Bölvaðir aular gátu þetta verið.

Sparisjóðakaflinn í efnahagshruninu verður sérstakur kafli þegar sagan verður skrifuð. Hvernig peningamennirnir sá möguleika í að komast yfir fjármuni sparisjóðanna. Þegar vel gekk þá þurfti ekki neinar umræður um hvert gróðinn átti að fara. Sauðsvartur almúginn horfði bara á úr fjarska  og fylgdist með þessum kláru peningamönnum. Þá kom málefni sparisjóðanna almenningi ekki við. Hvernig umsnúningurinn verður þegar peningakerfið hrynur. Þá koma þessir sömu peningamenn og biðja til almenning um að nú verðið þið að borga.Þegar formerkin snérust við þá er þetta mál almennings. Sama almennings og sér lánin sín rísa yfir höfuð sér, sama almennings og er að missa aleiguna.  Öllum bönkum verður að bjarga. Þegar sagan verður skráð og börnin sem nú eru að fæðast lesa um það hvað gerðist er líklegt að einhver segi. Bölvaðir aular gátu þetta verið.

Sparisjóður Bolungarvíkur óskar eftir ríkisstuðningi

Athugasemdir

[Gísli Gunnlaugsson (IP-tala skráð) 21.3.2009 kl. 08:18]

Ég held að það botni enginn neitt í þessum furðulegu fjárkröfum sparisjóðanna.  Í fyrsta lagi hélt ég til skamms tíma að þetta væru ekki einkafyrirtæki örfárra manna og í öðru lagi, úr því að svo er, af hverju er lítið svo á að það sé sjálfssagt að borga þeim tugi milljaraða í örorkubætur meðan ekki má leiðrétta kolrangan útreikning á verðbótum lána bláfátæks almennings?  Hverslags alþýðustjórn er þetta eiginlega?

[albert (IP-tala skráð) 21.3.2009 kl. 12:32]

Þetta er afleiðin breyttra bankalaga frá 2001. Þar byrjaði þessi vitleysa öll. Svo ætlar fólk að kjósa þessi fífl yfir okkur aftur, ef marka má skoðanakannanir

[kolbrún Bára (IP-tala skráð) 21.3.2009 kl. 19:10]

Þið bankastjórnendur, er ekki tími til kominn, að þið farið að greiða eitthvað til baka af öllum bónusunum og ofurlaununum, sem þið fenguð fyrir mikla ábyrgð og stjórnendahæfni?? Þið stóðust flestir, ekki undir væntingum. Þið brugðust.  Þið mötuðu krókinn ykkur sjálfum og ykkar hyski til handa og látið aðra gjalda fyrir ykkar misgerðir. Þjóðinni blæðir út, fyrst og fremst vegna ykkar aulaháttar og mikilmennskubrjálæðis. Farið í endurmenntun og þá gengur kanski betur næst. Þorgerður Katrín veit allt um endurmenntun fyrir menn í banka- og viðskiptageiranum.