE:

Verðskrá langtímastæði

1 dagur	630 kr	8 dagar	4.610 kr	15 dagar	6.730 kr
2 dagar	1.260 kr	9 dagar	4.810 kr	16 dagar	6.840 kr
3 dagar	1.890 kr	10 dagar	5.010 kr	17 dagar	6.950 kr
4 dagar	2.520 kr	11 dagar	5.210 kr	18 dagar	7.060 kr
5 dagar	3.150 kr	12 dagar	5.680 kr	19 dagar	7.170 kr
6 dagar	3.780 kr	13 dagar	6.150 kr	20 dagar	7.280 kr
7 dagar	4.410 kr	14 dagar	6.620 kr	21 dagar	7.630 kr

Hver byrjaður aukasólarhringur er á 350 kr....

Ódýrasti taxti leigubíla á dagtaxta frá Reykjavík er um 9000 kr. Aðra leiðna!! 11500 á næturtaxta. Sumsé 18-23 þúsund báðar leiðir. Ég held að menn ættu að kynna sér aðeins betur um hvað þeir eru að tala áður en þeir tjá sig....

[Sólveig (IP-tala skráð) 28.8.2009 kl. 09:26]

Maður borgar svipað eða minna fyrir bensín og bílastæði við Leifsstöð í viku-10 daga en kostar fyrir 2 báðar leiðir með flugrútunni! Man ekki tölurnar en hef reiknað þetta út fyrir 2 ferðir og í bæði skiptin komist að þeirri niðurstöðu að bíllinn væri betri kostur (kostar 1500 kall að komast með leigubíl í flugrútuna hvora leið heiman frá mér).

[Kjartan (IP-tala skráð) 28.8.2009 kl. 10:28]

Ef maðurinn hefur efni á Land Rover að þá ætti hann nú að hafa efni á að borga bílastæði í viku...

[(IP-tala skráð) 28.8.2009 kl. 10:57]

Eitthvað virðist nú vera á reiki verðskrá fyrir þessi bílastæði því árið 2005 greiddum við hjónin fyrir 14 daga kr 7900 kr og mér er nú til efs að það hafi lækkað mikið.  Annað hvort er ekki sama hver er sem er að greiða eða starfsfólk veit ekki hvað það er að gera. Og mig misminnir þetta ekki því ég er með kvittunna fyrir framan mig. Þar fyrir utan kom bíllin stórskemmdur eftir þessa dvöl þarna, bæði búið að keyra utan í hann og  svo stórar rispur á hliðinni sem starfsmaður a plani sagði að væri trúlega eftir troðning með ferðatöskur, en auðvitað ekkert bætt.

Og svo til að kóróna þjónustunna þá óskuðum við eftir því að þeir kæmu með bílinn að stöðinni og borguðum við fyrir það, okkar flugi seinkaði um 2 eða 3 tíma og þegar við lentum var engin bíllinn. Við hrigdum og spurðum hverju þetta sætti og var þá sagt að starfsmaður hefði verið sendur í þetta og bíllin ætti að vera komin, við spurðum þá hvort þetta gæti verið vegna seinkunar á fluginu en það átti ekki að breyta neinu, þeir hefðu flugnr og fylgdust með því. Við gáfumst upp á að bíða og fórum út á plan að leita að bílnum fundum starfsmann í skúr þar, og þar stóð bíllinn og búin að ganga  í rúma 2 tíma þar,  opin með lyklunum í og rétt að verða  olíulaus,    starfsmaðurinn hafði sem sagt gleymt bílinum,  hafði sett hann í gang til að þýða hann upp miðað við áætlaðan lendignartíma en þegar svo kom seinkun þá bara úps sorrý og honum fannst við verulega leiðinlega að finna að þessu. Höfum ekki skipt við þetta lið síðan.

[Eðvarð Hlynur Sveinbjörnsson, 28.8.2009 kl. 11:12]

Annars er vita tilgangslaust að vera að eiga bíl ef maður er alltaf að stressa sig á einhverjum dældum og beyglum og rugli, ég keyri bara minn bíl geri það vel, legga honum þar sem ég þarf hverju sinn tek því sem kemur og yppi öxlum og segi í besta falli o jæja, ef það kemur á hann rispa eða dæld.

 Þetta eru nú bara bílar.

[Eðvarð Hlynur Sveinbjörnsson, 28.8.2009 kl. 11:14]

Taka bara leigurbíl.

[Sigurður Ingi Jónsson, 28.8.2009 kl. 14:22]

Hvað er eðlilegt geymslugjald?

