Hey, heyr.

Hvernig geta borgaryfirvöld hunsað þetta heiðursfólk? 

Vanvirðing gagnvart fortíðinni

Góðir eigendur og slæmir.

Upp úr hruninu 2008 leitaði mjög á huga minn hverjir væru góðir eigendur af fyrirtækjum.Væri best að lífeyrissjóðirnir ættu öll fyrirtæki og síðan væru sjóðirnir með sérfræðinga á sínum snærum.Væru kannski gott að starfsmenn sem vinna í fyrirtækinu ættu góðan hlut í þeim. Í mínum huga tók ég sem dæmi ef sjómennirnir á skipum Bergs Hugins ættu 15-20% í útgerðinni.Ef forstjórinn keypti þyrlu til að skutlast á milli lands og eyja er ég hræddur um að sjómennirnir segðu " halló" er þörf á þessu. Ég reifaði þessum hugmyndum mínum á fundi í Valhöll.Mér er sérstaklega minnistæður einn náungi sem hnussaði og og spurði "viljið þið bæjarútgerð" Þetta var sami maðurinn sem var stjórnarformaður og einn stærsti eigandi í SP.kef þegar ruglið stóð hvað hæðst í stönginni. Sami maður og var forseti bæjarstjórnar Reykjanesbæjar sem lagði það sveitarfélag í rúst.Á svona menn er hlustað á í sjálfstæðisflokknum.Nú er Guðmundur orðinn aðaleigandi í HB-Granda með  stuðningi bankans okkar, Landsbankans. Það sem leitar á hugann núna er hvort þetta eru góðir eigendur. Velgengni Guðmundar felst fyrst og frem í útsjónasemi hins helsjúka kvótakerfi. Bankinn lánar upp í rjáfur fyrir kaupunum og fær óhemju tekjur út úr sjávarauðlindinni, sem hann lánar síðan okkur með okurvöxtum. Eftir situr sú spurning hverjir eru góðir eigendur. Ég fann það á þessum fundi mínum í Valhöll að það var ekki minnsti áhugi fyrir að ræða þessa pólitísku spurningu mína. Við höfum þetta bara eins og verið hefur.

 

Segir sig úr stjórn HB Granda

Hæfileikar Kristjáns felast í því að gera ekki neitt.

Eftir hrun var Kristján Þór fengin til að endurskoða hið félagslega kerfi okkar sjálfstæðismanna. Kristján hélt einhverja fundi meðal sjálfstæðismanna. Mætti undirritaður á einn af þessum fundum í Valhöll sem ég hefði betur sleppt. Kristján skilaði af sér verkefninu og viti menn.Hver var niðurstaðan? Það sem vantaði hjá sjálfstæðisflokknum var vara varaformaður, að mati Kristjáns. Þvílík snilld. Hið félagslega kerfi er ekki slæmt það er frekar hægt að segja að það sé ónýtt og jafnvel skaðlegt. Hin félagslega umgjörð sjálfsæðisflokksins er eins í dag og hún var hér í Reykjavík þegar Silli og Valdi voru kaupmenn hér í höfuðborginni. Lítil máttlaus félög drituð niður um alla borg. Ég segi að þessi umgjörð sé skaðleg. Af hverju? Í þessari umgjörð hafa sérhagsmunaöflin tekið völdin og ráða því sem þau ráða vilja. En fyrir þessa snilld sína þ.e að benda á að það vantaði vara varaformann (sem síðan breyttist í ritara) fékk þessi sami Kristján ráðherraembætti. Í síðustu ríkisstjórn var Kristján menntamálaráðherra. Við þessu embætti tók síðan Lilja Alfreðsdóttir. Sennileg er vandfundinn einn íslendingur sem telur að við það að Lilja tók við menntamálum hafi væntingar minnkað til málaflokksins. En að sjálfsögðu fékk Kristján Þór annað ráðuneyti. Atvinnuvegaráðuneytið þar sem sjávarútvegsmálin eru vistuð. Útilokað er að finna betri mann sem gerir nákvæmlega ekki neitt í þessum málaflokki. Þrátt fyrir stórkostlega þörf. Ef umgjörðin væri sú sama í stjórnmálum og fótbolta væri löngu búið að selja Kristján Þór fyrir slikk til neðrideildar liða. En svona getur grasserað í sjálfstæðisflokknum meðan hið félagslega kerfi er meira en ónýtt.

Ekki rétt að endurskoða hvalveiðina

Erfitt að átta sig á framgöngu Guðmundar í sjávarútvegi.

