Er Styrmir hin nýja ásýnd sjálfstæðisflokksins?

Enginn flokkur þarf meira á því að halda en sjálfstæðisflokkurinn að fríkka upp á ásýnd sína. Að ætla að fara til alþingiskosninga með sömu forystu og sama eða svipaðan hóp þingmanna  væri  ávísun á hrun í kosningum. Í mínum huga þarf að ger algjöra breytingu á forystuliði flokksins. Það kemur mér á óvart nú þegar flokkurinn vinnur sína heimavinnu varðandi ESB að það skuli vera gamall aftursætisbílstjóri Styrmir Gunnarsson sem leiddur er fram. Ég vil ekki sjá Sryrmir í vegvísagerð þegar ég kýs um það hvort við eigum að sækja um aðild að ESB. Hundruðir eða þúsundir manna og kvenna eru að tapa því verðmæti sem sjálfstæðisflokkurinn stendur fyrir þ.e frelsinu. Á þetta fólk að hlusta á Styrmi þegar hann hrópar að við megum ekki tapa yfirráðum yfir auðlindum. Hvernig er staðan á auðlind sjávar? Höfum við eitthvað yfir henni að ráða? Hvað fer mikið að því sem úr sjónum kemur til að greiða fjármagnskostnað af yfirveðsettri auðlind. Það er stórkostlega brýnt að gera stöðumat varðandi auðlindina sem er okkur hvað sýnilegust þ.e auðlind hafsins. Ég spyr mig hvort það sé betra að auðlindinni sé illa stjórnað af íslendingum eða vel af útlendingum? Sú spurning hvort sá arður sem auðlindin gef okkur sé réttlátlega skipt milli þeirra er landið byggir á fyllilega rétt á sér. Ég vona að Styrmir (með fullri virðingu fyrir honum) finni sér eitthvað annað að gera en að fara í vegvísagerð fyrir okkur sjálfstæðismenn í ESB ferlinu.

Umboð til að verja auðlindir

Athugasemdir

[Jón Ragnar Björnsson, 6.1.2009 kl. 00:38]

Egill, takk fyrir góðan pistil.

Flokkurinn ætti að íhuga að skipta um nafn á landsfundinum. Hann er ekki flokkur sjálfstæðis, nýbúin að koma okkur þvílíka fjötra, að jafnvel barnabörnin okkar verða múlbundin.

[Hafsteinn (IP-tala skráð) 6.1.2009 kl. 01:24]

Þú kallar sjálfan þig sjálfstæðismann en samt ertu hvorki hægrisinnaður né hefur þú nokkurn áhuga á sjálfstæði landsins. Ertu viss um að þú eigir ekki bara betur heima hjá Samfylkingunni, þar er fullt af krötum sem vilja kasta sjálfstæðilandsins á brott til þess eins að geta kallað sig evrópubúa.

Allavega ef þú villt kalla þig áfram sjálfstæðismann þá ættir þú að skoða hvað flokkurinn stendur fyrir og þá sérstaklega afhverju hann var stofnaður.

Ps.

Smá hint, byrjaðu á því að skoða nafnið á flokknum.

[Egill Jón Kristjánsson (IP-tala skráð) 6.1.2009 kl. 08:00]

Já það er gott að hugleiða nafnið á flokknum. Er sá maður sjálfstæður sem mist hefur forræðið yfir eigin fjármálum? Er sá maður sjálfstæður sem má ekki kjósa til alþingis af því að hann er gjaldþrota? Frelsið er farið. Ég held að fleiri þurfi að hugleiða nafnið á flokknum Hafsteinn.