Ef við gefum okkur meðaltekjur á hvert stæði 500 kr. á sólarhring og 80% nýting. Þá eru tekjur á hvert stæði 400 krónur á sólarhring, eða 146.000 krónur á ári.

Hvað kostar malbikaður bleðill í auðninni? Núvirtur kostnaður á hvert stæði sem gerð voru 1998 er 167.000 krónur.

Það lætur því nærri að stæðið greiðist upp að fullu á einu ári. Eftir það er um hreinar tekjur að ræða, að frádregnu einhverju lítilræði við rekstur posastýrðra gjaldhliða.

Stæðin eru uþb 2.000, það sinnum 400 gera 800.000 á dag, eða 292.000.000 króna á ári.

Það er að mínu viti ekkert eðlilegt við þessa verðlagningu, hér er um hreint peningaplokk að ræða.

Heimildir http://www.fsr.is/library/1439 og Hagstofa Íslands.

[Óli (IP-tala skráð) 28.8.2009 kl. 15:36]

Ég tek undir að mér hefur ekki þótt dýrt að geyma bíl við flugstöðina sé allt tekið með í dæmið, sérstaklega hvað leigubíll þangað er ótrúlega dýr!

Hitt er að þarna er mjög þröngt og ég fékk alveg ælu í hálsinn þegar ég heyrði fyrir nokkrum misserum söguna af bílnum sem var lagt á röngum stað á planinu (minnir að það hafi verið snjór yfir merkingum á malbikinu) og rekstraraðilar gerðu sér lítið fyrir og fjarlægðu bílinn og létu flytja til Keflavíkur, eigendum til gleði og svöruðu svo með dóna- og ruddaskap. Gott að vera með einokun...!

[Steini (IP-tala skráð) 28.8.2009 kl. 16:14]

Það eru skildamerkingar líka þarna uppfrá á Langtímastæðunum sem fólk á að taka eftir.

Verðið þarna uppfrá er mjög gott miðað við ástandið í dag.

Viðhaldið og tölvuheilarnir í hliðunun er mjög kostnaðarsamt og t.d kostar einn svona litill tölvuheili um c.a 800þúsund og svo þarf að kaupa varahluti í þetta líka sem er mjög kostnaðarsamt.

Myndavélarnar þarna uppfrá eru til þess að hægt sé að aðstoða fólk sem eru í vandræðum við hliðinn,þannig að sá sem er í afgreiðslunni geti fylgst með.

[Karma (IP-tala skráð) 28.8.2009 kl. 16:24]

Þetta er þjónusta sem enginn er neyddur til að kaupa.

Ef fólki ofbýður verðið er um að gera að gera aðrar ráðstafanir, t.d. leigubíll eða flugrúta sem gengur mjög reglulega upp að flugstöð

Sumir virðast líka halda að innifalið í geymslugjaldinu sé trygging sem bæti bílana ef þeir skemmast eða eru skemmdir en svo er auðvitað ekki, kaskótrygging bætir það tjón aftur á móti.

[Bjartur (IP-tala skráð) 28.8.2009 kl. 18:53]

Mér finnst þetta einfalt.  Þetta er ekki einkaframtak.  Þetta var allt byggt fyrir peningana okkar og Securitas svo ráðnir sem rekstraraðilar.  Mér finnst persónulega ekki spennandi að borga fyrir afnot af aðstöðu sem ég borgaði fyrir að byggja, sér í lagi þar sem ástandið á þessu er svo sem ekki merkilegt heldur.  Arðsemiskröfurnar líklega of háar til að eyða í að þetta sé í lagi.

[Egill Jón Kristjánsson (IP-tala skráð) 28.8.2009 kl. 21:15]

Ég sé á öllu að þetta er heitt mál. Sigurður Ingi gerir ágæta tilraun til að finna framlegð út úr þessu . Auðvitað sjá allir að verðlagningin er út úr Q. Í mínum huga er þetta þannig. Fyrir hrun þá var þessi krítíska spurning við verðlagningu á vöru og þjónustu. Eigum við að verðleggja þjónustuna miðað við fólk sem er á einhverjum strípuðum töxtum, eða eigum við að verðleggja þjónustuna mið við fólk sem hefur peninga? Fólk sem græðir á daginn og grillar á kvöldin. Fólk sem fær kúlulán og er í bussines? Alvöru fólk. Ein af kostum kreppunnar er að nú er þessi tími liðinn.  Það að leggja bíl við flugstöðina á ekki að vera verðlagt þannig að verðlagningin standi undi ofurlaunum til rekstraraðila. Sá tími er liðinn.