Guðmundur Kristjánsson hefur farið með himinskautum í íslenskum sjávarútvegi síðustu ár. Um mitt ár 2015 kaupir Guðmundur nýtt skip Skálaberg , sem þá varð stærsta skip íslenska flotans. Við sem búum í Reykjavík sáum þetta skip liggja við bryggju svo mánuðum skipti, greinilega verkefna laust.Skipið kostaði 3,5 miljarða og skilaði ekki krónu í tekju þessa mánuði sem það lá við bryggju. Vaxtabyrgði af þessu stóra og glæsilega skipi hlýtur að hafa verið verulega íþyngjandi. Um mitt ár 2011 selur Guðmundur (gamla) útgerðafélag Akureyringa til Samherja. Þetta gerist á þeim tíma sem frekar fór að halla undan rekstri frystitogara og tími hátækni landvinnslu var að taka við. Þrátt fyrir þetta virðist svo vera að lítil takmörk virðist vera á fjárfestingagetu Guðmundar. Kaup á Ögurvík og kaup á HB Granda eru dæmi þar um. Hvernig eigum við sem erum áhugafólk um sjávarútveg að skilja þetta.  

Rannveig Rist hætt í stjórn HB Granda

Okur ISAVIA.

Þessi bílastæði eru fyrst og fremst notuð af Íslendingu. Íslendingum sem eiga þetta land. Alltaf þar Isavia að bera sig saman við landlausa flugvelli stórborga. Staðreyndin er sú að við eigum nóg af landi í kringum flugvöllinn. Það kostar ekki stórar upphæðir að slétta úr hrauninu og malbika. Á móti við landlausa flugvelli þarf að byggja mikil mannvirki fyrir bílastæð. Gjarnan margar hæðir og oft á tíðum með kjallara langt niður í jörðina. Hér á landi fer þetta okur að líkjast krabbameini á þjófélaginu. Hér þurfa vextir að vera margfaldir borið saman við nágrannalöndin. Bílastæðaokrið við flugstöðina er í nákvæmlega sama flokki. Margfalt á við þjóðir sem við viljum bera okkur saman við.

Stæðin dýrari sé ekki bókað fyrirfram

Vigtaðu rétt strákur.

Skúli Magnússon (1711)fógeti vann á unglings árum hjá dönskum kaupmanni og kynntist þá gildandi verslunarháttum. Kaupmaðurinn kallaði oft til Skúla "vigtaðu rétt strákur" sem þýddi að hann átti að snuða viðskipavinina og vigta laklega. Þetta kemur upp í hagan þegar vigtunarmál í sjávarútvegi ber á góma. Þetta bragð dönsku einokunar verslunarmanna að snuða viðskiptavininn var vel þekkt. Hefðu þeir þ.e þeir dönsku verið spurðir af Mogga þess tíma hvernig vigtarkerfið væri hefðu þeir eflaust sagt að það væri með miklum ágætum. Vigtunarmál í sjávarútvegi er birtingarmynd aumingjaháttar og vesaldóms stjórnmálamanna. Vandamálið er svo auðleyst sem mest getur verið en kjarkur þeirra manna sem er falið að fara með umsjón þessa málaflokks er með þeim hætti að undrun sæti. Þegar við förum út í Bónus og kaupum vörur þá er það fulltrúi eiganda vörunnar sem er við kassann og skannar inn vöruna og segir nýjum eiganda  hvað hann eigi að borga fyrir. Það er ekki viðskiptavinurinn sem fer inn í lokað rými og skannar inn vörurnar sjálfur og ákveður hvað hann á að borga. Á sama hátt á þetta að vera í sjávarútvegi. Fulltrúi eigenda (þjóðin, samkvæmt stjórnarskrá) á að vigta fiskinn. Þannig ætti að koma upp vigtarstöðvum þar sem fiski er landað. Fiskmarkaðirnir í landinu væri vel til þess fallnir að taka þetta að sér í verktöku. Á meðan ekki er horft í þessa einföldu staðreynd og stjórnmálamann hafa ekki kjark til að taka á vandanum, verða vigtunarmál í sjávarútvegi í ólagi.

Endurvigtun til fyrirmyndar

Sérhagsmunagæslan algjör.

Hvergi nokkur staðar er birtingarmynd sérhagsmunagæslu sjálfstæðisflokksins skýrari en í sjávarútvegsmálum. Fyrir landsfund árið 2015 flutti undirritaður tillögu þess efnis að öll viðskipti með aflaheimildir hvort heldur til lengri eða skemmri tíma yrði færðar í markaðslegan farveg þar sem aðilar í sameiningu settu slíkum markaði starfsreglur.Þessi tillaga fylgdi ýtarleg greinargerð. Það er skemmst frá að segja að tillagan var svo kolfeld. Jens Garðar flutti ræðu eftir að ég lagði fram tillöguna. Ég mun hér fara yfir ræðu Jens lið fyrir lið. Það er fljótgert því liðurinn var aðeins einn, sem var svona. "Kvaað eridda maður ríkismarkað" . Jens var rauður í framan. En flokksmenn féllu kylliflatir fyrir ræðusnilld Jens Garðars. Næst talaði Guðmundur í Brim. Ræða hans var skemmtileg og hefði sómt sér ver á þorrablóti á Snæfellsnesi. En Guðumundur varpaði því fram hver ætti vindinn og ræddi það frá mörgum sjónarhornum. Næst talaði Tómas Ingi Olrich gamall ráðherra sjálfstæðisflokksins. Það var með ólíkindum að Tómas Ingi fyndi þörf hjá sér að styðja við bakið á stórútgerðamönnum. Þarna flutti hann ræðu sem vonandi er sú lélegast á hans ferli.En lítum aðeins á hvernig þessum viðskiptum er háttað í dag og síðustu ár. Verðmyndun á aflaheimildum til lengri eða skemmri tím er í höndum á kvótahöfum og bönkum. Þetta er markaður sem velt hefur hundruðum miljarða. Báðir þessir aðilar hafa af því hag að skrúfa verðið upp úr öllu. Öll þekkjum við afleiðingarnar. Aflaheimildir voru seldar manna á milli. Heilu fljótin  af fé fór til aflandseyja í skattaskjól.Bankarnir héldu námskeið hvernig hægt væri að komast hjá skattgreiðslum.Þörf fyrir breytingar á þessum markaði eru stórkostlegar. Að afhenda bönkum og kvótaeigendum þennan markað  er eitrað. Á þessum fundi í Valhöll benti ég á að t.d verðmyndun á áli og fleiri málmum sem fara um markað í London(LME) þar eru reglur og regluverk markaðarins upp á 150 bls. Reglur og regluverk með viðskipti með aflaheimildir er o blaðsíður. Þetta er í hendi banka og kvótahafa.Að horfa ekki í þessa augljósu staðreynd er gerræðislegt. Að sjálfsögðu ættu útgerðamenn að hafa sjálfir frumkvæði af því að búa um þennan markað þannig að sómi væri af.Skömm sjálfstæðisflokksins að horfast ekki í augun við staðreyndir er algjör. Ég hef kallað eftir því innan flokksins og beðið um skýringar á því hvers vegna það sé best að bankar og kvótahafar ráði þessum markaði. Því er mætt með hroka og þögninni. Eftir langa veru í sjálfstæðisflokknum er útilokað að styðja hann lengur. Flokkurinn er hrokafullur, ólýðræðislegur, sérhagsmunagæsluflokkur. Það væri verðugt verkefni fyrir flokkinn að halda ráðstefnu þar sem þetta væri yfirskriftin. Sárast er að horfa á Þá sem við höfum valið til að gæta hagsmuna sjávarauðlindarinnar eins og auma áhorfendur. Á þessum fundi var einnig sár að horfa upp á unga sjálfstæðimenn ekki hafa skoðun á þessu máli. Aumingjaskapur fus var algjör.

Ekki ætla ég að kjósa flokkinn, en hef áhuga á að spúla skítnum út úr flokknum þannig að flokkurinn verði lýðræðislegur mið-hægriflokkur sem gætir hagsmuna heildarinnar og hendir sérhagsmunagæslunni út í hafsauga.

Það eiga að ver þung viðurlög við svona hátterni.

Alþinga á að setja reglur og þung viðurlög við að hvetja til að teppa neyðarlinuna. Í vestrænum heimi er reynt að sporna við hatursumræðu og umræðu sem ógnað geta öryggi fólks. Að það skuli vera (vara) þingmaður sem hvetur til slíks ætti að rannsaka sérstaklega. Ef þingmaður er að hvetja til ólöglegra athafna ætti að vera sérstakur refsiauki við því. Ef píratar biðjast ekki afsökunar á þessu og sverja af sér svona tal eru þeir sem flokkur allir meðsekir. Við fylgjumst með hvað gerist á næstu klukkustundum.

Varaþingmaður vill teppa neyðarlínu

Nú á að flagga í hálfa stöng um land allt.

Hér speglast algjör aumingjaskapur þingkjörinna fulltrúa fólksins sem byggir þetta land. Stjórnmálamenn hafa framselt valds sitt til banka og útgerðamanna. Sameiginlega þ.e útgerðamenn og bankar mynda verð á aflaheimildum hvort heldur til lengri eða skemmri tíma. Alþingismenn eru aumir áhorfendur og taka aðeins við fyrirmælum frá útgerðamönnum um að þetta sé besta kerfi í heimi. Langbest sé að bankar og útgerðamenn ráði þessu. Afraksturinn er að heilu fljótin af peningum runnu til aflandseyja og bankinn hélt sérstakt námskeið hvernig hægt væri að komast hjá skattgreiðslu vegna þessara fjármuna. Ein birtingarmynd af þessari óstjórn birtis í þessari frétt þar sem tugir manna er aðeins "delete" eining í exelskjali. Nú er tíminn og tækifærið til að taka þetta vald af bönkum og útgerðinni og færa það til þeirra sem auðlindina eiga. Þetta er sorglegur dagur fyrir minn gamla heimabæ og ærið tilefni til að flagga í hálfa stöng.

86 sagt upp störfum á Akranesi

Sýnum krumma umburðalyndi.

Í guðannabænum ekki hreyfa við hreiðri krumma. Það er engin sá sóðaskapur af krumma. Maðurinn er miklu stærra vandamál þegar við ræðum um sóðaskap. Sýnum krumma þá virðingu eftir að við höfum fengið að fylgjast með fegurð lífsins og leyfum honum að vera í friði.

Hrafn hreiðrar um sig í Byko